Lomu 16:3 - Ata New Testament

³ Mo ngingi ngalemolu aso laixe noxilo noxi'a Pilisila ilou Akuila. Ane'i tamenexilo no anu xaixai noxou Kalaisiti Iesua.

Lomu 16:3 ပူးပေါင်းရင်းမြစ်များ

Ta'aposeli 18:26

Mune'e la anu musoko'u so uvotovoto no tasou lavuloto ne Epesusi utotomu, u'ume'a Taiuta uasi. Muvotovoto axone xe Pilisila ilou Akuila milomusou la ilou mi'avalou so mulai no tasi'a. Mulai la ilou mipela'uxu mi se'i no anu vote'i noxou Mosinge ane ulamana no anu malaxo uasi.

Lomu 16:10

Mo aso noxilo ulai noxou Apelesi. Xo tamitema ilemolu lexe anu itema so umulinu Kalaisitisi. Mo aso noxi'a ane'i ane ixoxolu no tasou Alisitovulusi.

Lomu 16:4

Ilou misu'ulileli laixe. Misu'ulileli xe loxo tamitema i'oxo lexe ive'axu su'uli ne, la ilou i'ume uasi. Eni avikala laixe noxi'a ia eni enisisi uasi. Ane'i tatemanu pita no tuatuala noale'ale opone'i axone kalumo. Ane'i latala ivikala laixe noxi'a ilou kalumo.

Lomu 16:7

Mo aso ulai noxi'a tatulaleli tamei e Anitolonikusi ilou Tiuniasi. Ane'i e noxi'a tekalavusu. Ta'apo­seli ivikalasi'a ilou ne laixe. Ane'i ilou milopala noxou Kalaisiti tei noxilo.

Lomu 16:9

Mo ngalemolu aso noxilo ulai noxou Ulivanusi, anu menexinge no anu xaixai noxou Kalaisiti. Mo aso noxilo noxou Sitakisi kalumo, anu asexelaxu manina.

Lomu 8:1

Ioxe, laso tamitema ta'ei ixolu noxou Kalaisiti Iesua la ixolu no laxu la'ia noxou Mosinge uasi.

Lomu 8:11

Laso aloxo 'o. Vasimenge ne anu usoli ane. Ia loxo Mosinge mupamaulinu Iesua Kalaisiti no anu soli la axone kalumo Ulenu Mosinge upamau­linu vasimenge ili'i. Anu u'oxo axone xo anu a uxolu noxinge.

Lomu 8:2

Xo aloxo 'o. Tei la xavi so susu mo soli mukasinge. Ia nenge ta'ei taxolu noxou Kalaisiti Iesua la Ulenu Laixe mulosinge mauli mo mu'umenenge no anu tu'umaxu e mukasinge ne.

1 Kolini 16:16

Ngalavusou ilixo noxi'a axone laso ngalu'engengi no laxa'a. Xe tamitema ta'ei so xaixai noxou Tatananenge axone la ngalomuxa'asi.

1 Kolini 16:19

Ane'i tatemanu pitapita ne Esia polovinisi mivikala aso noxinge. Xe Akuila olie Pilisila mo Mosinge ta'olu mukalusi ane ipita no tasi'a mivikala aso laixe noxinge no anu ualasou Tata­nanenge.

2 Kolini 12:2

Eni alavusou itemaou Kalaisiti vile ane Mosinge muno'u mutelaixu no anu tualasou lailaixe e teitexi avile. Mutelai axone la no anu vasimolu o mula no anu vasimolu, eni alavu­sou uasi, Mosingesi mulavusou. Mi ne muxali tau ie 14 mulai mukalu.

2 Kolini 5:17

Laso loxo itema aneva mu'una muxolu noxou Kalaisiti la anu muxali mi alavuae. La mimi teinu musu'a, xo ngalomu, mimi alavuasi a muxali.

Xalesia 1:22

Ia tamitemaou Kalaisiti so pitapita ne Iutea ilavusou ieli to uasi.

Pilipai 2:25

Ia exavutala lexe laixe so apalusou vivinge Epavilotitusi ulivu une'e noxinge. Anu muva'i­suleli no anu xaixai noxilo mo muveisa'ileli no anu oto e taxolu no anu 'o. Musu'ulileli aloxo ngingi menge ngepalusouxu 'o.

Kolosi 4:11

Xe vivinge Iesua e ilemolu lexe Iasitusi anu kalumo muvikala aso noxinge. No taine'i laili Taiuta la tamitema tatalu ano'osi a iva'isu no anu xaixai so ta'unane'i tamitema ixolu no laxu Mosinge. La ane'i ilavusou isu'uli­leli laixe manina.

2 Timoti 4:19

Nalemolu aso noxilo noxi'a Pilisila ilou Akuila xe noxi'a tatemanu tasou Onesivolusi.