Lomu 9:3 - Ata New Testament

³ Ata­tamasi'a tavivilo ane no anu vasimexe. Xo aloxo 'o, loxo vote'i, la amasaxa lexe ane'i ino'u tanixo noxou Kalaisiti mo eni axalisou kalipala no navu. Ia uasi, vote'i vile so akalipala noxou Kalaisiti uasi.

Lomu 9:3 ပူးပေါင်းရင်းမြစ်များ

Ta'aposeli 13:26

La Polu muvikalala lexe, “Tavivilo, ngingi laili noxou Apala'amu xe ngingi tamitema so noale'ale ane ngamama'u noxou Mosinge, ngalomu. Vaikala so pamauli ano'o muxali noxinge nenge'a.

Ta'aposeli 22:5

Xe eno'u lapasi noxou pilisiti tatila oli'a tatiatila noxinge Taiuta. Ane'i tamosou ixoxolusio mo loxo imasaxau la ivalaxu vaikalaxeli 'o. Ane'i mikaukavunu lapasi ne mulai noxi'a tatiatila ne Tamasikusi lexe isu'ulileli no anu xaixai noxilo. Xaixai ne so atetelisi'a tamitemaou Iesua xe ane'ene'i ne Ielusalemo so tatiatila ilosi'a nene'axu ilixo noxi'a.”

Ta'aposeli 28:21

La tatiatila mikolinu lexe, “Lapasi vile molu ne Iutea une'e so uvikalasine uasi. Mo vivinge Iuta vile une'e ua'alomexi so vaikala masua vile sine uasi.

Lomu 1:3

Vaikala laixe ne, so upala'anixu Olu. Anu Olu ne, anu itema manina xo anu ilusunu Teviti.

Lomu 11:1

Ioxe, eni atali'i aloxo 'o. Axova, Mosinge muxiunu tumalou noxi'a tamitemaou Ta'isilaeli avile? E uasi manina. Eni kalumo a Isilaeli a. Eni vile exali a ilusunu Apala'amu no anu laili noxou Peniamini.

Lomu 11:14

Xo aloxo 'o. Eni amasaxau lexe a'avutinoxu opone'i tatemanu tualasilo. Xo loxo imaisou nene'axu xaixai noxilo no taingengi la ane'i imasaxau kalumo. Mo loxo imasaxau la ane'i masi ixalisou pamauli kalumo.

Lomu 16:11

Xe noxou tulaleli e Elotioni mo noxi'a ane'i ane ixoxolu no tasou Nasisusi. Ane'i tamitemaou Tatananenge kalumo.

Lomu 16:21

Ioxe, menexilo no anu xaixai e Timoti mukalanu aso laixe noxinge. Xe tatulaleli e Lusiusi mo Iesoni mo Sosipateli mivikala axone kalumo.

Lomu 16:7

Mo aso ulai noxi'a tatulaleli tamei e Anitolonikusi ilou Tiuniasi. Ane'i e noxi'a tekalavusu. Ta'apo­seli ivikalasi'a ilou ne laixe. Ane'i ilou milopala noxou Kalaisiti tei noxilo.

Lomu 9:2

Xo utotomu opoleli tu'uma­xu mo atatama voxovoxo.

1 Kolini 12:3

Xolu­xolu noxinge tei axone ia vaimomo 'o avikala lamana noxinge aloxo 'o. Loxo Mosinge anu Ulenu uxolu noxou itema vile la anu umomomo so ulemolu vaikala so mamulo sou Iesua uasisi. Xe itema ane Ulenu Laixe uxoxolu noxou axonesi umomomo so uvikala lexe, “Iesua anu Tatanaleli.”

1 Kolini 16:22

Loxo itema aneva umatapianu Tatananenge la itema ne uma­mulosi. Ia nenge ane tasexelaxu la oponenge utatama lexe, “Tatana­nexi, nane'ela.”

2 Kolini 12:15

Laso loxo eni, la a'osa so apilixinu mimixeli muka­lusi xe mauli noxilo kalumo so usu'ulinu xoluxoluxu ulengengi. Ia axova, loxo asexelangenge mise­vile axone la ngingi ngatukalaleli no anu sexela noxinge?

Xalesia 1:8

Vaikala laixe ne, nexi tevotongengixu mala'o. Laso loxo nexi o angelo vile so tualasou Mosinge une'e uxiunu vaikala laixe ne so uvotongengixu la anu laixe so umamulo no navu avilesi.

Xalesia 1:9

Aloxo telemolu noxinge mukalu, mo a alemolu 'ola, loxo itema vile ulanu vaikala ane upolo va'axu no anu vaikala laixe ngexalisou mukalu, la anu laixe so umamulo no navu avilesi.

Xalesia 3:10

Ia tamitema ta'ei opone'i u'oxoxu lo so imulimulinu la ixoxolu no laxu vaikala so mamulosi ane. Xo loxo Mosinge vaikalaou mulemolu lexe, “Loxo itema umomomoxu lavuloto mukalusi ane uxolu no anu lavuku so lo uasi, la vaikala so mamulo u'isalili noxousi.”

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Epesusi 6:5

Ioxe, nini ena'ei na'oxonu xaixai noxou tilasine la nalomuxu laixe. Nalu'eneni mo namama'u noxou so loxo upalusine no anu xaixai aneva, la na'oxonu no anu oponeni manina. Na'oxonu no anu oponeni manina a loxo na'oxonu xaixai noxou Kalaisiti ne.