Luku 11:13 - Ata New Testament

¹³ Ioxe, ngingi tamitema so susu 'o tangengixa'a ta'ilinge so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a Ulenu Laixe noxi'a ane'i ane itatali'i noxou.”

Luku 11:13 ပူးပေါင်းရင်းမြစ်များ

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Matiu 5:45

Xo ngingi ne ngaxolu ta'olu Maminge e uxolu no tualasou lailaixe. Anu ulavusou u'oxonu aso noxou uieisi'a tamitema tamasua xe tamitema talaixe. Mo anu ulavusou u'oxonu la'iua usilisi'a tamitema talapusi xe tamitema so ili'ilixo ukilikalu.

Matiu 6:14

Ngalomu, loxo opongengi ulu'e so susu noxi'a tamenexinge la Maminge ane uxolu no tualasou lailaixe la oponu ulu'e so susu noxi­nge axone kalumo.

Matiu 6:30

Ia xixi sesenu e uleme vaimomo 'o ne, masi ne'iela la tamitema ine'e isilanu mo isexeteluxusi. Laso loxo Mosinge utokolomonu mi vitanisi axone la axova noxinge ane mi mutiatila no anu xavutalaou? Ai, ngingi tamitema so lopala uasisi, anu ulosinge lavuluti ane.

Matiu 6:32

Xo tamitema so isivoxo opone'i uuali misevile no anu mimi axone so ixalisou. Ia ngingi Maminge mulavusou mimi muka­lusi ane laixe so xoluxolu noxinge ne.

Matiu 7:11

Ioxe, ngingi tamitema so susu 'o, ngaxavutalane'i ta'ilinga so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a mimi lailaixe so xoluxoluxa'a ane'i ane itatali'i noxou.

Luku 11:12

O loxo molomolo ulingau atolu la momu ulosou tanga, ne? Uasi ane!

Luku 11:2

Laso anu muvikalane'i lexe, “Loxo ngaxolu ngavikala noxou Mosinge la ngavikala aloxo 'o, 'Mamixe, ualasine ukalipala uxolu malemalengasi. Mo voxo so nini mene na'uli laxune'i tamitemameni une'e 'osi.

Luku 18:7

Loxo tamitema ane Mosinge musosovosi'a lexe tanoxou itatama noxou aso olovoxo utotomu so uutululune'i, la axova? Ulomuxa'a mo ukolinu tama noxi'a palea uasi?

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Ta'aposeli 2:38

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.

Lomu 5:17

Xo itema vilesisi ne mulomuanu Mosinge vaikalaou laso soli mu'uli laxunenge tami­tema mukalusi. Ia axova noxinge nenge ane texalisou iaiama tatila noxou Mosinge mo so umoxo'inge tamalemalenga no iou? Xoluxolu noxinge axova? Aloxo 'o. Nenge taxolu la taxolu noxou Iesua Kalaisiti laso nenge ta'uli'uli avile ane.

Lomu 7:18

Xo eni alavu lexe no anu vasimelosi 'o la mi vile laixe uxolu uasi, anu susu tava'usi. Manina, eni amasaxau so a'oxonu ilixo laixe ia amomomo to uasi.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Taitusi 3:3

Xo nenge tei la texolu texovulaulau mo talomuxu Mosinge vaikalaou uasi. Texovulaulau xo Uluaou mu'oxo lolonenge mo masamasaxa no anu vasimenge mu'avutinoxu osa vita­nisi no oponenge. Texolu opo­nenge sixula mo teisuisu mo tematapianenge ngato'o.