Luku 12:30 - Ata New Testament

³⁰ Xo tatemanu xale lialia mukalusi opone'i uuali misevile no anu mimi axone so ixalisou. Ia ngingi Maminge mulavusou mi ma'ia laixe so xoluxolu noxinge ne.

Luku 12:30 ပူးပေါင်းရင်းမြစ်များ

Matiu 10:20

Xo anene ngingi menge nga­lanu vaikala uasi. Anu Maminge Ulenu molu ulanu vaikalaou no anangenge.

Matiu 18:14

Laso anu axone kalumo noxou Maminge e uxolu no tualasou lailaixe. Xo anu oponu ututulu lexe vile noxi'a ta'aliku moso 'o imamulo uasisi.

Matiu 5:47

Mo loxo ngavikala aso noxi'a tavivingesi la anene ilixo laixe noxi'a se'i axova? Xo ane'i tami­tema so isivoxo i'oxo axone to kalumo.

Matiu 6:1

Ioxe, Iesua muvikala aloxo 'ola, “Ngalaxa'i laixe so loxo nga'oxonu ilixo ane ulalapusi la no ie'i tamitema so isaxisingexu uasi. Xo loxo nga'oxo axone la ngano'u lapesou noxou Maminge uxolu no tualasou lailaixe uasi.

Matiu 6:32

Xo tamitema so isivoxo opone'i uuali misevile no anu mimi axone so ixalisou. Ia ngingi Maminge mulavusou mimi muka­lusi ane laixe so xoluxolu noxinge ne.

Matiu 6:8

Nga'oxo aloxo ane'i uasi xo loxo ngalinga uao la Maminge ulavusou mi ma'ia laixe so xoluxolungenge lumamo.

Luku 12:29

Laso mamu so ngauali lexe ngaxalisou mi so nga'ani xe so ngaiexu ne'ei. Opongengi uauavuti uasi.

Luku 12:31

Laso laixe so ngingi opongengi u'oxoxu voxo ane Mosinge molu u'uli laxune'i tamitemaou. Xo loxo mimi so xoluxolungenge 'o ne anu a upipilixinu noxinge 'oe.”

Luku 12:32

Iesua muvikalane'i tatisaipeliou aloxo 'ola, “Ngingi tasipisipi se 'o nga'ume uasi. Maminge oponu ututulu lexe no voxo loxo anu molu u'uli laxungengi tamitemaou la upilixinu mimiou noxinge.

Tioni 20:17

Xe Iesua muvikalane lexe, “Nasavunixo uasi xo eni alai teitexi noxou Mamilo uao. Ia nini nalai noxi'a tavivilo mo navikalane'i lexe eni a so alai teitexi noxou anu e Maminge nenge'a xe Mosinge nenge'a.”

Epesusi 4:17

Ioxe, eni apelototosinge pakia'u no anu ualasou Tatananenge aloxo 'o. Mamu so ngamuamua'i no anu xoluxolu noxi'a tamitema noale'ale e ilamana uasi. Xo xavutalai'a uxovulaulausi.

1 Tesalonaika 4:5

Mamu so masamasaxa masua upalusinge no anu ili'ilixo nuni'u. Xo anene ilixo noxi'a tamitema so isivoxo e ilavusou Mosinge uasi.