Lomu 8:3 - Ata New Testament

³ Xo lo noxou Mosinge umomomo so ukalusou xavi no anu susu uasi. Xo susu tava'u no vasimenge xavinu musuku. Ia Mosinge mupalusou Olu mune'e mo muxali vasimolu loxo nenge tamitema so susu 'o. Laso noxou Iesua la Mosinge muxalixu vote'i so ukalusou xavi no anu susu tava'u no anu tamitema vasime'a.

Lomu 8:3 ပူးပေါင်းရင်းမြစ်များ

Maki 15:27

Mililixu Iesua la no pa'upa'u­molu mililixa'a tamitema so pakali tamei. Vile mulili no avolu tema xe vile no avolu kaisi.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Tioni 9:24

Ioxe, alaxu tameisou mi'avalou itema e iou selevenu tei olele kaio mivikalanu lexe, “Nasakinu vaikala lexe nini na'itinu Mosinge ualasousi mo navikala maninasi. Nexi telavu lexe anu e mupai­pouneni, anu itema so susu, ne?”

Ta'aposeli 13:39

Xo lo noxou Mosisi ne anu umomomo uasi manina so uiasou susu mo uxalixinge malemalenge no iou Mosinge. Ia ane'i ane ilopala noxou Iesuasi la susu noxi'a uiasi mo Mosinge umoxo'a lexe ane'i tamalemalenga no iou ane.

Lomu 3:20

Itema vile umomomo so umulinu lo so uxali malemalenga no iou Mosinge uasi. Mulosinge so anene uasi. Mulo­singe so talamana no anu susu noxinge.

Lomu 6:6

Xo aloxo 'o. Nenge telavu lexe no voxo Kalaisiti mulili musoli no ovu valautu la tava'u susu no vasimenge mulili ne kalumo. Mulili ne la xavi no anu susu no vasimenge a musoli mo mukalu ne. Laso nenge tamitemaou susu mo so upalupalusinge vitanisila uasi.

Lomu 7:18

Xo eni alavu lexe no anu vasimelosi 'o la mi vile laixe uxolu uasi, anu susu tava'usi. Manina, eni amasaxau so a'oxonu ilixo laixe ia amomomo to uasi.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Lomu 9:3

Ata­tamasi'a tavivilo ane no anu vasimexe. Xo aloxo 'o, loxo vote'i, la amasaxa lexe ane'i ino'u tanixo noxou Kalaisiti mo eni axalisou kalipala no navu. Ia uasi, vote'i vile so akalipala noxou Kalaisiti uasi.

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Xalesia 3:21

Ioxe, telemolu axone ia axova, lo ne uxililiou vavalima noxou Mosinge? Uasi to! Xo loxo Mosinge mulosinge lo vilela so ulosinge mauli la anu vote'i uxolu so tamulimulinu ka taxali talapu no iou Mosinge no anusi.

Pilipai 2:7

Laso anu molu mululusou ka mu'italonu so muxali itema so xaixai vitanisi. La muxali loxo tamitema,

Ipilu 10:12

Ia noxou Kalaisiti la alaxu vilesisisi mupilixinu mi vilesisi so lapesou susu. Mupilixinu mukalu la mutalupexa no anu Mosinge avolu tema.

Ipilu 10:14

No anu mi e mupilixinu ne la mu'oxone'i tanoxou Mosinge u'isalili mixali talaixe loloni, mo anene kaluxusou uasi.

Ipilu 2:14

Ioxe, ta'olu ne ane'i tamitemasi ane, vasime'a vitanisi. Laso Iesua muxali a loxo ane'isi mo so ulai no anu soli. Mulai no anu soli mo so xavi noxou Uluaou so upalusi'a tamitema no anu soli, la Iesua mukalusou avile.

Ipilu 2:17

Laso no anu su'ulisi'a tavimovimou ne la vote'i vilesisi, anu uxali u'isalili aloxo ane'i nesi. Mo so axone la anu muxali pilisiti tatila ane tanuxa'a mo muxalixu nene'axu xaixai e Mosinge mupilixinu noxou. Xaixai anene so ulotonu tina'u so susu noxi'a tamitema.

Ipilu 4:15

Xo loxo tovotovo uxalisinge la nenge taxamulinu lexe pelesingesi. Ia anu laixe xo pilisiti tatila na'a nenge ukali­palanu va'axu no anu tu'umaxu tatavulenu uasi. Anu oponu upita no anu mo uxamulinu xo tovotovo ma'ia uxalisinge ne la muxalisou tatei kalumo. Ia loxo anu la ususu no anu uasi.

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.