Lomu 7:5 - Ata New Testament

⁵ Xo tei la susu tava'u no vasimenge mupamuxanengesi. Mupamuxanenge xe telomusou lo u'apinenge lexe, “Ai, na'oxo aloxo 'o uasi, na'oxo aloxo 'o uasi.” Telomusou axone ia tatalo so tasusu uasi. Masaxa so susu ne mu'oki mo muxalixu nene'axu so solisi.

Lomu 7:5 ပူးပေါင်းရင်းမြစ်များ

Matiu 15:19

Xo mimi masua ano'o molu noxou itema oponu mo ula. Mi loxo xavutala masua xe tamitema ive'a tamenexi'a xe ixola'u taula'i xe ilixo nuni'u xe pakali xe ikalavoisi'a tamenexi'a no lakoti xe ipupui.

Tioni 3:6

Xoluxolu so vasi­me'a tamitema la ixalisou no anu lavulo'o so vasime'asi. Ia xoluxolu so ulene'i la ixalisou no anu lavulo'o e noxou Ulenu Laixesi.

Lomu 1:26

Ioxe, ane'i mixiunu tumali'a noxou axone, la anu upilixine'i no anu masamasaxa ukilikalu noxi'a. Ane'i tasema kalumo imulinu ilixo laixe so taula'i uasi, imulinu ili'ilixo iou vilemo.

Lomu 3:20

Itema vile umomomo so umulinu lo so uxali malemalenga no iou Mosinge uasi. Mulosinge so anene uasi. Mulo­singe so talamana no anu susu noxinge.

Lomu 4:15

Uasi manina, lo ne anu tava'u so taxalisou nene'axu laixe uasi. Nene'axu lo ne la'ia noxou Mosingesi. Vote'i vilesisi so tama­xale laixe, loxo lo uxolu uasi. Ia Mosinge mulosinge lo xe taxola­xola'u utotomu, laso tama­xale axova?

Lomu 5:20

Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.

Lomu 6:13

Mo mamu so nga'italonu vasimenge pa'upa'u­sou no anu susu so uxalixu ili'ilixo masua no anu. Nga'oxo axone uasi, nga'oxo aloxo 'o. Ngapilixingengi noxou Mosingesi xo anu molu mupamaulingengi no anu soli. Ngapilixingengi noxou so anu molu upamuxanu vasimenge pa'u­pa'usou so uxalixu ili'ilixo male­malenga no anu.

Lomu 6:19

O tamaula, eni a'oxonu vaikala latilovo aloxo 'o xo vaikala ano'o u'asi'asi mo ngingi pakia'inge uao. Ia ngalomu. Tatei la ngepilixinu vasimenge pa'upa'usou no anu susu so mu'uli laxungengi. Mu'uli laxungengi laso ilixo noxinge mukilikalu mulolutu. Tei la nge'oxo axone, ia vaimomo 'o ngapilixinu vasimenge pa'upa'usou no anu ilixo malemalengasi. Nga'oxo axone xo Mosinge molu mukalipalangengi lexe ngingi tamitemaou mu'isalili.

Lomu 6:21

Susu muka­singe laso maixene ngamamaila no anu ilixo noxinge ne. Xo manina, ili'ilixo anene nene'axu axova? Mimi anene uxalixu soli noxi'a tamitemasi.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Lomu 7:23

Ia eni amaisou lexe lo vilela uxolu no vasimelo 'o. Lo anene loxo ukala­vusuleli mo upamuxanu vasimelo pa'upa'usou so ulai no anu sususi. Laso anu lo so susu no vasimelo 'o uxililiou lo noxou Mosinge ane amasaxau amulinu.

1 Kolini 15:56

Tava'u so soli ulosinge navunavu toxoxu ne xo no anu sususi. Mo talavusou susu lexe xavinu xo tava'u no anu losi.

2 Kolini 10:3

Xo manina, nexi taxolu no anu lialia 'o, ia oto noxixe 'o anu mi so lialia uasi.

Xalesia 3:10

Ia tamitema ta'ei opone'i u'oxoxu lo so imulimulinu la ixoxolu no laxu vaikala so mamulosi ane. Xo loxo Mosinge vaikalaou mulemolu lexe, “Loxo itema umomomoxu lavuloto mukalusi ane uxolu no anu lavuku so lo uasi, la vaikala so mamulo u'isalili noxousi.”

Xalesia 5:24

Xo ane'i tanoxou Kalaisiti, la mino'u vasime'a xe masamasaxa ilou mimi ane upalu­palusi'a no anu ka mililinu no ovu valautu mole musoli mukalu.

Epesusi 2:11

Ioxe, ngingi ngelavu lexe ane'i laili Taiuta ilavusou i'oxonu sosovo no anu vasime'a. Mixotosou vasime'a axone so isosovo lexe ane'i tamitemaou Mosinge. I'oxo axone la ilu'engengi laili noale'ale lexe, “Iie, ngingi tamitema ne sosovo noxou Mosinge uxolu noxinge to uasi.”

Epesusi 2:3

Tei la nenge mukalusi te'oxonu axone. Mo temulinu masamasaxa no anu susu tava'u no vasimenge. Xe mi ma'ia masua texavutalanu la te'oxonusi. Xoluxolu noxinge axonesi, laso maixene nenge tamitema mukalusi texolu no laxu la'ia noxou Mosinge.

Kolosi 3:5

Laso ngavau masamasaxa no anu vasimenge so lialia usoli. Mimi loxo ilaixu vasime'a vitanisi xe ili'ilixo nuni'u xe opone'i u'ela xe opone'i usoliou susu xe isu'isu. Xo no anu isu'isu ne, oponenge ututuluou mi vile xo mole uxali loxo mosinge kalavoi.

Taitusi 3:3

Xo nenge tei la texolu texovulaulau mo talomuxu Mosinge vaikalaou uasi. Texovulaulau xo Uluaou mu'oxo lolonenge mo masamasaxa no anu vasimenge mu'avutinoxu osa vita­nisi no oponenge. Texolu opo­nenge sixula mo teisuisu mo tematapianenge ngato'o.

Tiemisi 1:15

Anu loxo sema opone kaio ivo'onu ilie la uleme tatila. Xo masaxa masua loxo uxalisou tanixu no oponenge la u'avutinoxu susu xe loxo susu uleme tatila la uxalixu solisi.

Tiemisi 4:1

Laso atali'isinge axo'. Tava'u axova so ngapelesou anangenge mo tu'utu'umaxu a uxolu no taingengi ne? Anu tava'u no anu masamasaxa e u'avuti mo uxalixu oto no vasi­menge, ne?

1 Tioni 3:4

Tamitema ta'ei loxo ilavusou isususi la ivila'isou lo noxou Mosinge ane. Ilixo so ivila'isou lo ne a no anu sususi.