Luku 10:22 - Ata New Testament

²² La Iesua muvikala aloxo 'ola, “Mamilo mupilixinu mimi muka­lusi no avolo 'o. La itema vile ulavusou Olu uasi, Momusi ulavusou. Xe itema molu ulavusou Momu uasi, Olusi xe ane'i ta'ei upela'axu Momu la ilavusousi.”

Luku 10:22 ပူးပေါင်းရင်းမြစ်များ

Matiu 11:25

Ioxe, no voxo ne la Iesua muvikala aloxo 'o, “Papao, nini Tatananu tualasine mo lialia 'o. Eni a'itinu ualasine xo nini netalumeu mimi ano'o noxi'a tamitema so lavulavu xe takeleva. Ia a nepa­la'anixu noxi'a tamitema pelesi'a a loxo takeakeasi 'o.

Matiu 11:27

La Iesua muvikala aloxo 'ola, “Mamilo mupilixinu mimi mukalusi no avolo 'o. La itema vile ulavusou Olu uasi, Momusi ulavusou. Xe itema molu ulavusou Momu uasi, Olusi xe ane'i ta'ei upela'axu Momu no anu masaxa noxou, la ilavu­sousi.

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Tioni 1:18

Itema vile usaxisou Mosinge no iou lavo'onu uasi. Ia Mosinge Olu vilesisi e anu molu Mosinge ne, anu uxolu noxou Momu pa'umolu, la anusisi a mupe­la'ingexu Mosinge.

Tioni 10:15

Anu iou vilesisi aloxo Mamilo ulavusilo 'o mo eni alavusou Mamilo. La eni a'italonu maulixo so si'a tasipisipi.

Tioni 13:3

La Iesua mulavu lexe Maminge mupilixinu mimi mukalusi no avolu so u'uli laxunu. Mo mulavu lexe anu molu noxou Mosinge mune'e xe anu a so ulivu noxou Mosinge.

Tioni 17:10

Mi ma'ia noxilo la nini na'a ninisi. Xe mi ma'ia noxine la eni na'a xelisi. Noxi'a tamitema ane nepilixine'i lexe tanoxilo la ane'i ne a vote'i so ualasilo utila mo u'uli'ulisi.

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 17:26

Eni epala'anixu ualasine noxi'a mo apalapala'anixu axo­nesio. Mo so sexela ane nesexelaxo no anu ne la uxolu no tane'i mo eni axolu noxi'asi.”

Tioni 17:5

Laso Papao, nalivunixilo so axolu no ieni no anu tanixo mu'uli'uli aloxo nenge nengei texoxolu mi ne lialia uxali uao.

Tioni 3:35

Maminge use­xe­­laxu Olu misevile la mupi­lixinu mimi mukalusi no avolu.

1 Kolini 15:24

Xe mukalui la anene telexusi. Xo Kalaisiti ukalusou xavi noxi'a tatiatila xe ane'i ane i'uli'uli xe tami ane xavine'i musuku. Ukalusou xavi noxi'a ukalu la anu upilixinu mimi mukalusi noxou Mosinge anu Maminge so molu u'uli laxunu avile.

2 Kolini 4:6

Xo tatei la Mosinge muvikala lexe, “Lamana uka no isivoxo.” Laso lamanaxu muta­losou oponexi kaio tesaxisou Kalaisiti iou la iaxu Mosinge mulamana noxixe.

Epesusi 1:21

Laso Kalaisiti a uxoxolu u'uli'uli noxi'a ta'angelo xe tami so xavi iouiou xe tamitema tatiatila xe ane'i ane ualaualasi'a tatila. Ia mi ne so vaimomo 'osi uasi, Kalaisiti u'uli'uli avile ili'i kalumo.

Ipilu 2:8

Xo mimi mukalusi nekoinu ne nemulaxu no lanexe so ta'uli laxunu.” Ioxe, vaikalaou ne Mosinge usu'asou mimi mukalusi xo loxo mutulusou itema so u'uli laxunu mimi mukalusi axone la mi vile uxolu vitanisi uasi. Ia axova, xo vaimomo 'o nenge tamaisou mimi mukalusi uxolu no lanenge tamitema so ta'uli laxunula uasi.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

2 Tioni 1:9

Loxo itema vile upolo va'axu mo uxolu no anu votovotosou Kalaisiti uasi, la anu upalasi lexe Mosinge uxolu noxou to uasi. Ia loxo itema utalupexa laixe no anu votovotosou Kalaisiti la anu upalasi lexe Maminge ilou Olu a ixolu noxou.