Lomu 15:3 - Ata New Testament

³ Nenge telavu lexe Kalaisiti kalumo xavutala noxou muxolu noxousi uasi. Xo tatei mikaukavunu vaikalaou mulemolu noxou Mosinge aloxo 'o, “Vaikala masua aneva tamitema misu'anu noxine la mulapau noxilo.”

Lomu 15:3 ပူးပေါင်းရင်းမြစ်များ

Matiu 10:25

Laso loxo xoluxoluxu itema usikulu uxali aloxo tisaou, xe noxou itema so xaixai uxali loxo tilasou la mi vile uasi, umomomo noxi'asi. Xo mosou tani la milemolu lexe Velisevuli laso loxo tasou tatemanu vitanisi la masi ilosi'a tu'umaxu kaini axovao?”

Matiu 26:39

Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Matiu 26:42

Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.”

Matiu 27:44

La tamitema so pakali tamei e mililixa'a no pa'umolu Iesua ane'i kalumo mimolo sukusou axonesi.

Tioni 15:10

Eni 'o la emulinu voto noxou Mamilo mukalusi mo a atalupexa avile no anu sexelasilo noxou. La anu axonesi noxinge, ngingi ngamulinu voto noxilo mo so ngatalupexa avile no anu sexelasinge noxilo 'o.

Tioni 15:24

Eni ene'e mo e'oxonu xaixai xavinu ane evilela umomomo so u'oxonu uasi. Loxo e'oxo axone no taine'i uasi la susu noxi'a upala'a uae. Ia aloxo 'o la ane'i a mimaisilo mukalu, sika imatapialeli xe a imatapianu Mamilo kalumo.

Tioni 4:34

Xe Iesua muvika­lane'i lexe, “Eni la'ilalixo ane so amulinu masaxa noxou anu ane mupalusilo ene'e 'o, xe so amo­momoxu xaixai noxou e mupilixinu noxilo.

Tioni 5:30

Ioxe, Iesua musolonu aloxo 'ola, “Loxo eni melo la umomomo so a'oxonu mi vile vitanisi uasi. No anu vote'i so atilovo la alomu noxou Mamingesi. Laso tilovo noxilo ulapusi xo taleli u'oxoxu masaxa na'axelimo uasi, u'oxoxu masaxa noxousi e mupalusilo ene'e 'o.

Tioni 6:38

Eni elu'e no tualasou Mosinge so amulinu masaxa na'a xelimo uasi, eni ene'e so amulinu masaxa noxou anu ane mupalusilo ene'e 'osi.

Tioni 8:29

Xe anu ane mupalusilo ene'e 'o ne a uxoxolu noxilo. Anu uxexesilo so enisisi axolu uasi xo utotomu eni a'oxonu mi ane u'osasousi.”

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

Pilipai 2:5

Anu laixe so tangengi iou vilesisi aloxo noxou Kalaisiti Iesua.

Pilipai 2:8

xe ane'i misaxisou loxo itema 'osi. Xe anu molu mulu'enu ka mumulinu masaxa noxou Mosinge xo mole mumomomo avile no soli. Ani, soli e no ovu valautu.