Lomu 5:2 - Ata New Testament

² Xe anu mu'oxonu vote'isinge so loxo telopala, laso nenge te'unalai mo a taxoxolu no anu iaiama noxou Mosinge 'o. Taxoxolu mo taxomaiou voxo ane Mosinge uno'inge so nenge'a taxolu no tualasou lailaixe. Nenge talavusou lexe voxo ne a une'e laso osa'ilasou misevile.

Lomu 5:2 ပူးပေါင်းရင်းမြစ်များ

Matiu 25:21

La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxine la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'

Tioni 10:7

Ioxe, Iesua muvikalane'i aloxo 'ola, “Eni avikalangengi manina e maninasi. Aitengasi'a tasipisipi a eni 'osi.

Tioni 10:9

Eni enisisi a aitenga. Loxo itema ena'ei upolo noxilo so u'una la uxalisou pamauli. Laso axone la u'una xe ula mo uxalisou ani'ani lailaixe.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Tioni 5:24

A avikalangengi manina e maninasi. Loxo itema ulomuxu vaikalaxeli mo ulopala noxou anu ane mupalusilo ene'e 'o la uxalisou mauli kaluxu uasi. Xe no anu voxo so tilovo olele la vaikala so mamulo usu'asou uasisi xo anu muvula mula no anu xoluxolu so soli mo a mu'unalai no anu mauli mukalu.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Lomu 11:20

Ani manina, Mosinge muxe­xene'i, ia tava'u ma'ia? Xo ane'i ilopala uasi. Xe tava'u so ngingi ngaxolu no anu ovu vaimomo, xo ngelopalasi. Laso nga'itingengi uasi, ngamama'u.

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

Lomu 14:4

Ane'i tavivinge ne, ane'i tamitemamengi so ngatilo­vosi'a uasi. Ane'i tamitemaou Tatananengesi ane. Anu mi noxousi lexe ane'i itulu pakia'a o ilapau. Ia ilapau avile uasi, xo anu molu utetelisi'a so itulu pakia'a ane.

Lomu 15:13

Laso masaxa noxilo noxinge lexe ngingi ngalopala noxou Mosingesi. Ngalopala noxou laso anu uxalixu osa'ila mo xoluxolu lalavulusi. Mo Ulenu Laixe ulosinge xavi so loxo ngaxomaiou voxo olele la lopala noxinge utilasi.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Lomu 3:23

Xo nenge mukalusi tesusu, mo loxo nenge menge tatovonu so taxali noxou Mosinge, la tapunengesi.

Lomu 5:5

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Lomu 8:1

Ioxe, laso tamitema ta'ei ixolu noxou Kalaisiti Iesua la ixolu no laxu la'ia noxou Mosinge uasi.

Lomu 8:24

Xo anu mupamaulinenge mukalu laso nenge taxomaiou mimi ane uxali ili'i. Nenge taxo­maiou mi ane tesaxisou no ienge mukalu uasi. Anu laixe, xo loxo mi ane tasaxisou no ienge la taxo­maiou axova? Xo muxali mukalu to.

1 Kolini 15:1

Ioxe tavivilo, alivunoxu xavuta­lamengi no anu vaikala laixe e evo­tongengixu mala'o. Evotonge­ngixu xe ngelomuxu la ngatulu pakia'u no anu anenesio.

2 Kolini 3:18

Xe loxo nenge la mi vile so utanuxu alaienge uasi laso loxo tamitema isaxisinge la iaxu Tatananengesi upalasi noxi'a. Mo Tatananenge anu Ulenu ne mupilixinu iaxu noxinge so uxiuxiunenge taxali aloxo anu u'isalilisi.

2 Kolini 4:17

Xe tu'utu'umaxu ane tatavulenu 'o taxamulinu lexe anu papaxesi mo anu so uxolu maxuveni uasi. La anu ne so usu'ulinexi xo anu uxalixu mi ane lailaixe mo mutiatila so uxolu kaluxu uasi. Mi ne talulusou axova, xo mi vile so talemolu ka tatilovosou no anu uasisi?

Epesusi 2:18

Vaimomo 'o nenge'a taxolu noxou Kalaisiti mo Ulenu a uxoxolu noxinge. Uxoxolu noxinge laso maixene nenge vote'isinge mukisisi so talai noxou Mosinge.

Epesusi 3:12

Mo so nenge ane telopala noxou la ta'ume o tamama'u uasi, vote'i mukisisi so tavikala noxou Mosinge.

Epesusi 6:13

Oto ne axone. Laso ngatelonu mimi so oto mukalusi e Mosinge mulosinge. Mo so axone no voxo loxo tu'utu'umaxu uxali­singe la ngingi xavingengi so ngaxililiou. Ngaxililiou xo xe ukalui ne, la ngingi ngatulu pakia'ingesio.

2 Tesalonaika 2:16

Tatananenge Iesua Kalaisiti ilou Mosinge anu Maminge misexelanenge mo milosinge mamatola kaluxusou uasi mo miiaiamanenge. Laso ngingi ngaxolu lopala noxinge pakia'u so ngaxomaiou voxo olele.

Ipilu 3:6

Ia noxou Kalaisiti la anu Mosinge Olu mo loxo Mosinge mutulusou so u'uli laxunu tasou la anu mu'oxonu lailaixe manina. Tasou ma'ia ne? A nenge ta'ei loxo oponenge utulu pakia'u no anu mi e ananenge ulemolu lexe talopa­lanu. Xe mi ane ta'oxo lexe talo­palanu taxomaiou la oponenge pumuxu no anusi.

Ipilu 6:18

Laso ane. Telavu lexe anu umomomo so ukalavoi uasi xo no anu mi tamei pumuxu manina ane telavusou lexe uxiu uasi. Mi e vavalima noxou xe ualasou e musakinu no anu. Xo nenge te'ume telai so taxolu tatalume noxou. Laso oponenge utulu pakia'u mo tateteli no anu mi ane talopalanu taxomaiou so taxalisou ili'i.

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

Mupala'a 21:11

Mululu'e la iaxu no anu ne, a iaxu Mosingesi. La lamanaxu a loxo lavo'o lailaixe ane lamolisou tatila e tatila manina. Anu loxo lamanaxu lavo'o iaspa ane lamana loxo laxalasi 'o.

Mupala'a 21:23

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo.

Mupala'a 21:3

Mukalu la elomusou xoli molu no sia kingi muvikala tatila aloxo 'o, “Ngamalei, tasou Mosinge a uxoxolu noxi'a tamitema mo so anu utalupexa no taine'i. Laso ane'i ixolu tamitemaou mo anu Mosinge molu a uxolu noxi'a.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.