Lomu 2:8 - Ata New Testament

⁸ Ia tamitema se'i ne, ixavutalane'isi mo ixiunu tumali'aou vaikala manina. Ane'i imulinu ili'ilixo masuasi. Tamitema axone ixalisou nene'axu la'ia toxoxu noxou Mosinge.

Lomu 2:8 ပူးပေါင်းရင်းမြစ်များ

Lomu 1:18

Ia nenge talavu lexe Mosinge uxolu no tualasou laixe mo oponu sixulaou susu mo ilixo masua noxi'a tamitema. Mo anu la'ia noxou ne, anu uxalisi'a, xo ane'i itanuxu vaikala manina noxou no anu ilixo masua ne.

Lomu 10:16

Anu manina, ia tavu'alo noxi'a Ta'isilaeli ilomuxu Vaikala laixe ne uasi. Xo loxo Aisaia mulemolu tatei, “Tatananexi, nexi talanu Vaikalameni lailaixe 'o ia ane'i ilomuxu to uasi!”

Lomu 15:18

Axolu noxou laso eni a'itileli uasi. Xo mi ma'ia e'oxonu la eni uasi, Kalaisiti molu muxalixu no avolo. Xo elanu vaikalaou noxi'a tamitema noale'ale laso maixene vaimomo 'o mose'i opone'i ukasou manina.

Lomu 6:17

Ia eni a'itinu Mosinge ualasou noxinge, xo tatei la ngingi ngexolu tamitemaou susu mo so mupamu­xangengi. Ia mune'e xe Mosinge mupala'anixu vaikalaou noxinge la ngingi opongengi mukasou lexe manina.

Lomu 9:22

Xe Mosinge axone kalumo. Anu la'ia noxou uxoxolu noxi'a tamitema se'i ia anu umasaxau so xavi noxou upala'a. Laso anu uxolusi, ulosi'a nene'axu la'ia noxou so umamulone'i palea uasi.

1 Kolini 11:16

Ia loxo se'i ixiliou pelototo ano'o la ilavu laixe lexe anenesi ilixo noxinge. Xe no anu pitapita noxou Mosinge mukalusi la ilixo noxi'a axone kalumo.

2 Kolini 12:20

Xo opoleli uuali lexe no voxo loxo ane'e noxingela, la masi amaisou ilixomengi ulovou masaxa noxilo uasi. Xe ngingi kalumo masi ngamaisou ilixoleli ulovou masaxa noxinge uasi. La loxo 'o io ane'e amaisou ili'ilixo aloxo 'o uxolu no taingengi. Ilixo so tamitema ipelesou anaxa'a xe iisuisu xe xalo u'ela no anu la'ia xe opone'i sixulai'a xe ipupui xe itunana xe itoxa'a xe ixalixu tu'umaxu vitavitanisi.

Xalesia 5:20

Xe i'itinu momosi'a kalavoi mo i'oxonu ta'uluxu masua. Xe ixali tauluai'a ngato'o xo tu'utu'umaxu mo isuisu uxolu no taine'i ka la'ia noxi'a xalo u'elasi. Laso ipelepe­lesou anaxa'a xe kalikalipala uxali no taine'i mole ikalitotone'i avile.

Pilipai 1:17

Ia ane'i se'i olele ne ilanu vaikala so Kalaisiti mo so ualasi'a utila no anusi. Tane'i malemalenga no anu uasi, imasa­xau ipitanu navunavu se'ila noxilo loxo akalavusu 'o.

Pilipai 2:3

Mamu so nga'oxonu mi vile no anu masaxa noxingemo o so ngaxalixu ualasinge utila no anu. Ngingi vilevilesi ngalu'engengi no anu opongengi mo ngasaxisinge lexe ngingi tami vitanisi no taine'i tamenexinge.

2 Tesalonaika 1:8

Mo anu uveluvelunu lakolisou tu'umaxu noxi'a tami­tema ane ilavusou Mosinge uasi mo ilomuanu vaikala laixe so Tatananenge Iesua.

Taitusi 3:9

Ioxe, anene su'uli laixe. Ia mi loxo oto'oto vitanisi no anu vaikala xe nana vuluvulusi xe so ipelesou anaxa'a no anu vaikala kitukitu so lo, la usu'ulinenenge axova? Mi axone nene'axu laixe uasi.

Ipilu 10:27

Axone la mi vilesisi so taxolu taxomaiou mo ta'umolu manina. Mi e voxosou Mosinge utongone'i tamitema mukalusi. Xo no voxo ne la navu no anu la'ia noxou so si'a ta'ei ixililiou la usexetelusi'a avile.

Ipilu 11:8

Xo no anu lopalasi laso no voxo Mosinge mu'avalou Apala'amu la anu mulomuxu mo mulutu mulai no tuala ane Mosinge muvavalimasou lexe ulosou. Mulutu mulai ia ulavusou lexe ulai ne'ei uasi.

Ipilu 5:9

Ioxe, lavulavuou so umulinu masaxa noxou Momu mumomomo loloni axone, laso anu muxali tava'u pamauli noxi'a tamitema ta'ei imulinu masaxa noxou. Upa­mauline'i mo so ulosi'a mauli ane kaluxu uasi.

Tiemisi 3:14

Ia loxo opongengi sixula so ngaisungenge ngato'o mo ututuluou uala tatilasi la tava'u so nga'oxo lexe ngingi tamitema so lavulavu to uasi. Xo loxo 'o io nga'itingengi vitanisi mo ngaxililiou vaikala maninasi.

Tiemisi 3:16

Xo no anu apu loxo isu'isu uxolu xe tamitema opone'i ututuluou uala tatilasi la xoluxoluxa'a vuluvulusi mo mimi masumasua mukalusi uxalixali no taine'isi.

1 Pita 3:1

Mo axone kalumo noxinge tasema itaula'i. Ngalu'engengi noxi'a tamulumengi mo so loxo se'i noxi'a ilomuxu vaikalaou Mosinge uasi la xoluxolungenge ulapune'i ane. Xo manina, ngato'ome'a no anu vaikala vile uasi,

1 Pita 4:17

Voxosou Mosinge utilovosi'a tamitema a mune'e alai mukalu. Ioxe, tilovo noxou la uxali tei noxi'a tamitemaou. Laso loxo usoko'u noxinge tamitemaou u'isalili la masi ukalusou axova noxi'a ane'i ane tamitemaou uasi mo mixililiou vaikalaou laixe? Noxi'a ne ialuxu e lapilai uasisi.

Mupala'a 14:10

Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a.

Mupala'a 16:19

La taoni tatila ne Vaviloni mumamulo xe muvala muxali pa'usou tatalu mo taotaoni no anu xale tuatuala mumamulo kalumo. Xo Mosinge muxavutalanu ili'ilixo masua noxi'a tatemanu taoni ne Vaviloni la mukolinu. Mukolinu la mixa­mulinu la'ia noxou Mosinge toxoxu a loxo itema uxamulinu uaini no anaxu loxo uiexu.