Luku 12:19 - Ata New Testament

¹⁹ Mo so axone la axavutala no anu mi vilela uasi. Xo eni mixemixeli mo la'ilalixo a uai so tautau ie tapiena. Eni axolu vasimelo manamana'usi mo a'ani mo aie mo a'osa kaluxu uasi.

Luku 12:19 ပူးပေါင်းရင်းမြစ်များ

Luku 12:18

Laso eni amamulonu tatasou la'ilali ne mo atulusou se'i toxutoxoxu. Xe ukalu la apitanu la'ilalixo xe mimixeli no tatani ne.

Luku 16:19

Xe Iesua musolonu vaikala aloxo 'ola, “Itema vile lamoliou mo mimiou tavu'alo muxoxolu. La utotomu anu mumulaxu lavuluti lauoinu mo musakinu mimi lailaixe xe ani'anixu iouiou misevile voxovoxo utotomu. Xolu­xolu noxou ne se'isisi mo laixe manina.

Luku 21:34

Laso ngalaxa'i laixe. Xo loxo 'o io ngavaxa ngane'e so ngaie no anu leilei mo ngasipakisi xe opongengi uauavuti so mimi so vasimenge. Loxo mimi axone utetelisingesi xe voxo olele uxali la alaxu vilesisi ukulukengengi ane. Ukulu­ke­ngengi aloxo tami­soposi ikuluke mi ne tamitema ipiliune'i no anu kae.

1 Kolini 15:32

Mo loxo ne Epesusi la tamitema mikasilo e mikasilo manina, la eni loxo itema ane u'oto noxi'a tamisoposi tamosou la'ia. La axova, tava'u xoluxoluxo axo'o xo no anu masaxa noxilomo? Eni axalisou nene'axu laixe no anu xoluxolu so vasimelo 'o? E uasi. Laso loxo tamitema imauli no anu soli uasi la eni apilixinu xaixai ialuxu 'oe. Apilixinu mo so nenge'a ta'ani mo taie xo ili'i la tasoli tasiaunenge avile.

Pilipai 3:19

Ane'i xo ne ilomulomuxu masamasaxa no anu vasime'a mole mi ne loxo mosi'asi. La utotomu xavutalai'a uiaveou mimi so lialiasi mo i'itinu ilixo ane laixe so imaila no anu. Tamitema anene ixalisou mamulosi.

1 Timoti 5:6

Ia tasema se'i tamului'a misoisoli axone la ixavutala noxou Mosinge axone uasi. Ane'i imulinu masaxa no anu vasime'asi laso no anu xoluxoluxa'a la loxo misoli mukalu.

1 Timoti 6:17

Mo napelototosi'a tamitema ane ixolu no anu mimi latanu lexe mamu so i'itine'i no anu mimii'a ne. Mo mamu so ilopalanu mi ane ukalu paleasi ne. Ilopala noxou Mosingesi xo anu mosou so uitimenge mimi ane uxalixu osa maninasou.

2 Timoti 3:4

Mo aloxo 'ola. Loxo vaimomo 'o ivaitami noxou evile la masi ne'iela ixiunu tumali'aou. Ane'i ipalea ilai no anu xavutala vuluvulusimo xe ikalavoi lexe ane'i tatiatila manina. La imasaxau xalo u'ela no anu osa vitanisi, ia Mosinge, la isexelaxu to uasi.

Tiemisi 5:5

Ngingi ngexolu la ngepalava no anu mimi so lialia mo mi ma'ia opongengi mu'avutiou la ngeka­lusou masaxa no anu avile. La ngexolu loxo tamisoposi ane i'ani'ani tatila so tongolixa'a, ia ilavu uasi lexe voxo so tamosi'a ive'a isoli a alaimanasi.

1 Pita 4:3

Xo tei la muamua'ingenge aloxo tami­tema so isivoxo i'oxonu mo i'osasou manina. Mi loxo ilixo nuni'u xe navu u'ani no tane'i xe xoluxolu vuluvulusi no anu sipa­kisi. Xo ilavusou i'oxonu pati so iie mole isipaki avile sika anaxa'a utautau no anu vaikala masuasi. Xe i'oxonu ili'ilixo ane mukilikalu manina so i'itinu momosi'a kalavoi. Ia loxo ngingi la voxo so nga'una no anu mi axone a mumomomo mo mukalu ane.

Mupala'a 18:7

Xo ane'i mi'itinu ualasi'a mo masaxa masua no anu vasime'a loxo uxali la mimomoxusi. Laso loxo ngakoline'i la umomomo u'isalili no anu ilixo noxi'a. Mo ngalosi'a navunavu so itatamanixu. Xo ane'i ilavusou i'itine'i mo ivikala lexe, 'Ai tualasinge 'o u'uli laxunu tuatuala mukalusi. Anu uxolu loxo quini no sia noxiesi. Anu uxalisou tu'umaxu so tatatamanixu uasi ane.'