Luku 12:1 - Ata New Testament

¹ Ioxe, mune'e la tamitema tavu'alo e tautauseni mipita mole tainu vile uasi, mimalomaloxo'asi. La Iesua muvikalane'i tatisaipeliou tei lexe, “Ngingi ngalaxa'i laixe no anu isiti noxi'a Tapalisi. A a'oxo latilovosou ilixo so lolo noxi'a to!

Luku 12:1 ပူးပေါင်းရင်းမြစ်များ

Luku 11:44

Mo masua noxinge xo ngingi loxo lulu ane utalumexa'a tamitema. Laso loxo imuamua'i no latanu la ane'i ixali nuni'a no iou Mosinge ia ilavusou uasi.”

Luku 12:56

Ia ngingi tamitema so kalavoi to, xo ngingi ngatongo laixe no anu mimi ane uxali no loxotolo xe no lialia. Ia mi ane muxali no taingengi vaimomo 'o ne ngatongonu to uasi.”

Luku 5:1

No voxo vile la Iesua mutulu no tasisou kupa toxoxu Xenesaleti. La tamitema tavu'alo e tavu'alo ine'e noxou so ilomusou Mosinge vaikalaou. Mine'ene'e la mitulu miveli noxousi.

Luku 5:15

Ia a'alosou mimi ane Iesua mu'oxonu muia­veiave mulai nopaxapaxasi. La tamitema latala e latala mine'ene'e so ilomusou vaikalaou mo so upaipoune'i no anu siki noxi'a.

Luku 6:17

Xe mukalu la oli'a Iesua milivu milu'e no la'olu mo anu mutulu no anu apu latia vile. La oli'a tatisaipeliou tavu'alo mukalusi xe tamitema se'ila e lapilai uasisi a mixolu mipita ne. Ane'i tatemanu xale lia ne Iutea xe so taoni Ielusalemo xe so luaki pa'umolu no taoni Taili mo Saitoni.

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

1 Kolini 15:3

Ioxe, vaikala mutiatila manina ne mose'i mia'aloxeli tei mukalu laso eni epilixinu noxinge. Vaikala ne aloxo 'o. Kalasiti musoli so muka­lusou tina'unenge so susu aloxo Mosinge vaikalaou ulemolu.

Ipilu 12:22

Ia loxo ngingi, la ngexali no anu la'olu Saioni mo no anu taoni noxou Mosinge e umamauli. Taoni e Ielusalemo so tualasou. Mo noxi'a ta'angelo i'osa'osa tautauseni e tautausenisi.

Tiemisi 3:17

Ia noxi'a ane'i ane ixalisou lavulavu mu'asi'asi e ululu'e no tualasou Mosinge, la mi ane tamaleisou tei a so xoluxoluxa'a malemalenga. Xe kalumo la tamalei lexe ilavusou ixolu se'isisi mo opone'i lexasi mo opone'i ukisi noxi'a tamitemasi. Xe ane'i tami­tema ane xo ne xoluxoluxa'a uxalixu nene'axu laixe so i'alauna misevile mo i'oxonu iou vilesisi noxi'a tamitema mukalusi. Xe ikalavoi uasi, xo ilixo noxi'a iou vilesisi no anu vaikalai'asi.

1 Pita 2:1

Ioxe, laso mi ma'ia mukilikalu xe kalakalavoi xe ilixo so ngalemolu mi vile ia ngamulinu uasi xe isuisu xe vote'i so ngato'ome'a tame­nexinge no tumali'a, anene muka­lusi ngaxe­xenu uta'olu va'axusi.