Luku 1:2 - Ata New Testament

² A'alo ne mino'u noxi'a tamitema ane me'a mixolu misaxi­sou mimi ne no ie'i no tava'u manina. Misaxisou xe mixali tamitema so ixaxaisou vaikala ne laso mia'aloxu mune'e noxixe 'o.

Luku 1:2 ပူးပေါင်းရင်းမြစ်များ

Maki 1:1

Ano'o soko'u no anu vaikala laixe so Iesua Kalaisiti anu Mosinge Olu.

Maki 16:20

Xe loxo tatisaipeli la milai no xale tuatuala so mivototo. Mivotovoto la Tatananenge musu'uline'i mo mu'oxonu sosovo so xavi no avo'a so upala'anixu lexe vaikalai'a manina.

Maki 4:14

Laso mululusou noxi'a aloxo 'o, “Itema ane mutapu'u uiti ngiaxu ne anu loxo itema uvotovoto no anu Mosinge vaikalaou.

Luku 24:48

Xo ngingi menge ngemaisou mimi ano'o laso ngaa'aloxu.

Tioni 15:27

Xe ngingi la ngalanu vaikala so ngavalavalaxo kalumo xo ngingi ngexoxolu noxilo no anu soko'u xaixai noxilo mune'e avile 'o.

Tioni 16:4

Ia eni elemolu mimi ne lumamo noxinge mo so loxo voxosou uxalii la tangengi ulivu lexe a epela'ingexu mukalu 'oe. Ioxe, tei la apalasinoxu mimi ano'o noxinge uasi xo eni exoxolu noxingesio.

Ta'aposeli 1:3

Xo tei la anu mutavulenu tu'umaxu mo musoli. Ia Mosinge mupamaulinu mukalu la anu mumaxa'u noxi'a tamenexu. La anu muxolu no taine'i voxo 40 mo mumaxa'u noxi'a alaxu tavu'a­lo so ilavu manina lexe anu mu­mau­lila. Mo muvikalane'i so voxo ane Mosinge molu u'uli laxune'i tamitemaou.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Ta'aposeli 14:25

Milai milai xo la mixali ne Pexa la mivotovoto nela. Xe milutula, la mixali ne Atalia.

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 17:11

Ioxe, Tavelia ne ane'i loxo tamitema latala ne Tesalonaika uasi xo opone'i muloxu vaikalaou Mosinge. Xe loxo milomusou votovoto noxou Polu la opone'i mu'osasou. La voxovoxo utotomu ane'i mino'u lavukuou Mosinge mo mikilolo lexe votovoto noxou ne ulovou o uasi.

Ta'aposeli 26:16

Ia nini na'avuti natulu. Eni epa noxine aloxo 'o so asosovosine lexe nini namitemaxeli. Mo nini naa'aloxu mimi ane nemaisou 'o mo mimi ane alosoienixu ili'i.

Ta'aposeli 4:20

Laso nexi tanava, taxolu tasiau axova? Xo mi ma'ia temaisou mo telomusou ne taa'aloxusi.”

Ta'aposeli 8:4

La ane'i tamitema so lopala ane mipaxelele la mivulunu vaikalaou Mosinge no tuala aneva ane'i milai no anu.

Lomu 15:16

Muiaiama noxilo mo musosovosilo so eni amitemaou so alaixu vaikala laixe so Kalaisiti Iesua noxi'a tamitema noale'ale. La no anu xaixai noxilo ne la a'oxonu xaixai loxo tapilisiti mi'oxonu. Xo mi ane alaixu noxou Mosinge ne, ane'i tamitema noale'ale. Alanu vaikala laixe noxou Mosinge noxi'a xe loxo amaxa'a noxou Mosinge la u'osasi'a ane. U'osasi'a xo Ulenu Laixe ukalipalane'i lexe noxou mu'isalili.

1 Kolini 4:1

Ioxe, ngingi masi ngaxavuta­lanexi no anu vote'i aloxo 'o. Nexi tamitema so xaixai noxou Kalaisiti. Anu mupilixinu vaikalasou pileni noxou Mosinge ane mutalume tatei noxixe so tavu'ulinu.

Ipilu 2:3

Anene tatei, ia vaimomo 'o vote'i so pamauli lailaixe a mupala'a. Laso loxo tataxanu uasi mo ta'oxo lexe mi vitanisi la tamaxalexu la'ia noxou Mosinge axova? Xo Tatananenge molu mupala'anixu tei xe ane'i ta'ei milomuxui laso mipela'ingexu ili'i.

1 Pita 5:1

Ioxe, eni pelototo so alemolu noxi'a tamitema so saxila'u no taingengi ne. A eni kalumo amitema so saxila'u mo aa'aloxu navunavu noxou Kalaisiti e emaisou no ieli 'o. Mo nenge nenge'a taxalisou mimi lailaixe Mosinge uvelununenge no voxo loxo Kalaisiti upala'a no iaxu avile. Laso eni apelototosinge ngingi tamitema so saxila'u aloxo 'o.

2 Pita 1:16

No voxo loxo tepela'inge lexe Tatananenge Iesua Kalaisiti une'e no anu xaviou tatila la tamulinu a'alo ane tamitema me'a ixalixu no anu lavulavu noxi'a to uasi. Xo nexi texolu mo temaisou xavinu lamanaxu so uxolu Mosinge no iexi lavo'onu 'osi.