Luku 10:21 - Ata New Testament

²¹ Ioxe, no voxo ne Ulenu Laixe mu'avutinoxu osa'ila no oponu Iesua la muvikala aloxo 'o, “Papao, nini Tatananu tualasine mo lialia 'o. Eni a'itinu ualasine xo nini netalumeu mimi ano'o noxi'a tamitema so lavulavu xe takeleva. Ia a nepala'anixu noxi'a tamitema pelesi'a a loxo takeakeasi 'o. E Papa, muxali aloxo 'o xo mumu­linu masaxa noxine u'isalilisi.”

Luku 10:21 ပူးပေါင်းရင်းမြစ်များ

Matiu 16:17

La Iesua muvikalanu lexe, “A laixe manina noxine Saimoni e Tioni olu xo mi ne itema vile so lialia upela'inexu uasi. Mamilo e uxolu no tualasou lailaixe anu molu mupala'anixu mi ne noxine.

Matiu 21:16

La ane'i mitali'isou Iesua lexe, “Ai nelomusou vaikalai'a to ne?” La Iesua mukoline'i lexe, “Ani elomu­sou. Ia masi nga'itisou Mosinge vaikalaou pa'usou vile uasi. Xo uvikala lexe, 'Vaikala so osa'ilasine ula no anaxa'a tamolomolomo.'”

Matiu 3:7

Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Maki 10:15

Xo avikala manina aloxo 'o. Tamolomolo ano'o ilopalane'i uasi, ipilixine'isi. Ioxe, loxo itema vile ulopala mo upilixinu axone uasi la no voxo so Mosinge molu u'uli laxune'i tamitemaou la anu itema anene uxolu to uasi.”

Luku 15:5

Uxalisou ukalui la anu utilonu no laxasou mo oponu u'osa'osa.

Luku 15:9

Ixalisou mukalu laso i'avali'a tamenexie oli'a tatemanu tatani ala'alai ne ka ivikalane'i lexe, 'Ai, nenge nenge'a ta'osasi xo lamoli e mulusi exalisou 'oe.'”

Tioni 11:41

Ioxe, laso ane'i mixexenu lavo'o. Mukalu la Iesua mutala mutelai la muvikala lexe, “Mamilo, eni avikala laixe noxine xo nini nalolomuxu linga noxilo.

2 Kolini 4:3

Ia loxo laxu vaikala laixe talanu ne utalumexa'a se'i, la anu utalumexa'a ane'i ane so imamulosi.

Epesusi 1:11

Ai manina ane, Mosinge ulavusou u'oxonu mimi mukalusi no anu masaxa noxousi. Xo no anu masaxa noxou la anu musoso­vosinge lumamo noxou Kalaisiti lexe nenge taxali tamitemaou mu'isalili.

Epesusi 1:5

Xo aloxo 'o. Anu tanunenge mo no anu masaxa noxou la anu musosovosinge lumamo lexe nenge taxali ta'olu. Taxali ta'olu xo tava'u no anu xaixai noxou Iesua Kalaisitisi.