Luku 10:2 - Ata New Testament

² La muvikalane'i aloxo 'o, “Xai lingamo mo nene'axu tavu'alo a mulalaxi mukalu, ia tavokuvoi so itaxusou a tata'ei mososi. Laso ngalinga noxou Tatananu xai so upalusi'a tavokuvoi se'ila mo so itaxusou nene'axu xaixu.

Luku 10:2 ပူးပေါင်းရင်းမြစ်များ

Matiu 20:1

Ioxe, no anu ngiou so itema loxo u'uli o uili'i la Iesua mulemolu latilovosou. Muvikala lexe, “Xo voxo so Mosinge molu u'uli laxune'i tamitemaou no tualasou la anu aloxo 'o. No kakau manina la itema vile liaxu tavu'alo mulai so utaxusi'a tauokuvoi so ixaxai no anu xai so uaini noxou.

Maki 13:34

Aloxo 'o. Loxo itema vile u'umesou tasou so uxixao ulai nopaxa. So ulutu la utulusi'a tamitema so xaixai noxou no anu xaixai noxi'a vilevilesi. Mo itema so ulo no aitenga la upeloto­tosou lexe uloxu laixe xo ulavusou voxosou lailivuxu uasi.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Maki 16:20

Xe loxo tatisaipeli la milai no xale tuatuala so mivototo. Mivotovoto la Tatananenge musu'uline'i mo mu'oxonu sosovo so xavi no avo'a so upala'anixu lexe vaikalai'a manina.

Luku 9:1

Mune'e la Iesua mu'avali'a ta'apo­seliou 12 mine'e mipita noxou. Mipita noxou laso anu mutulusi'a no anu xaixai mo mulosi'a xavi so ikusai'a ta'angelo tamasua xe so ipaipoune'i tami­tema no anu siki iouiou.

Ta'aposeli 11:19

Ioxe, mala'o no voxo loxo mivau Sitiveni musoli la talopala mixalisou tu'umaxu kaio mipa­xelele milai no xale tuatuala. Se'i milai nopaxapaxa mo mixali avile ne Vonisia xe ne Saipilasi xe ne Anitioki. Ane'i milailai la mivo­tone'i Taiutasi.

Ta'aposeli 13:2

No voxo vile la tamitema no anu pita ne mixolu so ivikala noxou Mosinge. Opone'i mutulu no anu anene la mixolu maxuveni mo i'ani uasi. Ane'i a ivikala noxou Mosinge sila Ulenu Laixe upala'anixu noxi'a lexe, “Ningi ngatulusi'a Vanavasi ilou Sauli no anu xaixai vile esosovosi'a no anu.”

Ta'aposeli 13:4

Ioxe, ilou milutu la Ulenu Laixe mupamuxane'i so ilou milai no tuala ne Selusia. Mixali ne Selusia la mitelo no lasipi so ilou milai no ailani vile no luaki ne Saipilasi.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

Ta'aposeli 22:21

Evikala noxou Tatananenge aloxo ne, ia anu muvikalaleli aloxo 'o, 'Uasi, nini nalai. Eni apalusine so nalai noxi'a tami­tema noale'ale.'”

Ta'aposeli 8:4

La ane'i tamitema so lopala ane mipaxelele la mivulunu vaikalaou Mosinge no tuala aneva ane'i milai no anu.

1 Kolini 12:28

Xo Mosinge molu musosovosi'a tate­manu pita noxou so i'oxonu xaixai no anu vilevilesi aloxo 'o. Tei la ane'i ta'aposeli xe ili'i la tamitema so pela'a xe ili'i la tamitema so ilanu vaikala laixe. Mukalu la muso­sovosi'a se'i so i'oxonu sosovo so xavi xe se'i so ipamau­line'i tapi­piena xe se'i so su'uli xe se'i so saxila'u xe se'i so ivikala no anu vaikala iouiou.

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

Pilipai 2:21

Io ane'i leviani la opone'i ututuluou mimi noxi'amo, ixavutalanu mimi noxou Iesua Kalaisiti so ixaxaisou uasi.

Pilipai 2:25

Ia exavutala lexe laixe so apalusou vivinge Epavilotitusi ulivu une'e noxinge. Anu muva'i­suleli no anu xaixai noxilo mo muveisa'ileli no anu oto e taxolu no anu 'o. Musu'ulileli aloxo ngingi menge ngepalusouxu 'o.

Pilipai 2:30

Xo anu mu'oxonu xaixai noxou Kalaisiti la mulai alai no anu soli. Anu uxavutalanu mauli noxou so ulaxa'inumo uasi. Oponu mututu­luou xaixai ngepilixinu no avolu e so usu'ulilelisi.

Kolosi 1:29

Laso maixene asoa mo sasaieliou xaixai ne, xe xavisou ano'u noxou Kalaisitisi xo anenesi uauavutunixilo 'o.

Kolosi 4:12

Epavilasi e anu vile noxinge ne anu kalumo mukalanu aso noxinge. Anu itema so xaixai noxou Kalaisiti Iesua mo utotomu xavinu so upilipilixingengi noxou Mosinge. La ulinga noxou lexe ngatulu pumungenge avile no anu lopala mo ngalavu manina no anu masaxa noxou Mosinge.

1 Tesalonaika 2:9

Mo tavivixe, nexi texolu no taingengi so talanu vaikala laixe noxou Mosinge ne la sasaiexi mo ialuxu manina noxixe. Xo texaxai no aso xe olovoxo kalumo mo so talosinge tu'umaxu so ngasaxila'ixe no anu mimi so vasimexe uasi.

1 Tesalonaika 5:12

Laso tavivixe, nexi talinga noxinge lexe opongengi u'osasi'a tamitema ane ixaxai no taingengi ne. Tamitema anene Tatananenge molu musosovosi'a so i'uli laxu­ngengi mo ipelototosinge.

2 Tesalonaika 3:1

Mo tavivixe, mi vile aloxo 'ola. Ngingi ngalingau su'ulisixe noxou Tatananenge mo so vaikalaou upalea so ulailai no tuatuala. Laso axone la anu vaikalasou utitila a loxo muxali no taingengi ne.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

2 Timoti 4:5

Ia loxo nini, la xavutalameni lamana so natilovo­sou mimi mukalusi. Loxo naxalisou navunavu la natavulenusi mo na'o­xonu xaixaimeni e so nalanu vaikala laixe. Xaixai ane Mosinge mupilixinu noxine ne, namomoxu avilesi.

Vilemoni 1:1

Eni Polu a, eni amitema so lakalavusu xo no anu xaixai noxou Kalaisiti Iesuasi. Nexi noxou vivinge Timoti a takaukavunu lapasi 'o so ulai noxine Vilemoni. Nini vivixe ane tasexelaxene mo namenexixe no anu xaixai 'o.

Ipilu 3:6

Ia noxou Kalaisiti la anu Mosinge Olu mo loxo Mosinge mutulusou so u'uli laxunu tasou la anu mu'oxonu lailaixe manina. Tasou ma'ia ne? A nenge ta'ei loxo oponenge utulu pakia'u no anu mi e ananenge ulemolu lexe talopa­lanu. Xe mi ane ta'oxo lexe talo­palanu taxomaiou la oponenge pumuxu no anusi.

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.