Lomu 7:4 - Ata New Testament

⁴ Laso tavivilo, ngingi axone kalumo. Ngingi ngepita no anu vasimolu Kalaisiti, mo no anu vote'i anene ngingi ngesoli mukalu. Ngesoli xe ngekalipala no anu lo, laso usakingengila uasi. Ngingi ngaxolu noxou Tatanangengi ala­vua, anu ane mutulu mu'ume no anu soli. Laso vaimomo 'o ngingi ngamomomo so ngaxalixu nene'a­xu laixe no anu xaixai noxou Mosinge.

Lomu 7:4 ပူးပေါင်းရင်းမြစ်များ

Matiu 26:26

Ane'i i'ani'anisio la Iesua muno'u pileti vile xe muvikala laixe noxou Mosinge. Mukalu la muse'inu mo muvelunuxa'a tatisai­peliou la muvikala lexe, “Ngingi ngano'u mo nga'ani, ano'o eni vasimelo.”

Maki 4:20

Ia tamitema se'i ne opone'i uloxu votovoto no anu Mosinge vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso xoluxolu noxi'a uxalixu nene'axu laixe loxo uiti ane muleme mo muxalixu nene'axu laixe. Se'i ne nene'axu 30 xe se'i nene'axu 60 xe se'i nene'axu 100.

Tioni 15:8

Loxo ngingi ngaxalixu nene'axu ulolutu la anu umaxa'u lexe ngingi tatisaipelixeli. La anene vote'i so Mamilo ualasou utilasi.

Tioni 3:29

Aloxo 'o. Loxo itema vile utaula'i la semau ne mulue a anu nesi. Xe loxo menexu la masi utulu va'axu sevile so ulomusou xolinu menexu e mutaula'i ne. Ulomusou xolinusi la u'osa'ilasou tatila. Laso maixene eni osa'ila noxilo mulolutu no anu vote'i anenesi.

Tioni 6:51

La pileti umamauli e molu no tualasou Mosinge mulu'e ne a eni 'osi. Loxo itema ena'ei u'ani no anu pileti ano'o la uxolu umauli kaluxu uasi. Pileti ane apilixinu so uxalisou mauli no anu ne a vasimelo 'osi. Xe loxo apilixinu la anene vote'isi'a tatemanu lialia mukalusi kalumo so ixalisou mauli.

Lomu 6:11

Xe axone kalumo la ngingi opongengi ututulu lexe ngesoli mo ngekalipala no anu susu mukalu. Ia no anu mauli noxinge, la ngingi ngaxolu noxou Kalaisiti Iesua laso opongengi vilesisi noxou Mosinge.

Lomu 6:14

Vaimomo 'o ne susu anu tata­nangengi uasi, xo ngingi ngaxolu no laxu lo uasi. Ngaxolu no anu iaiamasi.

Lomu 6:2

Uasi to! Nenge tesoli la tekalipala no anu susu mukalu. Laso nenge taxolu mo tasusu xo ma'ia?

Lomu 6:22

Ia vaimomo 'o Mosinge mu'umengengi no anu xavinu susu mo muxalixinge tamitemaou. Vaimomo 'o anu molu upamuxangengi so nga'oxonu ili'i­lixo ane no anu masaxa noxou mu'isalili. Laso nene'axu axova? Aloxo 'o. Anu molu ulosinge mauli kaluxu uasi.

Lomu 7:3

Xo loxo mulue usoli uasi, ia loxo semau ilai noxou mulu vile, la ane'i imoxo'e lexe sema masua ane. Ia loxo sema ixoxolu noxou mulue xo xe usolii laso anu ane, lo so taula'i usakinela uasi. Laso loxo itaula'ixu itema vile la anu laixesi, isusu uasi ane.

Lomu 7:6

Ia vaimomo 'o tesoli mo tekalipala no anu lo e mukasinge ne. Nenge tamulinu vote'i so lo ane Mosisi mukaukavunu uasi. Nenge tamulinu vote'i alavua ane noxou Ulenu Laixesi.

Lomu 8:2

Xo aloxo 'o. Tei la xavi so susu mo soli mukasinge. Ia nenge ta'ei taxolu noxou Kalaisiti Iesua la Ulenu Laixe mulosinge mauli mo mu'umenenge no anu tu'umaxu e mukasinge ne.

1 Kolini 10:16

Loxo nenge tasoso­vosou Kalaisiti sialuxu no anu lexa la tavikalasou laixe noxou Mosinge tei. Ukalu xe taiexu la nenge oponenge vilesisi mo nenge vilesisi no anu sialuxu Kalaisiti. Mo axone kalumo no anu pileti. Loxo tase'i­nenge mo ta'ou la anu upitanenge vilesisi xo nenge vilesisi no anu vasimolu Kalaisiti.

2 Kolini 11:2

Mosinge u'oxo latolosi'a tamite­maou mo so mi vile ulapune'i ixexesou uasi. La anu axonesi noxilo xo eni esosovosinge lexe ngingi tanoxou Kalaisitisi. Eni loxo itema usaxane vuanga male­malenga ilai so itaula'ixu mulue.

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Xalesia 5:18

Xo loxo Ulenu upamuxangengi la ngingi ngaxolu no laxu lo so upamuxangengi uasi ane.

Epesusi 2:15

Xo aloxo 'o. Mi e muxalixu xilili ne a lo ane Mosinge mulosou Mosisi tatei. Xo lo ne muvikala lexe ane'i tamitema noale'ale tamitemaou Mosinge uasi, ane'i Taiutasi. Ia lo ne usu'asingela uasi xo soli noxou Iesua mukalusou avile. Soli noxou mukalusou laso laili tamei mupita noxou mo oponenge vilesisi mo uai se'isisi.

Pilipai 1:11

Xe ilixo ulapu ane molu noxou Iesua Kalaisiti uxalixu nene'axu mo uana'ana noxinge. Mo so tamitema imaisou la itoxu Mosinge mo i'itinu ualasou.

Pilipai 4:17

Ia anu loxo opoleli ukakamulinu avonge temanu axone uasi. Mi ane opoleli ututuluou a so alauna noxinge uleme mo so ngingi menge ngaxalisou nene'axu laixe no latanula.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

Kolosi 1:22

Ia vaimomo 'o no anu soli no anu vasimolu Olu la Mosinge mukalusou kalipala mo mulivunixinge so ngaxolu opo­ngengi vilesisi noxou. Mo so loxo utulusinge no iou la usaxisou xoluxolungenge lexe ulapu mo malemalenga mo lamanasi.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Kolosi 2:14

Xo kaukavu muxolu so mulemolu lavuloto mukalusi ane texolaxola'u. Ia tina'unenge xe lavuloto e mulemolu mamulosinge ne anu muiasou mo muxexenu avile xo anu loxo mulililinu no ovu valautusi.

Kolosi 2:20

Ngingi ngesoli no anu soli noxou Kalaisiti mo ngekalipala no anu mimi tavatava'u so upa­muxanu xoluxolu so lialiasi. Laso tava'u axova so muamua'ingenge aloxo ngingi tamitema so lia­liasio? Mo axova so nga'i­talongengi ka ngalomuxu lavuloto ane uvika­langengi aloxo 'o,

Ipilu 10:10

Xo Iesua Kalaisiti mumulinu masaxa noxou Mosingesi mo mupilixinu vasi­molu so susu noxinge alaxu vilesisi. Laso no anu vote'i anene la nenge texali tamalemalenga mo tanoxou Mosinge mu'isalili.

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.

Mupala'a 19:7

Laso nenge oponenge u'osa'ila mo tavikala laixe mo ta'itinu ualasou. Xo voxo a muxali mukalu so Sipisipi Ilie utala'i la semau a milalaxi mukalu.

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”