Lomu 13:9 - Ata New Testament

⁹ Xo lo muvikala aloxo 'o, “Ngingi ngalai­lai noxi'a tasema vitanisi uasi. Ngingi ngave'a tamitema isoli uasi. Ngingi ngapakali uasi. Ngingi ngaisu'isu uasi.” Ioxe, lo anene xe lo mose'ila uao, la vaikala vile musu'asou mukalusi aloxo 'o, “Ngingi ngasexelaxa'a tamene­xinge a loxo ngasexelangenge ne.”

Lomu 13:9 ပူးပေါင်းရင်းမြစ်များ

Matiu 22:39

Ia no anu tameisou la anu axonela. Xo axo'o, 'Ngingi ngasexelaxa'a tamenexinge a loxo ngingi menge ngasexelangenge.'

Maki 10:19

Nini nalavusou lo noxou Mosinge aloxo 'o. Mamu so navau itema usoli, xe mamu so nalailai noxi'a tasema vitanisi, xe mamu so napakali xe mamu so nakalavoi no anu lakoti, xe mamu so na'oxo loloxa'a tamitema so napulumao mimii'a xe nataxane'i mamine olie nenine.”

Maki 12:31

Lo anene uua'ulixu lo mukalusi, ia tameisou 'o mutiatila kalumo. Aloxo 'o. 'Ngingi ngasexelaxa'a tamenexinge a loxo ngingi menge ngasexelangenge.' No anu lavuloto mukalusi la tamei 'o u'uli'uli.”

Luku 10:27

Sila itema ne muvikalanu lexe, “Lo uvikala­singe aloxo 'o. Ngingi ngasexelaxu Tatananenge anu Mosinge no anu tangengi xe no anu ulengengi xe no anu mauli noxinge xe no anu xavutalamengi mukalusi. Mo ngasexelaxa'a tame­ne­xinge a loxo ngingi menge ngasexelangenge ne.”

Luku 18:20

Nini nalavusou lo noxou Mosinge aloxo 'o. Mamu so nalailai noxi'a tasema vitanisi, xe mamu so navau itema usoli xe mamu so napakali xe mamu so nakalavoi no anu lakoti, xe nataxane'i mamine olie nenine.”

Xalesia 5:13

Laso tavivilo, Mosinge molu mu'avalinge so nga'una no anu xoluxolu lalavulusi. Ia mamu so opongengi lexe, “Ai nenge taxolu lalavulusi no anu lo a, laso masaxa aneva no anu vasimenge 'o la tamulinusi.” Nga'oxo axone uasi, nga'oxo aloxo 'o. Ngaxolu no anu sexalasi so ngaxali tamitema so xaixai noxinge ngato'o.