Lomu 8:9 - Ata New Testament

⁹ Ia ngingi ane Ulenu Mosinge uxoxolu noxinge, la susu tava'u upamuxangengi uasi. Ulenu Laixesi upamuxangengi. Xo itema ane Ulenu Kalaisiti uxolu noxou uasi la anu itemaou Kalaisiti uasi ane.

Lomu 8:9 ပူးပေါင်းရင်းမြစ်များ

Luku 11:13

Ioxe, ngingi tamitema so susu 'o tangengixa'a ta'ilinge so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a Ulenu Laixe noxi'a ane'i ane itatali'i noxou.”

Tioni 14:17

Anu ne, anu Ulenu so Vaikala manina. Ane'i tatemanu lialia 'osi, la imomomo so i'osasou mo i'unanu noxi'a uasi xo ane'i isaxisou mo ilavusou to uasi. Ia ngingi, la ngalavusou xo anu uxolu noxinge mo anu so uxolu nonano noxinge ane.

Tioni 14:23

La Iesua mulivuxu lexe, “Loxo itema ane so usexelaxo manina la anu ulomuxu vaikalaxeli ane. Mo axone la Mamilo usexelaxu xe nexi noxou Mamilo tane'e noxou mo anu tasixe so tatalupexa no anu avile.

Tioni 3:34

Xo anu ane Mosinge mupalusou mune'e ne la ulalanu vaikalaou Mosingesi. Ulalanu vaikalaousi axone xo Mosinge mupilixinu Ulenu noxou la utukalanu uasi, mu­lolutuxusi.

Tioni 3:6

Xoluxolu so vasi­me'a tamitema la ixalisou no anu lavulo'o so vasime'asi. Ia xoluxolu so ulene'i la ixalisou no anu lavulo'o e noxou Ulenu Laixesi.

Ta'aposeli 16:7

Mixixao xo la mixali no pilixasou xale lia ne Misia la mimasaxau i'unalai ne Vitinia polovinisi ia Ulenu Iesua mu'apixa'ala.

Lomu 7:5

Xo tei la susu tava'u no vasimenge mupamuxanengesi. Mupamuxanenge xe telomusou lo u'apinenge lexe, “Ai, na'oxo aloxo 'o uasi, na'oxo aloxo 'o uasi.” Telomusou axone ia tatalo so tasusu uasi. Masaxa so susu ne mu'oki mo muxalixu nene'axu so solisi.

Lomu 8:1

Ioxe, laso tamitema ta'ei ixolu noxou Kalaisiti Iesua la ixolu no laxu la'ia noxou Mosinge uasi.

Lomu 8:11

Laso aloxo 'o. Vasimenge ne anu usoli ane. Ia loxo Mosinge mupamaulinu Iesua Kalaisiti no anu soli la axone kalumo Ulenu Mosinge upamau­linu vasimenge ili'i. Anu u'oxo axone xo anu a uxolu noxinge.

Lomu 8:2

Xo aloxo 'o. Tei la xavi so susu mo soli mukasinge. Ia nenge ta'ei taxolu noxou Kalaisiti Iesua la Ulenu Laixe mulosinge mauli mo mu'umenenge no anu tu'umaxu e mukasinge ne.

1 Kolini 15:23

Nenge noxou Kalaisiti tamau­lila axone ia no anu vote'isou u'isalili. Aloxo 'o. Kalaisiti mu'uli noxinge xo mutulu mukalu. Xe ili'i no voxo loxo anu une'e la nenge tamulinu axone so tatulu kalumo.

1 Kolini 3:16

Xo axova, ngalamana no anu mi anene uao? Ngalavu laixe, tasou Mosinge a ngingi ne. Xo Ulenu Mosinge a uxoxolu noxinge.

1 Kolini 6:17

Ia loxo itema vile uxolu noxou Tatananenge la Ulenu upitane'i itema ne ilou Tatananenge mo so ane'i vilesisi.

1 Kolini 6:19

Ai, ngalavu uasi? Vasimenge ne anu tasou Ulenu Laixe. Xo Mosinge mupilixinu Ulenu mo a uxolu noxinge. Vasimenge ne mi na'a ngingimo uasi.

2 Kolini 10:7

Ngingi menge ngatilovo laixe no anu mimi e uxolu no iengi. Xo loxo itema ulavu manina no oponu lexe anu itemaou Kalaisiti la anu masi laixe so ulavu aloxo 'ola. Nexi kalumo tamitemaou Kalaisiti a loxo anu nesi.

2 Kolini 6:16

Mo axovala, nenge ta'unanu momosi'a kalavoi no anu tasou Mosinge? Uasi to! Xo nenge a tasou Mosinge e umamauli. Mi ne Mosinge mulemolu tatei aloxo 'o, “Eni axolu nonano noxi'a mo amuamua'i no taine'i. La eni axolu a Mosi'a xe ane'i ixolu tami­temaxeli.”

Xalesia 4:6

La ngexolu Mosinge ta'olu, laso Mosinge mupalusou Ulenu Olu mune'e mo a uxoxolu no tangengi so u'avutinoxu katu noxinge lexe, “Papao, Mamixeo.”

Xalesia 5:24

Xo ane'i tanoxou Kalaisiti, la mino'u vasime'a xe masamasaxa ilou mimi ane upalu­palusi'a no anu ka mililinu no ovu valautu mole musoli mukalu.

Epesusi 1:13

Xe mukalu la ngingi kalumo ngelomusou vaikala manina e vaikala laixe so pamauli noxou Mosinge. Ngelomusou la ngelo­pala noxou Kalaisiti laso anu mumulinu vavalima noxou so ulosinge Ulenu Laixe. Ulenu ne anu sosovo noxinge lexe ngingi ngaxolu noxou Kalaisiti.

Epesusi 2:22

Xe ngingi la Ulenu a uxoxolu noxinge kalumo. Laso maixene anu mupitangengi mo a upamupamuxangengi no anu tasou Mosinge ne.

Epesusi 3:17

Mo alinga noxou Mosinge lexe lopala noxinge pumuxu so Kalaisiti uxolu noxinge loxo no tasou u'isalili. Xe asolonu latilovo ne aloxo 'o. Tava'u tani ne, utulu no anu sexelasi.

Pilipai 1:19

Ia utotomu ngingi ngalingau su'ulisilo noxou Mosinge mo Ulenu Iesua Kalaisiti a usu'ulileli. Laso eni alavu manina lexe eni masi amauli mo ala no lakalavusu 'o.

2 Timoti 1:14

Laso mi lailaixe e Mosinge mupilixinu so nasaxila'u ne, la Ulenu Laixe e uxolu noxinge usu'ulineni so na'oxo latolosou.

1 Pita 1:11

Xo Ulenu Kalaisiti muxolu nonano noxi'a so mupala'anixu mimi e so uxalisou Kalaisiti ili'i. No anu anaxa'a la mulemolu tu'utu'umaxu ane Kalaisiti mutavulenu xe mupala'anixu lexe ili'i la utavu­lenu uala u'uli'uli. Tapolopeti milemolu vaikala anene kaio mitatali'i lexe “O, anu itema ena'ei ne, mo uxali no voxo aneva?”

1 Tioni 3:24

Anu ane ulolomuxu votovoto noxou Mosinge la mu'una mutalupexa nonano noxou mo Mosinge a mutalupexa nonano noxou itema ne. Xo mulosinge Ulenu laso anene vote'i so talavu lexe Mosinge a utalupexa nonano noxinge.

1 Tioni 4:13

Vote'i axova so talavu lexe Mosinge uxolu utalupexa avile nonano noxinge xe nenge taxolu tatalupexa nonano noxou? A xo anu molu mulosinge Ulenu so uxolu noxinge 'o.

1 Tioni 4:4

Ia loxo ngingi ta'alixeli moso 'o, ngingi tanoxou Mosingesi mo ngeua'ulixa'a tamitema so pela'a kalavoi ne xo Ulenu e uxolu noxinge la uua'ulixu ulenu so lialia.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Mupala'a 20:15

La tamitema ta'ei ane ualasi'a uxolu no anu lavuku so mauli uasi, la ane'i muka­lusi misu'a no taxa so navu kalumo.