Luku 12:24 - Ata New Testament

²⁴ Ngingi ngaxa­vu­talane'i ta'ola. Axova, ane'i ilavusou itou la'ilali mo imolo? Xe ane'i tani so mimii'a o so iauvaxe. Uasi, xo Mosinge molu ua'a'ane'i. Ia ngingi to ne anu tanungenge muua'u­lixa'a tangiala avile ane.

Luku 12:24 ပူးပေါင်းရင်းမြစ်များ

Matiu 10:31

Laso nga'ume uasi xo tangiala ne mi loxo utiatila uasi, anu tanungenge uua'ulixa'a tangiala tavu'alo ne avile.

Luku 12:7

Ia tangiala ne mi loxo utiatila uasi, anu tanungenge uua'ulixa'a tangiala avile. Ai, anu ulavusinge laixe xo kisinge laxusou se ne anu mulavusou navasou ane. Laso nga'umolu mi vile uasi.”

Maki 6:26

Kingi mulomusou vaikalaie axone la anu oponu tu'umaxu misevile. Ia anu muxavutala lexe, “Ai, eni evavalima no ie'i tatiatila e noxi'a te'ani'ani 'o. Laso loxo amulinu linga noxie uasi la atavulenu maila tatila ane. Eni vote'i so axililie uasi.”

Matiu 3:12

Anu Tatananenge mulalaxi so utongone'i tamitema mo ukalipa­lane'i. Ukalipalane'i tamitemaou noxi'a ane'i ane tamitema so susu. Xo anu loxo itema e utetelisou lasovolu so ususunu no anu uiti ka uleanu ulai teitexi. Uleanu ulai teitexi xe sivo uilisou la utavulenu sosou uxexe io ngiaxusi ulapau uai no lia. Mukalu la anu utaxusou uiti ngiaxu mo uta'olunu no tasou u'isalili. Ia sosou ne, anu usi'alonu so u'elaxu no navu ane u'ani'ani mo kaluxu uasi.”

Matiu 6:26

Ningi ngasaxisi'a tangiala. Ane'i ilavusou itou la'ilali o imolo? Xe ane'i isu'a la'oluxu mixamixa'a no tasou iauvaxe? Uasi, xo Maminge uxolu no tualasou lailaixe molu ua'a'a­ne'i. Ia ngingi to ne anu tanu­ngenge muua'ulixa'a tangiala avile ane.

Luku 12:18

Laso eni amamulonu tatasou la'ilali ne mo atulusou se'i toxutoxoxu. Xe ukalu la apitanu la'ilalixo xe mimixeli no tatani ne.

Luku 12:23

Xo temanu mauli so vasimenge a no anu la'ilali xe lavuluti uasi.