Lomu 3:4 - Ata New Testament

⁴ Uasi to! Tamitema mukalusi ikalavoi ia Mosinge anusisi uvikala maninasi. Loxo no anu vaikalaou muvikala lexe, “Mosixe nini mene namaxa'ine lexe vaikalameni mulapusi. Mo loxo tamitema ito­vonu so ikotixene la nini naua'u­lixa'a ane.”

Lomu 3:4 ပူးပေါင်းရင်းမြစ်များ

Matiu 11:19

Mo vaimomo 'o Itema ane molu noxou Mosinge a muxali mo u'ani mo uie. Sila ngingi ngevikalasou lexe, 'Ngamaisou anu itema so vune mo ulavusou usipaki. Xe anu vaitami'a tamitema so itaxusou taxisi oli'a tamitema so susu to!' Ngingi ngalavusou ngavikala axone ia tamitema ane ilomuxu vaikalasou lavulavu u'asi'asi noxou Mosinge la xaixai noxi'a umaxa'u lexe vaikala ne manina ane.”

Luku 20:16

Ngalomu. A une'e umamulone'i tamitema so isaxila'u xaixu ne. Umamulone'i mo upilixinu xai no avo'a tamitema se'i ta'alavua.” la ane'i e mitulu milo­lomu ne mivikala lexe, “Ai, mamu so uxali axone!”

Tioni 3:33

Ia itema ane u'osa so ulomuxu la umaxa'u lexe oponu ututuluou vaikala ano'osi, “Mosinge anu maninasi.”

Lomu 11:1

Ioxe, eni atali'i aloxo 'o. Axova, Mosinge muxiunu tumalou noxi'a tamitemaou Ta'isilaeli avile? E uasi manina. Eni kalumo a Isilaeli a. Eni vile exali a ilusunu Apala'amu no anu laili noxou Peniamini.

Lomu 11:11

Laso axova? Ane'i Ta'isilaeli mixiunu tumali'a noxou Mosinge laso anu mupilixine'i avileio? Uasi manina, xo aloxo 'o. Ane'i mima­tapianu pamauli noxou Mosinge laso muxali noxi'a tamitema noale'ale. Muxali noxi'a, ia anu so u'umenu noxi'a Ta'isilaeli avile uasi. Anu u'oxonu axone so ane'i imaisou xoluxolu laixe noxi'a tamitema noale'ale mo so ulapune'i.

Lomu 3:31

Laso axova? Loxo talopala noxou Iesua la anu ulu'enu lo lexe anu mi vitanisi? Uasi, lopala noxinge ne uvalaxu lexe maninasou.

Lomu 6:15

Ia axova, nenge taxolu no laxu lo uasi taxolu no anu iaiama, laso nenge tanava? Tasu­susi? Uasi to!

Lomu 6:2

Uasi to! Nenge tesoli la tekalipala no anu susu mukalu. Laso nenge taxolu mo tasusu xo ma'ia?

Lomu 7:13

Laso axova? Mi lailaixe ne muxalixu soli noxilo? Uasi manina! Sususi tava'u soli noxilo ne. Susu mupolo no anu mi lailaixe ne so uxalixu soli aloxo 'o. Lo muvikala lexe, “Nasusu uasi.” Ia elomuxu susu tava'u no vasimelosi la esusu. Esusu esusu laso lo mupala'anixu susu lexe mutoxoxa'a mo lakolisou solisi.

Lomu 7:7

Laso axova? Nenge ta'oxo lexe lo ane Mosisi mukaukavunu mi masua? E uasi! Loxo lo uxolu uasi la alavusou susu axova? Xo aloxo 'o. Lo muvikala lexe “Ngaisuisu uasi.” Loxo lo uvikala axone uasi laso axova? Nenge ta'oxo lexe lo ane Mosisi mukaukavunu mi masua? E uasi! Loxo lo uxolu uasi la alavusou susu axova? Xo aloxo 'o. Lo muvikala lexe “Ngaisuisu uasi.” Loxo lo uvikala axone uasiLaso axova? Nenge ta'oxo lexe lo ane Mosisi mukaukavunu mi masua? E uasi! Loxo lo uxolu uasi la alavusou susu axova? Xo aloxo 'o. Lo muvikala lexe “Ngaisuisu uasi.” Loxo lo uvikala axone uasi, laso eni alavu lexe isuisu ne susu axova?

Lomu 9:14

Laso nenge tavikalasou Mosinge axova? Tavikala lexe anu mususu? Uasi to, umomomo uasi.

1 Kolini 6:15

Xo ngalavu uasi? Vasimenge ne anu pa'upa'usou no anu vasimolu Kalaisiti ane. Laso axova? Anu laixe so eni ano'u Kalaisiti vasimolu pa'usou 'o mo apitanu no anu vasimele sema so ilixo nuni'u? Uasi manina, mi ne masua no iou Mosinge.

2 Kolini 1:18

Noxou Mosinge la uxalixu nene'axu vaikalaou mukalusi. La anu axonesi noxilo, xo mi ma'ia alemolu la vaikala lexe ani xe uasi ukei no anu uasisi.

Xalesia 2:17

Ia axova, loxo nexi tamulinu vote'i so talopala noxou Kalaisitisi so taxali talapu no iou Mosinge, la masi upalasi lexe nexi Taiuta a laili so susu kalumo. Laso no anu ngiou anene la nenge tavikala lexe Kalaisiti upalupa­lusixe no anu susu? Mamusi! Xavutala ne usu'asi.

Xalesia 2:21

La telexu aloxo 'o. Mamu so avila'isou iaiama noxou Mosinge vitanisi. Xo loxo vote'i so taxali talapu no iou Mosinge a no anu lo, la tava'u so Kalaisiti musoli uasisi.

Xalesia 6:14

Ia loxo noxilo la axamulinu lexe mamu so a'itinu ualasilo o mi vilela. Mi ane so a'itinu a ovu valautusou Tatananenge Iesua Kalaisitisi. Xo no anu soli noxou Kalaisiti la xavi no anu ili'ilixo so lialia musoli no anu vasimelo xe eni la esoli ekalipala no anu.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Ipilu 6:18

Laso ane. Telavu lexe anu umomomo so ukalavoi uasi xo no anu mi tamei pumuxu manina ane telavusou lexe uxiu uasi. Mi e vavalima noxou xe ualasou e musakinu no anu. Xo nenge te'ume telai so taxolu tatalume noxou. Laso oponenge utulu pakia'u mo tateteli no anu mi ane talopalanu taxomaiou so taxalisou ili'i.

1 Tioni 5:10

Laso itema ane ulopala noxou Mosinge Olu la vaikalaou Mosinge so muvalaxu Olu ne a uxolu nonano noxou. Ia itema ane ulopala noxou Mosinge uasi la anu loxo umoxo'u Mosinge lexe itema so kalavoi, xo vaikalaou e mulemolu so muvalaxu Olu, la itema ne ulopalanu to uasi.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.