Luku 11:9 - Ata New Testament

⁹ Laso avikalangengi lexe ngalinga noxou Mosinge laso anu ukolingengi. Xe mi ma'ia ngakamulinu la upalasi­noxu noxinge. Mo loxo ngapolo­polo no aitenga aneva la anu ukisinu noxinge ane.

Luku 11:9 ပူးပေါင်းရင်းမြစ်များ

Matiu 21:22

Xe loxo ngalopalasi so ngavikala noxou Mosinge la mi ma'ia ngalingau ne ngaxalisou ane.”

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.

Matiu 6:29

Ia avikalangengi lexe tatei kingi Solomoni mutoko­lomonu no anu lavulutiou lailaixe umomomo no anu tokolomosou xixi sesenu 'o uasi.

Maki 11:24

Laso aloxo 'o. Loxo ngavikala noxou Mosinge so ngalinga, la ngalopala noxousi. Mo so axone, la anu ulosinge mimi ma'ia ngalingau ne.

Maki 13:37

Vaikala ane a'italonu noxinge 'o ne noxi'a latala. Ngalaxa'i mo ngautiti laixe.”

Luku 11:10

Xo anu ane ulinga la uxalisou lakolisou xe anu ane ukakamuli la mimi upalasi noxou xe anu ane upolopolo la aitenga ukisi noxousi.

Tioni 14:13

Xe mi ma'ia ngalingau no anu ualasilo la eni a'oxonu ane. Xo axone la Maminge ualasou utila mo u'uli'uli no anu mi ma'ia Olu u'oxonu.

Tioni 15:16

Ngingi ngailouleli uasi, eni melo eiloungengi ane. Xe mukalu la esosovosinge so lexe ngingi ngalailai mo ngaxalixu nene'axu ane so uxolu avile. Laso loxo mi ma'ia ngalingau noxou Maminge no anu ualasilo la anu ulosingesi.

Tioni 15:7

Loxo ngaxolu ngatoxo avile noxilo mo vaikalaxeli utoxo avile noxinge xe ngalingau mi ma'ia ngamasaxau la ngingi ngaxalisou ane.

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

2 Kolini 6:2

Xo anu muvikala lexe, “No anu taimusou u'isalili la elomuxu tama noxinge. Xo no anu voxo e esoso­vosou so pamauli la esu'ulingengi ane.” Laso ngalomu, vaimomo 'o anu taimu ulemolu ne u'isalili xe vaimomo 'o anu voxo so pamauli nesi.

Ipilu 11:6

Xo loxo no anu lopala uasi la umomomo uasi manina so Mosinge u'osasou itema. Laso loxo itema umasaxau ulavusou Mosinge la masi ulopala tei lexe Mosinge uxolu. Mo ulopala lexe tamitema ta'ei tane'i u'oxoxu Mosinge la anu ukolinu mo u'oxone'i laixe.

Ipilu 4:16

Laso ta'ume uasi, talai alai no anu sia kingi noxou Mosinge xo anene tanixu iaiama. Talai axone laso taxamulinu lexe anu tanunenge ane. Mo loxo mi ma'ia uxalisinge la uiaiama so usu'ulinengesi.

Tiemisi 1:5

Ia loxo vile no taingengi usoti no anu lavulavu mu'asi'asi la ulingau noxou Mosinge. Xe loxo ulingau la anu ulosou ane, xo Mosinge u'osa so u'alaunasi'a tamitema mukalusi mo oponu tu'umaxuou linga noxi'a uasi.

Tiemisi 5:15

Xo loxo ivikala noxou Mosinge no anu lopalasi la Tata­nanenge upamaulinu anu ane mupipiena ne ka laixenusi. Xe no anu susu loxo mu'oxonu la Tatananenge uxavutalanula uae.

1 Tioni 3:22

Xe axone la anu ulosinge mi ma'ia talingau noxou xo talomuxu voto noxou mo ta'oxonu mi ane u'osasousi.

Mupala'a 2:24

Ioxe, eni avikalangengi ngingi ta'ei so pita na Taiataila ane ngamulinu vaikalaie sema ne uasi. Mo ngaxolu va'axu no anu mi e ilemolu lexe, 'vaikala mu'asi'asi mo mutatalume noxou Uluaou'. Ngingi ne, eni vaikala vile tu'umaxu so apilixinu noxinge uasi.