Lomu 8:2 - Ata New Testament

² Xo aloxo 'o. Tei la xavi so susu mo soli mukasinge. Ia nenge ta'ei taxolu noxou Kalaisiti Iesua la Ulenu Laixe mulosinge mauli mo mu'umenenge no anu tu'umaxu e mukasinge ne.

Lomu 8:2 ပူးပေါင်းရင်းမြစ်များ

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Tioni 4:14

Ia itema ena'ei uie no anu lexa ane eni aitixu la usolioula uasi. Xo lexa aitixu ne uxolu nonano noxou loxo lexa luxu mo u'opu'opu so ulosou mauli kaluxu uasi.”

Tioni 6:63

Mauli anu tava'u noxou Ulenu Mosingesi, xavi uxolu no anu vasime'a tamitema so ixalisou mauli uasisi. Vaikala e elemolu noxinge 'o ne anu vote'i so Ulenu uxolu noxinge mo anu vote'i so ngamaulisi.

Tioni 8:32

La vaikala anu temanu manina upalasi noxinge. Upalasi noxinge laso ngaxalisou xoluxolu no anu lalavulusi.”

Tioni 8:36

Laso loxo Mosinge Olu uxalixu xoluxolu lalavulusi noxinge la ngingi ngaxolu no anu lalavulusi maninasou ane.

Lomu 16:3

Mo ngingi ngalemolu aso laixe noxilo noxi'a Pilisila ilou Akuila. Ane'i tamenexilo no anu xaixai noxou Kalaisiti Iesua.

Lomu 3:27

Laso nenge menge ta'itinenge? Ta'itinenge lexe nenge talapu no iou Mosinge xo temulinu lo? Uasi to, tamomomo uasi. Nenge texali talapu no iou Mosinge, xo tava'u vilesisi aloxo 'o. Telopala tepilixi­nenge noxou Iesuasi.

Lomu 5:21

Xo susu muxalixu soli laso mu'uli laxunenge. Ia vaimomo 'o iaiama noxou Mosinge anu mu'uli'uli avile. Xo no anu ilixo malemalenga noxou Iesua anu Tatananenge la Mosinge muxalixu mauli kaluxu uasi.

Lomu 6:14

Vaimomo 'o ne susu anu tata­nangengi uasi, xo ngingi ngaxolu no laxu lo uasi. Ngaxolu no anu iaiamasi.

Lomu 6:18

Laso anu mu'ume­ngengi no anu xavinu susu. Mu'umengengi axone laso vai­momo 'o ilixo malemalengasi u'uli laxungengi.

Lomu 6:22

Ia vaimomo 'o Mosinge mu'umengengi no anu xavinu susu mo muxalixinge tamitemaou. Vaimomo 'o anu molu upamuxangengi so nga'oxonu ili'i­lixo ane no anu masaxa noxou mu'isalili. Laso nene'axu axova? Aloxo 'o. Anu molu ulosinge mauli kaluxu uasi.

Lomu 7:21

No anu xoluxolu noxilo la emaisou aloxo 'o. Utotomu loxo amasaxau so a'oxonu ilixo laixe, la tava'u susu ne utanuxu.

Lomu 7:23

Ia eni amaisou lexe lo vilela uxolu no vasimelo 'o. Lo anene loxo ukala­vusuleli mo upamuxanu vasimelo pa'upa'usou so ulai no anu sususi. Laso anu lo so susu no vasimelo 'o uxililiou lo noxou Mosinge ane amasaxau amulinu.

Lomu 7:4

Laso tavivilo, ngingi axone kalumo. Ngingi ngepita no anu vasimolu Kalaisiti, mo no anu vote'i anene ngingi ngesoli mukalu. Ngesoli xe ngekalipala no anu lo, laso usakingengila uasi. Ngingi ngaxolu noxou Tatanangengi ala­vua, anu ane mutulu mu'ume no anu soli. Laso vaimomo 'o ngingi ngamomomo so ngaxalixu nene'a­xu laixe no anu xaixai noxou Mosinge.

Lomu 8:1

Ioxe, laso tamitema ta'ei ixolu noxou Kalaisiti Iesua la ixolu no laxu la'ia noxou Mosinge uasi.

1 Kolini 15:45

Xo no anu Mosinge vaikalaou la muvikala aloxo 'o, “Mosinge mulosou itema tei e Atamu tauxu so mauli no vasimolu.” Xe mune'e la itema tameisou e Kalaisiti la mulosinge mauli so ulenenge.

2 Kolini 3:17

Ioxe, anu Tatananenge xe Ulenu ane'i vilesisi ane. Xo loxo Ulenu Tatananenge uxolu noxou itema vile la xoluxoluxu lalavulusi.

2 Kolini 3:6

Anu muxalinexe tamomomo so taxaxaisou konitalaki alavua. Anu konitalaki ne anu mi so vaikala kitukitu se so lo uasi, anu mi so Ulenu. Xo loxo tamitema opone'i no anu vaikala kitukitu se so lo la uxalixu mamulosoi'a. Ia loxo Ulenu la ulosi'a mauli.

Xalesia 2:19

Xo losi a mulosoielixu vote'i so asoli mo akalipala no anu xaviou lo to ne. Esoli mo ekalipala no anu so axolu mo mauli noxilo a noxou Mosingesi.

Xalesia 5:1

Ioxe, Kalaisiti mu'umenenge no anu mi e mukalavusunenge tei mo so taxolu lalavulusi. Laso ngatulu pakia'inge mo nga'italongengi so tamitema iuauoingenge ka ngalivu no anu xoluxoluxa'a tasilevi mamu.

Xalesia 6:2

Ngingi ngava'isu­ngenge ngato'o no anu tu'utu'u­maxu mo so no anu vote'i anene la ngamomoxu lo noxou Kalaisiti.

Tiemisi 1:25

Ia vaikalaou Mosinge ulomotele a uxolu so upela'ingexu vote'i so tamulinu masaxa noxou mo taxolu lalavu­lusi. Laso loxo itema umalei laixe no anu kaio ulomuxu mo tanu­vulusiou vitanisi uasi, la Mosinge ulosou nene'axu laixe no anu mi ma'ia u'oxonu.

Mupala'a 11:11

Ioxe, ilou isoli xe iai voxo tatalu xe pa'usou ukalui, laso Mosinge utausou tauxu so mauli u'unalai noxi'a ilou. Sila ilou itulu mo imaulila. La ume toxoxu uxali noxi'a ane'i ane imaisi'a ilou.

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.