Luku 1:43 - Ata New Testament

⁴³ Ia tava'u axova so nini Tatananenge nenu nene'e noxilo aloxo 'o? Anu mi lailaixe manina.

Luku 1:43 ပူးပေါင်းရင်းမြစ်များ

Matiu 12:46

La Iesua a uvikalane'i tami­tema latala axonesio. Sila nenu oli'a tavimou a mine'e mitulu noale xo imasaxa ivikala noxou.

Matiu 3:14

Ia Tioni mutovonu so lexe u'apixu mo muvikala lexe, “Loxova so nene'e noxilo? Laixe loxo nini mene na'oxo ilixo so nakelenixilo ane.”

Luku 1:42

La mivikala tatila aloxo 'o, “Ai, mi ane Mosinge muxalixu noxine ne lailaixe manina, uua'ulixu anene noxixe tasema mukalusi. Xe noxou iline no oponeni ne, Mosinge uxalixu nene'axu lailaixe misevile no anu xoluxoluxu.

Luku 1:44

Xo loxo elomusine nevikala aso noxilo la alaxu vilesisi alixeli no opoleli mu'osa manina mo mu'avuti kena.

Luku 2:11

Xo no anu taoni noxou Teviti la sema vile mivo'o mo ilie ne anu so upamau­lingengi. Anu ane Mosinge muso­so­vosou so Kalaisiti mo anu Tatananenge ane.

Luku 7:7

Mo tava'u so eni melo ane'e noxine uasi a xo eni amitema alaixe to uasi. Loxo vote'i, la naxolu ane mo navikalasi, mo voixeli 'o laixenusi.

Tioni 13:13

Ngingi ngalavusou ngamoxo'ilo lexe Tisamengi mo Tatanangengi, la anu laixe so ngamoxo'ilo axone xo anene eni tanixo ane.

Tioni 20:28

Sila Tomasi muvikalanu lexe, “O, nini Tata­naleli mo nini Mosilosi.”

Pilipai 2:3

Mamu so nga'oxonu mi vile no anu masaxa noxingemo o so ngaxalixu ualasinge utila no anu. Ngingi vilevilesi ngalu'engengi no anu opongengi mo ngasaxisinge lexe ngingi tami vitanisi no taine'i tamenexinge.

Pilipai 3:8

La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.