Lomu 5:8 - Ata New Testament

⁸ Anene ilixo noxinge, ia noxou Mosinge iou vilemo manina. Anu musexela­nenge misevile. Xo no voxo loxo oponenge mututulu no anu sususio, la anu mupalusou Kalaisiti musoli so mupamaulinenge.

Lomu 5:8 ပူးပေါင်းရင်းမြစ်များ

Tioni 15:13

Sexela noxou itema ane uua'ulixu sexela iou se'i a ane so upilixinu maulixu so si'a tamenexu.

Tioni 3:16

Xo Mosinge musexelaxa'a tatemanu lialia misevile, laso anu mupilixinu Olu e soxu vilesisi. Mupilixinu mo so ane'i ta'ei ilopala noxou la imamulo uasi, ixalisou mauli kaluxu uasi.

Lomu 5:6

Xo aloxo 'o. Tei la nenge pakia'inge uasi so talu'enu Mosinge tanu. Nenge texolu va'axu avile mo ta'oxonu ilixo vile laixe no iou uasi. Ia no voxo loxo Mosinge molu musosovosou, la Kalaisiti musoli­singe.

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

1 Tioni 3:16

Ioxe, noxou Kalaisiti la mu'ita­lonu mauli noxou so musolisinge, xe no anu vote'i anene la tano'u lavulavusou sexela maninasou. Laso anu laixe so nenge kalumo tapilixinu mauli noxinge so su'ulisi'a tavivinge talopala.

Epesusi 2:7

Anu mu'oxo axone so no anu voxovoxo mo tautau ie ili'i la upalapa­lasinoxu iaiama noxou toxoxa'a to e mu'oxonu noxinge. Iaiama e mu'oxonu noxinge noxou Kalaisiti Iesuasi.

Lomu 4:25

Xo mi anenesi, laso Mosinge mupilixinu Iesua no anu soli, so ulotonu susu noxinge. Xe mutu­lusou no anu soli so umoxo'inge tamalemalenga no iou.

1 Timoti 1:16

Mo anene tava'u so Iesua Kalaisiti mupala'anixu iaiama noxou noxilo. Anu ukolinu susu noxilo avile uasi, muxomaieli muxomaieli xo xe elopalae, laso anu oponu so sexela ne mupala'a. Exali loxo pikisa so ulapune'i tamitema mo so ane'i kalumo ilopala noxou mo ixalisou mauli kaluxu uasi.

Lomu 5:20

Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.

Lomu 3:5

Ia tamitema se'i masi ivikala aloxo 'o, “Nenge tamitema muka­lusi ta'oxonu susu, ia Mosingesi ili'ilixo noxou iaxusi. Laso loxo nenge ta'oxonu ilixo masua la anu upala'anixu ilixo noxou lexe iou vilemo manina. Xe axone la anu mane ususu so ukolinu ilixo masua noxinge. Xo ilixo masua noxinge ne u'oxonu ilixo noxou iaxu upala'a avile.”

Lomu 5:7

Xo axova? Loxo nenge tamaisou menexinge laixe vile so usoli, la nenge ta'italonu mauli noxinge so tapamaulinu? Mane vilevilesi noxinge imomomo so i'oxo axone. Ia loxo itema vile masua la umomomo uasi manina, tanengexu uasi ane.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

Epesusi 5:2

Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.

Ipilu 8:3

Xaixai noxi'a tapilisiti tatatila mukalusi a so ine'enu mimi lexe noxou Mosinge xe ane so i'elaxu ulai noxou. Laso anu axone noxou pilisiti tatila na'a nenge. Anu kalumo so une'enu mi vile laixe lexe noxou Mosinge.