Luku 11:29 - Ata New Testament

²⁹ Iesua uxoxolu a uvivikala la tamitema a inene'e ipipitasio. La anu muvikala lexe, “Tamitema ane laili so vaimomo 'o ne ilixo noxi'a masuamo. Ane'i imasaxa imolo sosovo vile, ia avikala lamana lexe sosovo vilesisi ane imaisou a sosovo ane muxali noxou Iona.

Luku 11:29 ပူးပေါင်းရင်းမြစ်များ

Matiu 3:7

Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Maki 8:38

Xo tamitema no voxo ano'o milailai vitanisi va'axu noxou Mosinge mo opone'i utulu no anu sususi. Laso maixene ane'i tavu'alo imaila so imulileli mo ane'i ixiunu tuma­li'aou vaikalaxeli. I'oxo axone ia ili'i la Itema ane molu noxou Mosinge une'e no anu iaxu Momu mo oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.”

Luku 11:16

Xe ane'i se'i mitovonu Iesua mo miuolotete noxou lexe u'oxonu sosovo vile so umaxa'u lexe anu molu no tualasou Mosinge.

Luku 11:50

Muso­ko'u loxo Mosinge mukoinu lialia mune'e muxali avile vaimomo 'o la ta'ilusungengi mive'ave'a tapolopeti mo sialuxa'a munixi mula. Ia susu tava'u anene Mosinge uno'u upitanu noxinge laili so vaimomo 'o u'isalili.

Luku 12:1

Ioxe, mune'e la tamitema tavu'alo e tautauseni mipita mole tainu vile uasi, mimalomaloxo'asi. La Iesua muvikalane'i tatisaipeliou tei lexe, “Ngingi ngalaxa'i laixe no anu isiti noxi'a Tapalisi. A a'oxo latilovosou ilixo so lolo noxi'a to!

Luku 9:41

Iesua mulomusou itema ne mukalu la muvikalane'i tamitema latala ne lexe, “Uo, ngingi tami­tema vaimomo 'o ne ngalopala uasisi. Xavutala ilou ilixomengi ukilika­lusi. Axolu noxinge voxo veveni axova mo so ngano'u lavulavu? Ngamolo kalakala'ilo axo'o la ukalu talu?” La muvika­lanu itema lexe, “Nano'u iline une'e noxilo.”

Tioni 2:18

Ia loxo Taiuta la mivikalanu lexe, “Ioxe, namaxa'u sosovo so xavi axova so nalosoiexi lexe anu tanixene so ne'oxonu mi to ne.”

Tioni 6:30

Ioxe, ane'i milomu axone laso mitali'isou lexe, “La nini na'oxonu sosovo so xavi aloxova so nexi tamaisou mo talopalanu vaikalameni lexe manina? Tatei ta'ilusunexi mi'ou la'ilali mana no xale lia esi'esi, aloxo Mosinge vaikalaou ulemolu lexe, 'Anu mulosi'a pileti molu no tualasou Mosinge so i'ou.' Io', ta'ilusunexi mimaisou xavi noxou Mosinge axone, ia loxo nini la na'oxo to axovae?”

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

1 Kolini 1:22

Xo manina. Taiuta imasaxau imaisou sosovo so xavisi xe Takiliki opone'i ututuluou lavulavu lailaixe so imolo.