Lomu 4:6 - Ata New Testament

⁶ Mo Teviti mulemolu mi ne kalumo. Muvikalasou itema loxo ulavu lexe vote'i so umalema­lenga no iou Mosinge ne anu mi so xaixai noxou uasi. Mu'oxo lexe itema axone la u'osa misevile.

Lomu 4:6 ပူးပေါင်းရင်းမြစ်များ

Matiu 25:19

Ioxe, mixolu xo xe voxo maxuveni mukalui xe ili'i la tilasi'a tauokuvoi ne mulivu muxali. Laso anu mumasaxau mukiloloi'axu lamoli e mupilixinu noxi'a.

Lomu 1:17

Xo no anu vaikala laixesi Mosinge upela'ingexu vote'i so anu umoxo'inge lexe nenge tamale­malenga. Vote'i ne so talopala mo ta'italonengesi. Anu ane, vote'i anenesi. Xo no anu vaikalaou Mosinge uvikala lexe, “Loxo tamitema ipilixine'i mo ilopala no anu vaikalaou, la Mosinge umo­xo'a lexe ixoxolu tamalemalenga avile.”

Lomu 3:27

Laso nenge menge ta'itinenge? Ta'itinenge lexe nenge talapu no iou Mosinge xo temulinu lo? Uasi to, tamomomo uasi. Nenge texali talapu no iou Mosinge, xo tava'u vilesisi aloxo 'o. Telopala tepilixi­nenge noxou Iesuasi.

Lomu 4:11

Anu mulopala tei xe mukalu laso Mosinge mulosou sosovo ne. Anene sosovo so mi vile muxali mukalu. Mi ne so usosovo lexe tei loxo uxotosou vasimolu uao, la anu mulopala xe muxali malemalenga mukalu. Ioxe, vaimomo 'o tamitema tose'i ixotosou vasime'a uasi ia ilopala. Ilopala laso ixali malemalenga no iou Mosinge. Xe Apala'amu ne anu loxo mami'a tamitema anene, xo tei la anu aloxo ne kalumo.

Lomu 4:24

Vaikala anene so singe kalumo. Xo nenge telopala noxou Mosinge lexe anu mupa­maulinu Iesua anu Tatananenge no anu soli. Laso Mosinge ukalusou tina'unenge so susu mo umo­xo'inge lexe tamalemalenga no iou.

Lomu 4:5

Ia vote'i so itema uxali malemalenga no iou Mosinge anu mi so xaixai axone uasi. Vote'i ne aloxo 'o. Itema ne uxali lamana no anu susu noxou xe ulopala no anu xaixai noxou uasi, upilixinu noxou Mosingesi.

Lomu 4:7

Muvikala aloxo 'o, “Loxo Mosinge usu'asou susu noxou itema vile so ukolinu uasi uiasousi, la itema anene u'osa manina.

Lomu 4:9

Xo axova? Osa ne noxi'a ane'i ane ixotosou vasime'asi? O ane'i ane ixotosou uasi imomomo so ixalisou osa ne kalumo? Nenge tevikala mukalu lexe lopala noxou Apala'amu, anenesi vote'i so muxali malemalenga no iou Mosinge.

1 Kolini 1:30

Xo Mosinge molu mumulangenge noxou Kalaisiti Iesua. Mo anu anusisi vote'isinge so texalisou lavulavusou Mosinge ane u'asi'asi. Mo noxou Kalaisitisi Mosinge muxalinenge tamalema­lenga mo ukalipalanenge lexe nenge tanoxou mu'isalili. Xo no anu xaixai noxou Kalaisitisi la anu mulotonenge mo mu'ume­nenge no anu mi e mukalavusunenge tei.

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Xalesia 3:14

Kalaisiti mu'oxo axone laso anene nene'axu vaikalaou Mosinge lexe uxalixu su'ulisi'a tamitema noale'ale noxou Apala'amu. Laso no anu xaixai noxou Iesua Kalaisiti ne mu'oxonu vote'isinge so nenge ta'ei talopala la taxalisou Ulenu Laixe a loxo Mosinge muvavalimasou.

Xalesia 4:15

Ai, no voxo ne ngingi nge'osasilo mise­vile. Ia osa anene munavae? Eni avikala manina lexe no voxo ne ngingi masi ngaxexenu iengi lavo'onu ka ngalosilo loxo anu umomomo so usu'ulileli.

Epesusi 1:3

Ioxe, nenge ta'itinu ualasou Mosinge e anu Momu Tatananenge Iesua Kalaisiti. Xo mi ma'ia so xoluxoluxu ulenenge no tualasou la anu mulosinge mukalu. Anu mulosinge axone xo taxolu noxou Kalaisiti.

Pilipai 3:9

Eteteli axone la e'una mo a axolu avile noxou. Xo eni axavutala lexe axali alapu xo no anu vote'i so amulimulinu lo no anu ilixo noxilo uasi. Vote'isou exali alapu no iou Mosinge a so elopala noxou Kalaisitisisi. Xo no anu vote'i so lopalasi la Mosinge umoxo'inge lexe talapu no iou.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Tiemisi 2:18

Ia vile noxinge masi uvikala lexe, “Anu mi vile uasi, loxo eni la alopalasi xe nini la na'oxonu ilixo laixesi.” Laso eni akolinu vaika­laou aloxo 'o, “Nini na'oxo lexe nalopala ia loxo na'oxonu ilixosou laixe uasi la upala'a lexe mani­nasou axovae? Ia eni la alemolu lopala vitanisi uasi, apala'anixu no anu ilixosou laixesi a.”

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.