Luku 1:77 - Ata New Testament

⁷⁷ Xe anu uili'i la upela'axu tamitemaou vote'i so pamauli mo so ilavu lexe tina'uxa'a so susu ukalu axova.

Luku 1:77 ပူးပေါင်းရင်းမြစ်များ

Luku 3:3

Laso Tioni mulai no xale tuatuala muxolu no pa'upa'umolu lexa Tiotani. La mulanu vaikala noxi'a tamitema lexe ixiunu opone'i mo i'isalilinoxu no anu Mosinge vaikalaou. Mo i'oxonu ilixo so kelele so imaxa'u lexe Mosinge muiasou susu noxi'a.

Luku 3:6

Mo tatemanu lialia mukalusi isaxisou pamauli noxou Mosinge.'”

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Tioni 1:34

Xe eni melo emasiou mo a alalanu vaikala so apala'anixu lexe anu ano'o Mosinge Olu.”

Ta'aposeli 10:43

Xe tapolopeti mukalusi ipela'ingexu lexe ta'ei ane ilopala noxou la Mosinge ukalusou tina'uxa'a so susu no anu ualasou nesi.”

Ta'aposeli 19:4

La Polu muvikala lexe, “Tatei la Tioni mu'oxonu ilixo so lexa noxi'a tamitema ane mixiunu opone'i so susu noxi'a mo mi'isalilinoxu noxou Mosinge. Mo muvikalane'i lexe ane'i ilopala noxou itema ane uili'i noxou. Itema e Tioni mulemolu ne, anu Iesuasi.”

Ta'aposeli 2:38

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Lomu 3:25

Xo Mosinge musosovosou Iesua so usoli. Usoli no taninenge mo so Mosinge oponu ulu'e noxi'a ane'i ta'ei ilopala no anu sialuxusi. Ioxe, Mosinge mu'oxonu laixe noxi'a ane'i tatei xo ukolinu susu noxi'a avile uasi. Laso axova, anu iou si'isou mane? E uasi, a mukolinu noxou Iesua. Laso axone la tamaisou lexe ilixo noxou Mosinge ulapusi, xo susu ma'ia ne, la ukolinusi.

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.