Lomu 2:1 - Ata New Testament

¹ Ioxe, tamitema i'oxonu susu iouiou axone. Laso ngingi se'i masi ngato'ome'a no anu mo ngavikala lexe, “Iauo, ane'i susu noxi'a u'oki'oki to!” Ia ngalomu, ngingi vaikala so ngalemolu uasi. Loxo ngato'ome'a axone, la anene ngingi ngato'omengesi ane. Xo susu noxi'a ma'ia ngalemolu ne, ngingi nga'oxonu kalumo.

Lomu 2:1 ပူးပေါင်းရင်းမြစ်များ

Luku 12:14

Ia Iesua mukolinu lexe, “Xo axova, ena'ei mutulusilo atiasi so atilovo­sou mi ane uxolu no taingengi ne? Uasi, anene xaixai noxilo uasi.”

Luku 19:22

La kingi muvikalanu lexe, 'Nini uokuvoi masua to! Eni atulusine no anu vaikalamenisi ne. Xo nelavu lexe eni amitema so loxo tamitema isusunixo la alosi'a ialuxu. Mo alavusou axalisou nene'axu xaixai noxi'a se'i xe a'elesou temanu xai ane atounu uasi.

Luku 6:37

Ioxe, Iesua musolonu aloxo 'ola, “Ngingi ngatilovosi'a tamene­xinge so ngato'oto'ome'axu susu noxi'a uasi, xo loxo 'o io tilovo no anu susu noxinge uto'omenge u'isalili axone. Xe loxo evile ususunixinge la opongengi uiasou susu noxou xo susu noxinge so uiasi axone kalumo.

Lomu 14:22

Loxo ngingi se'i lopala noxinge pakia'u la ngingi masi nga'oxo lexe, “Ai, la'ilali ma'ia ne, eni a'ousi.” Anu laixe so opongengi utulu axonesi, uvaxa une'e uasi. Ia xavutala anene uxolu noxinge vilevilesi mo so Mosingesi ulavu­sou opongengi.

Lomu 2:2

Xe nenge telavu lexe Mosinge utilovosi'a tamitema so ulosi'a nene'axu susu iouiou anene. Mo loxo utilovosi'a la anu ulapusi.

Lomu 2:3

Ia ngingi tami­temasi. Laso axova? Loxo ngingi ngato'ome'a tamitema so susu noxi'a ane ngingi menge nga'o­xonu, la ngamaxale axova? Xo nge'oxo lexe Mosinge ukolinu susu noxine kalumo uasi, ne?

Lomu 3:9

Laso telexu axova? Nenge Taiuta talaixe noxi'a se'i? Uasi manina. Loxo elemolu, nenge Taiuta xe tamitema noale'ale iou vilesisi. Susu musakinenge mukalusi.

Lomu 9:20

Loxo ngatali'i axone, la eni avikala aloxo 'o. Manina, ngingi tamitemasi laso nini ena'ei nakala­punu Mosinge? Latilovo aloxo 'o. Loxo itema vile u'oxonu mi vile no avolu, laso mi ne uvikalanu itema ne lexe, “Nexa­lixilo masua to!” Umomomo so uvikala axone? Uasi.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

1 Kolini 7:16

Laso mamu so opongengi utoto'omenge no anu mi anene. Xo axova? Loxo ngaxolu ngataula'isio la nini nasema namomomo so nalapunu mulumeni so uxalisou pamauli? O nini namulu, loxo semameni ixoxolusio la nini namomomo so nalapune so i'una no anu pamauli noxou Tatananenge? Nenge talavu­sou uasi ane.

Tiemisi 2:20

Ia axova nini longulongu to ne, anu upalasi noxine uasi? Lopala kaini ane uxalixu ilixosou laixe uasi ne, anu mi temanu uasisi.

Tiemisi 4:11

Ioxe tavivilo, ngato'omenge no anu vaikala ngato'o mamu. Xo loxo itema uvikala masuaou vimou no anu lopala o loxo utilovosou so ukamulinu susu vile noxou, la vaikalaou uto'omolu losi ane. Xe loxo nini vile na'oxo axone mo vaikalameni uto'omolu lo la nini naxolu no laxu lo so namulinula uasi. Nini ne'itineni a loxo tiasi so natilovosou lexe anu laixe o masua.