Luku 1:6 - Ata New Testament

⁶ La ane'i ilou xoluxoluxa'a malemalenga no iou Mosinge xo ilixo noxi'a mulapusi so mimulinu lavuloto u'isalili no anu masaxa noxou Tatananenge.

Luku 1:6 ပူးပေါင်းရင်းမြစ်များ

Luku 1:7

Ia ane'i ta'ili'a uasi xo Elisapeti imomomo so ipala uasi. La ane'i ilou mixolu axonesi xo mo ane'i tatiatila mukalu.

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Ta'aposeli 2:25

Xo tatei Teviti kalumo muvikalasou aloxo 'o, 'Eni emaisou Tatananenge uxolu no laxuleli utotomu mo uveisa'ileli. Laso eni a'ume mo a'olo'olo uasi.

Ta'aposeli 23:1

Ioxe, Polu mutulu no laxune'i tatiatila noxi'a Taiuta la iou mumatakisi'a. Mo muvikala aloxo 'o, “Ai tavivilo, eni taleli uai laixe no iou Mosinge uasi. xo emulinu vaikala noxou Mosinge tatei mo mune'e muxali vaimomo 'o.”

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

Ta'aposeli 8:21

Nini namo­momo so na'una no anu xaixai Mosinge mulosixe 'o uasi. Xo oponeni ulovou Mosinge uasi manina.

Lomu 8:4

Mosinge mu'oxo axone so nenge vote'i so tamulinu lo malemalenga no anu xoluxolu noxinge. Xo susu tava'u upamu­xanenge loxo teila uasi. Vaimomo 'o Ulenu Laixe upamupamu­xanenge.

1 Kolini 11:2

La eni a'osasinge manina xo ngatetelisou vaika­laxeli mo mi ma'ia epilixinu noxinge la ngala­vusou ngamulaxu no anu xavutala­mengi.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

Pilipai 2:15

Mo so axone la ngingi menge ngapala'aningenge lexe ngingi Mosinge ta'olu ane xolu­xolungenge mulapusi mo lama­nasi. Xo ngingi ngaxolu no tainu laili so ilixo ukilikalu mo xililisi laso laixe so mi vile no anu xoluxolungenge so ito'omengexu uasi. Ngaxolu loxo lalamo no anu isivoxo so lialia 'osi.

Kolosi 1:22

Ia vaimomo 'o no anu soli no anu vasimolu Olu la Mosinge mukalusou kalipala mo mulivunixinge so ngaxolu opo­ngengi vilesisi noxou. Mo so loxo utulusinge no iou la usaxisou xoluxolungenge lexe ulapu mo malemalenga mo lamanasi.

1 Tesalonaika 3:13

Mo axone la u'oxonu xoluxolu noxinge pumuxu mo malemalengasi. Laso voxosou lailivuxu Tatananenge Iesua oli'a tamitemaou mu'isalili la Mosinge anu Maminge utongongengi lexe mi vile masua noxinge uasi.

2 Pita 3:14

Tavivilo ane asexelangenge, ngingi a ngaxomaiou voxo ne laso ngaxolu tangengi malemalenga mo tu'umaxu vile no taingengi uasi. Mo so axone loxo Tatananenge uxali la umaisou susu vile noxinge uasi.

1 Tioni 2:29

Xo loxo ngelavu, anu ilixou Kalaisiti mulapu lolonisi. Laso mi ano'o ngalavusou kalumo, ta'ei ane so i'oxonu ilixo mulapu la ane'i mixali Mosinge ta'olu noxou Kalaisiti ane.

1 Tioni 2:3

Loxo nenge tamomoxu voto noxou, laso ane, oponenge ulavu lexe nenge talavusou manina.

1 Tioni 3:7

Ta'alixeli moso 'o, ngalaxa'i laixe mo ngalavu aloxo 'o mo so evile u'oxonu lolongenge uasi. Kalaisiti anu mulapusi laso itema ane mulapu no iou Mosinge aloxo Kalaisiti, la ilixou kalumo ulapusi.