Lomu 5:1 - Ata New Testament

¹ Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.

Lomu 5:1 ပူးပေါင်းရင်းမြစ်များ

Luku 19:38

La mi'ava'ava aloxo 'o, “Oponenge u'osasou Mosinge misevile mo ta'itinu ualasou. Tatananenge u'oxonu laixe noxou kingi ane molu mupalusou 'o. Anu uxolu no anu xoluxolu lalavulusi mo iaxu no tualasou.”

Luku 19:42

La muvikala aloxo 'o, “O Ielusalemo, tatei mo mune'e muxali vaimomo se 'osi eni emasaxau nalavu no anu vote'i so xoluxolu lalavulusi. Ia uasi, upala'a no ieni uasi xo a mutalume noxine mukalu.

Luku 2:14

“Ta'itinu ualasou Mosinge e uxoxolu teitexi avile. Xe noxi'a tamitema no lialia ane Mosinge u'osasi'a la ixolu lalavu­lusi.”

Tioni 14:27

Eni loxo a'italongengi la apili­xinu xoluxolu lalavulusi noxinge. Apilixinu la anene xoluxolu lalavulusi noxilomo, anu kaini ane loxo tatemanu lialia i'oxe ilosinge 'o uasisi. Laso ngapili­xingengi so tangengi uavuavuti mo kalaua mamu.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 5:24

A avikalangengi manina e maninasi. Loxo itema ulomuxu vaikalaxeli mo ulopala noxou anu ane mupalusilo ene'e 'o la uxalisou mauli kaluxu uasi. Xe no anu voxo so tilovo olele la vaikala so mamulo usu'asou uasisi xo anu muvula mula no anu xoluxolu so soli mo a mu'unalai no anu mauli mukalu.

Ta'aposeli 10:36

Ngingi ngelavu no anu vaikala laixe noxou Mosinge anu mulosixe nexi Ta'isilaeli. Vaikala laixe ne aloxo 'o. Iesua Kalaisiti anu Tatananenge mukalusi. Xo anu anusisi vote'i so nenge taxolu lalavulusi.

Lomu 1:17

Xo no anu vaikala laixesi Mosinge upela'ingexu vote'i so anu umoxo'inge lexe nenge tamale­malenga. Vote'i ne so talopala mo ta'italonengesi. Anu ane, vote'i anenesi. Xo no anu vaikalaou Mosinge uvikala lexe, “Loxo tamitema ipilixine'i mo ilopala no anu vaikalaou, la Mosinge umo­xo'a lexe ixoxolu tamalemalenga avile.”

Lomu 1:7

Laso lapasi ano'o ulai noxinge ngingi Talomu ane Mosinge muse­xelangenge mo mukalipalangengi lexe noxou mu'isalili. Masaxa noxilo lexe ngingi ngaxa­mulinu iaiama mo mamatola noxou Mosinge anu Maminge xe Tatana­nenge Iesua Kalaisiti.

Lomu 10:10

Xo loxo itema vile ulopalanu Mosinge vaikalaou la anu uvikala lexe, “Ai, vaikala ano'o maninasi.” Loxo u'oxo axone la Mosinge ulemolu lexe anu malemalenga. Xe loxo u'oxo lexe, “Anu ane, eni alopala noxou Iesuasi.” La Mosinge upamaulinu itema anene.

Lomu 10:15

Ia laixe, xo Mosinge upalupalusi'a se'i so ivotovoto. Loxo ulemolu no anu vaikalaou, “Tamitema i'osasi'a ane'i ane ine'enu Vaikala e so mimi lailaixe.”

Lomu 14:17

Xo no voxo so Mosinge molu u'uli laxune'i tamitemaou la ta'oso'oso no anu mi aloxone uasi. Xo no voxo anene oponenge utulu no anu mi ma'ia so ta'ou o taiexu? E uasi. Nenge oponenge utulu no anu ilixo malemalenga mo xoluxolu lalavulusi mo osa'ila ane molu noxou Ulenu Laixesi.

Lomu 15:13

Laso masaxa noxilo noxinge lexe ngingi ngalopala noxou Mosingesi. Ngalopala noxou laso anu uxalixu osa'ila mo xoluxolu lalavulusi. Mo Ulenu Laixe ulosinge xavi so loxo ngaxomaiou voxo olele la lopala noxinge utilasi.

Lomu 15:33

Ioxe, eni apilixingengi noxou Mosinge so anu uxolu noxinge mo umamatolangengi. Vaikala ano'o maninasi.

Lomu 3:22

Vote'i anene aloxo 'o. Mosinge molu umoxo'inge tamalemalenga loxo talopala noxou Iesua Kalaisiti. Anene vote'isi'a tamitema latala, iou vilesisi.

Lomu 3:30

Anu Mosinge vilesisi. Mo vote'i so umoxo'inge tamalemalenga no iou ne vilesisi. Vote'isi'a ane'i ane ixotosou vasime'a xe ane'i ane ixotosou uasi, ane no anu lopalasi.

Lomu 4:5

Ia vote'i so itema uxali malemalenga no iou Mosinge anu mi so xaixai axone uasi. Vote'i ne aloxo 'o. Itema ne uxali lamana no anu susu noxou xe ulopala no anu xaixai noxou uasi, upilixinu noxou Mosingesi.

Lomu 5:11

Mo mi vilela aloxo 'o. Tatananenge Iesua Kalaisiti mupitanenge so nenge'a Mosinge oponenge vilesisi. Mupitanenge axone laso ta'itinu Mosinge uala­sousi.

Lomu 5:18

Ioxe, laso nenge taxavutalanu aloxo 'o. Voxo vile la Atamu mulo­muanu vaikala noxou Mosinge laso la'ia noxou Mosinge musu'asinge tamitema mukalusi. Xe Iesua, la voxo vile mulomuxu vaikala noxou Momusi laso mu'oxonu vote'i so taxali malemalenga mo taxalisou mauli.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Lomu 9:30

Ioxe, nenge tavikalasi'a Ta'isi­laeli axova? Xo tamitema noale'ale ne ane'i sasaie'i so me'a ixali tamalemalenga uasi. Ane'i milopa­lasi laso maixene mixali tamale­malenga no iou Mosinge.

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

Xalesia 3:25

Laso vaimomo 'o tava'u so taxolu no laxu mi e mupamu­xanenge tei nela uasi xo lopala muxali mukalu.

Xalesia 5:22

Ia nene'axu xaixai noxou Ulenu no anu xoluxolunenge aloxo 'o. Ilixo so sexela mo osa mo xoluxolu lalavulusi. Xe anu upamuxanenge so tapalea no anu la'ia uasi mo ta'oxonu alauna ilou ilixo laixe noxi'a leviani. Xe ilopalanenge no anu xaixai ma'ia la ta'oxonu ulovosi.

Epesusi 2:7

Anu mu'oxo axone so no anu voxovoxo mo tautau ie ili'i la upalapa­lasinoxu iaiama noxou toxoxa'a to e mu'oxonu noxinge. Iaiama e mu'oxonu noxinge noxou Kalaisiti Iesuasi.

Pilipai 3:9

Eteteli axone la e'una mo a axolu avile noxou. Xo eni axavutala lexe axali alapu xo no anu vote'i so amulimulinu lo no anu ilixo noxilo uasi. Vote'isou exali alapu no iou Mosinge a so elopala noxou Kalaisitisisi. Xo no anu vote'i so lopalasi la Mosinge umoxo'inge lexe talapu no iou.

Kolosi 1:20

Xe Mosinge mulalaxinu vote'i e noxou Olu so ulivunoxu mimi so lialia xe so tualasou noxou. Laso Olu mulili no ovu valautu xe sialuxu munixi mo so ukalusou kalipala xe u'oxonu vote'i so mimi mukalusi ulivu noxou Mosinge.

Kolosi 3:15

Mo ngapilixingengi mo so xoluxolu lalavulusi noxou Kalaisiti upamu­xanu opongengi. Xo anene tava'u so Mosinge mu'avalinge ngepita no anu vasimolu Kalaisiti. Mo ngaxolu no anu osa'ilasi.

1 Tesalonaika 5:23

Xe nexi talinga noxou Mosinge e mosou xoluxolu lalavulusi aloxo 'o. Anu uxalixu xoluxolungenge malemalenga avile. Mo anu uutululunu ulengengi mo tangengi mo vasimenge so xoluxolu noxinge pumuxusi. Mo so no voxosou lailivuxu Tatananenge Iesua Kalaisiti la mi vile masua uxolu noxinge uasi.

2 Tesalonaika 3:16

Tatananenge anu tava'u xolu­xolu lalavulusi molu usu'ulingengi mo so mi ma'ia uxali la opongengi uai se'isisi. Tatananenge ne a uxoxolu noxinge vilevilesi ne.

Ipilu 13:20

Eni apilixingengi noxou Mosinge e mosou xoluxolu lala­vulusi. Anu mutulusou Iesua anu Tatananenge no anu soli. Iesua ne anu mupilixinu sialuxu so ulotone'i tasipisipiou mo usosovosou konita­laki ane kaluxusou uasi. Mutulu­sou laso Iesua muxali Itema Tila so usaxila'a tasipisipiou ne.