Lomu 9:4 - Ata New Testament

⁴ Tavivilo ne, ane'i Ta'isilaeli ane. Ane'i ane Mosinge mumoxo'a lexe ane'i ta'olu mo mumaxa'u iaxu noxi'a. Xe kalumo mu'oxonu konitalaki noxi'a mo mulosi'a lo mo mulosi'a vote'i so i'itinu ualasou mo muvavalima noxi'a.

Lomu 9:4 ပူးပေါင်းရင်းမြစ်များ

Matiu 21:33

Xe Iesua musolonu noxi'a lexe, “Ngalomusou latilovo vile aloxo 'ola. Mosou lia vile mu'oxo xaisou uaini ukalu la muvimelusou. Muvimelusou mukalu la mu'asou taxa nonano so loxo ili'i uaini ngaixu lingamo xe imamulonu la lexaxu usiali upita no anu. Mu'asou taxa mukalu la mutulusou tasou latolosou xai ne. Ioxe, mukalui la mupilixinu xai ne no avo'a tamitema se'i so isaxila'u. Mupi­lixinu noxi'a axone xo anu uxolu uasi mulai no tuala nopaxa.

Tioni 1:17

Xo manina, no anu vote'i e noxou Mosisi la texalisou lo. Ia noxou Iesua Kalaisiti la texalisou iaiama ilou vaikala anu temanu manina.

Tioni 1:47

Xe Iesua mumaisou Natanieli unene'e mo a so uxali noxoui, la muvikalasou lexe, “Ngamalei, itema e unene'e 'o anu so Isilaeli kena, noxou la kalavoi sevile uasisi!”

Ta'aposeli 2:39

Xo vavalima noxou Mosinge so singe xe ta'ilinge xe tamitema latala nopaxapaxa. Vavalima ne so si'a tamitema mukalusi Tatananenge anu Mosinge u'avali'a.

Lomu 3:2

Ia xo ma'i? Anene nene'axu laixe tavu'alo. Mi anene nene'axu mutiatila no anu, ane Mosinge mulosinge lo noxou so tasaxila'u.

Lomu 8:15

Xo Mosinge ulosinge Ulenu so ukalavusunenge no anu umela uasi. Anu mulosinge Ulenu so muxalinenge ta'olu. Mo anu usu'ulinenge so takatu noxou Mosinge lexe, “Papao”.

Lomu 9:6

Ia axova? Mosinge muiloune'i Ta'isilaeli lexe ane'i tamitemaou, ia tapiena noxi'a ilopala noxou uasi. Laso axova, vaikalaou mulapau vitanisio? Uasi, vaikalaou mumauli. Xo se'i no anu laili Isilaeli ne ane'i tamitemaou Mosinge ia se'i ne uasi.

2 Kolini 11:22

Xo axova, ane'i i'oxo lexe ane'i vaikalai'a Ipilu, ne? Ua, eni kalumo Ipilu a. Xe i'oxo lexe ane'i so laili Isilaeli, ne? Ua, eni kalumo Isilaeli a. Xe i'oxo lexe ane'i ta'ilusunu Apala'amu, ne? Ua, eni kalumo ilusunu Apala'amu a.

Xalesia 3:16

Ioxe, tatei Mosinge mu'oxonu vavalima noxou Apala'amu ilou ilusunu. No anu anene la vaikalaou laxu lexe upolonu su'uli noxi'a ta'ilusunu Apala'amu mukalusi uasi. Anu muvikalasou ilusunu vilesisi, ane Kalaisitisi.

Epesusi 2:12

Xo ngaxavu­talanu xoluxolu noxinge tei ne. Tei la ngexolu va'axu noxou Kalaisiti. Mo ngexolu loxo Ta'isilaeli uasi, ngexolu laili vilemo xo vavalima e Mosinge mu'oxonu noxi'a la usu'asinge uasi. Ngingi ne mi vile laixe so ngalopalanu ngaxomaiou uasi xo ngexixao no lialia vitanisi, ngelavusou Mosinge uasi.

Ipilu 9:1

Ioxe, konitalaki tei ne anu lo no anu kalumo so upamuxanu vote'i so tamitema ilai noxou Mosinge. Mo anu tasou muxolu no lialia 'o.

Ipilu 9:10

Xo ili'ilixo e mi'oxonu ne anu mi so i'ou xe iiexu mo mi loxo ulo'ulo. Ia lavuloto axone anu so vasimengesi, anu so upamuxane'i xo mo Mosinge uxiunu mimi uxali alavua laixe.

Ipilu 9:3

Xe no tumalou ngiou ne la mililixu lavalava papatu vile so ukakapisou ngiou ane talemolu lexe noxou Mosinge u'isalili.

Ipilu 9:5

Xe no latanu kesi la mi'oxonu mi loxo ta'angelo so usosovo lexe Mosinge iaxu muxolu no taine'i. La anene tanixu iaiama u'isalili. Ia no anu ano'o nenge umomomo so talulusou mi kitukitu no anu uasi.

Ipilu 9:6

Ioxe, milalaxinu axone mukalu la voxovoxo utotomu tapilisiti i'una'u­nalai se nonano no anu ngiou noxou Mosinge ane noale. Mi'u­na'u­nalai so i'oxonu xaixai noxi'a ne.