Luku 11:41 - Ata New Testament

⁴¹ Vote'isinge aloxo 'o. Temanu kapu xe lapelete noxinge ne ngapixivane'i ta'oloxola, laso ane, mimi ne uxali malemalenga so nga'ani no anu.

Luku 11:41 ပူးပေါင်းရင်းမြစ်များ

Matiu 26:11

Xo ta'olaxola ne ane'i ngoli'a ngaxo­lusi ane. Ia loxo eni, la axolu maxuveni noxinge uasi.

Matiu 5:42

Loxo itema vile ulingau mi ma'ia noxine la nalosousi. O loxo itema une'e uxalixu tina'u noxine la naxililiou uasi.”

Maki 7:19

La'ilali ne umomomo so uxalixu xavutala o ilixo masua no anu itema oponu uasi, anu u'unalai no vasimolu ka usua no ilusi.” Iesua muvikala axone la mumaxa'u lexe la'ilali mukalusi ne laixe no iou Mosinge.

Luku 12:33

Laso ngasalimunu mimimengi xe lamolisou la ngaiti'a tamitema ta'oloxola. Xe ngaxalixu mengi ulu'ulu so lamoli ane umomomo so mamuxanu uasi. Ngataxusou mimi lailaixe noxinge ane tasiauxu uasi no tualasou Mosinge. Anene, talasikeli vote'isou ipakalinu uasi xe tamimi ixotosou uasi.

Luku 16:9

Mo manina, lamoli so lialia anu loxo nuni'u ia laixe loxo ngapamuxanu so uxalixu vote'i so tamitema i'osa­singe. Mo so axone loxo ili'i voxo so lamoli ukalui la tamitema ngelapune'i ne i'avalinge nga'una­lai no anu tatani ane uxolu kaluxu uasi.

Luku 18:22

Iesua mulomusou vaikalaou ne la muvikalanu lexe, “Mi vile na'oxonu uao. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Luku 19:8

Ane'i Sakiusiena mixoxolu no tasou xo xe mu'avuti muvikalanu Tatananenge lexe, “Tilao nalomu. Masi eni akalipalanu mimixeli mukalusi uxali pa'usou tamei mo so apilixinu vile noxi'a ta'oloxola. Xe loxo e'oxo loloxa'a tamitema ta'ei so exalisou mi vile noxi'a la akolinu no anu tamitami'a.”

Ta'aposeli 10:15

Ia alaxu tameisou la anu xolinu muvikalala aloxo 'o, “Mi anene Mosinge muxalixu lexe malemalenga la mamu so nalemolu lexe nuni'u.”

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.

Ta'aposeli 24:17

Polu mukolinu vaikala axone mukalu la mua'alo aloxo 'o, “Eni exolu tau ie se'i no tuatuala. Exolu xo xe mukalu la elivu ene'e no anu laili noxilo. Ene'e la ene'enu lamoli xe mimi se'i so usu'uline'i ane'i ane xoluxolu noxi'a masua. La exalixu mi se'i no tasou Mosinge so emulinu ilixo so navu.

2 Kolini 8:12

Xo loxo itema mimiou axova xe u'osa so usosovosou pa'usou umo­momo no anu ka upilixinu, la Mosinge u'osasou ane. Anu usounu itema ne so uua'ulixu lasixeli ane ulovou mimiou uasisi.

Epesusi 4:28

Nini ena'ei nalavusou napakali la natalo no anu mi anene. Natalo mo naxaxai so naxalixu mimi laixe no avonesi. Mo so axone la nasu'uline'i tamitema ane i'a mimi o xa'a la'ilali uasi.

Taitusi 1:15

Xo aloxo 'o. Noxi'a tamitema ane tamalemalenga no iou Mosinge la ani'ani mukalusi malemalengasi. Ia noxi'a ane'i ane ilopala uasi la ane'i nuni'a no iou Mosinge. Laso maixene mi vile malemalenga noxi'a uasi xo xavutalai'a mo tane'i nuni'u avile.

Ipilu 13:16

Mo kalakala­ngenge so nga'oxonu alauna uasi. Xe loxo tamitema isoti no anu mi vile la ngasu'uline'i. Laixe so nga'oxo axone xo ngingi a ngapilixinu mi vilela noxou Mosinge e u'osasou ane.

Ipilu 6:10

Xo loxo Mosinge utilovosinge la ukilikalu uasi. Xaixai noxinge mo sexela noxinge nge'oxonu no anu ualasou ne anu tanuvulusiou uasi. Sexela anene a mupala'a no anu su'uli loxo nge'oxonu noxi'a tamitemaou u'isalili. Mo mi ne a nga'oxonusio.

Tiemisi 1:27

Vote'i ane malemalenga mo mulapu no iou Mosinge anu Maminge so tamulinu masaxa noxou aloxo 'o. Tavu'uline'i tamolomolo ane ta'oloxola xe tasema ane tamului'a misoisoli mo tasu'uline'i no anu tu'utu'umaxu noxi'a. Xe aloxo 'ola, taxolu va'axu no anu ili'ilixo masua so lialia 'o mo so anu utei uxolu noxinge uasi.