Luku 1:17 - Ata New Testament

¹⁷ Anu uno'u xavi mo umulinu ilixo loxo polopeti Elaitia xo anu uxiunu opone'i tamitema uxali vilesisi noxi'a ta'ili'a. Xe tamitema ane ilomuanu Mosinge vaikalaou la vaikalaou itema 'o uxiunu opone'i mo so ilavu a loxo tamalemalenga. La anu u'oxo axone mo so loxo Tatananenge une'e la ane'i ixolu ilalaxi laixe lumamo.”

Luku 1:17 ပူးပေါင်းရင်းမြစ်များ

Matiu 11:14

Laso loxo opongengi uloxu la ngakasou vaikala ano'o lexe manina. Vaikalai'a e milemolu so Elaitia e lexe une'e, la anene mivikalasou Tionisi ane.

Matiu 14:4

Mu'oxo axone xo Tioni muvikala lamana noxou lexe, “Nini neno'e sema ne la nexola'u lo noxou Mosinge ane.”

Matiu 3:3

Tioni ne anu itema e Mosinge mupala'a­nixu no anu vaikalaou polopeti Aisaia aloxo 'o, “Ili'i la tamitema ilomu­sou itema vile u'ava'ava no xale lia esiesi lexe, 'Ngalalaxinu vote'isou Tatananenge, mo nga'i­sa­lilinoxu vote'isou.'”

Matiu 3:4

Tioni ne anu mulavu­sou usakinu lavalava e mi'itaxu no anu kameli laxusou, ka usinixu no anu laleti. Mo anu ani'anixu ane musia'e xe unuxu.

Luku 1:16

La anu itema ne ulivunixi'a tamitema Ta'isilaeli tavu'alo ilai noxou Tatananenge anu Mosi'a.

Luku 1:76

La anu muvikalanu keakea lexe, “Alixeli, ulai ili'i la tamitema imoxo'ine lexe nini polopetiou Anusisi Uli'uli. Mo nini na'uli noxou Tatananenge so nalalaxinu vote'isou.

Tioni 1:13

Ane'i mixali Mosinge ta'olu ia anu mi so vasimenge tamitema o xavutali'a tamitema o masaxa noxou itema vile uasi. Mosinge molu muxalixi'a so ane'i ta'olusi.

Tioni 1:34

Xe eni melo emasiou mo a alalanu vaikala so apala'anixu lexe anu ano'o Mosinge Olu.”

Tioni 3:28

Aloxo ngingi menge ngelomusou vaika­laxeli e elemolu mala'o lexe, 'Eni ane so Kalaisiti uasi, eni amitema e Mosinge mupalusilo so lexe a'uli noxousi.'

Ta'aposeli 10:33

Laso maixene epalusi'a se'i milai mi'avaline. La laixe so nene'e noxilo xo vaimomo 'o nenge tapita no iou Mosinge mo nexi talalaxi so talomusou vaikala mukalusi ane Tatananenge mupalusine so nalo­sixe.”

Lomu 9:23

Ia noxinge ane texalisou iaiama noxou la u'oxonenge iou vilemo manina. Xo mulalaxi so ulosinge xoluxolu laixe no tualasou. Xo axone, la ili'ilixo noxou iaxu upala'a avile.

2 Timoti 2:21

Ioxe, loxo itema u'uinu no anu ili'ilixo masua ane telemolu mukalu 'oe, la anu uxolu loxo lisi ane ikalipalanu so xaixai laixesi. Uxolu ulalaxi so Mosou uno'u ka upamuxanu no anu xaixai aneva laixe mukalusi.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

1 Tioni 2:28

Laso ane, ta'alixeli moso 'o, ngingi ngaxolu pumungenge noxou Kalaisiti mo so loxo anu upala'a la ta'osasi so tamaisou iou mo tamaila ka ta'umenu vasimenge noxou loxo uxali uasi.

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.