Lomu 6:3 - Ata New Testament3 Xo axova, ngingi ngalamana no anu laxu latilovo e ilixo so kelele uao? Xo tamitema mikeleninenge no lexa mukalu, la anu axone kalumo Mosinge mukeleninenge no anu soli noxou Kalaisiti Iesua. အခန်းကိုကြည့်ပါ။ |
La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleningenge axone no anu ualasou Iesua Kalaisiti xo anu ukalusou tina'ungenge so susu xe u'oxonu iaiama so ulosinge Ulenu Laixe.
Loxo ngavikala axone la ngalavu laixe uasi ane. Xo aloxo 'o. Loxo tamitema ipilixine'i noxou itema vile so imulinu vaikalaou kitukitu la ane'i tamitemaou ane. Mo axone kalumo loxo tamitema ipilixine'i so imulimulinu susu la anu upamuxane'i mo ili'i la ulaixi'a no anu soli. Ia loxo ipilixine'i mo ilomuxu Mosinge la ane'i ixali tamalemalenga no iou.
Xo Ulenu Laixe e vilesisi ne, mukeleninenge mupitanenge vilesisi so texali vasimolu Kalaisiti. Loxo nenge Taiuta xe Takiliki xe tamitema so xaixai vitanisi xe nenge ane taxolu lalavulusi, nenge mukalusi ne tepita no anu vasimolu. Mo nenge mukalusi loxo teie no anu Ulenu vilesisi ne xo anu a uxolu noxinge mukalusi.
Xo ngalavu uasi? Ane'i tamitema ane nuni'a no iou Mosinge la ane'i ixolu uasi no voxo so anu molu u'uli laxune'i tamitemaou. Ngakalavoingengi uasi. Tamitema ne opone'i ututuluou ilixo aloxo 'o. Ane'i ane i'oxonu ilixo nuni'u xe i'itinu mosi'a kalavoi xe ixolaxola'u taula'i xe tamulu i'oxonu ilixo nuni'u ngato'o.
Ngingi ne ngalavusou ngaxexesou Mosinge aloxo sema ane ixexesou mulue so ixola'u taula'i no anu ili'ilixo nuni'u. La axova, ngalavu uasi? Loxo ngavaitami no anu ili'ilixo so lialia la ngaxililiou Mosinge ane. Laso itema ane umasaxau uxali menexu ili'ilixo so lialia la anu molu uxalixu so u'uluaou Mosinge.