Lomu 12:3 - Ata New Testament

³ Ioxe, Mosinge muiaiama noxilo mo musosovosilo so alanu vaika­laou. Laso apelototosinge ngingi mukalusi aloxo 'o. Ngingi vilevilesi nga'itingengi lexe ngingi talaixe noxi'a tamenexinge uasi. Ngingi menge ngatilovosinge laixe, xo lopala noxinge ne Mosinge molu mulosinge no anu masaxa noxousi.

Lomu 12:3 ပူးပေါင်းရင်းမြစ်များ

Luku 18:11

La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Tioni 3:34

Xo anu ane Mosinge mupalusou mune'e ne la ulalanu vaikalaou Mosingesi. Ulalanu vaikalaousi axone xo Mosinge mupilixinu Ulenu noxou la utukalanu uasi, mu­lolutuxusi.

Lomu 1:5

Laso tava'u so Mosinge mutulusixe ta'aposeliou ne, a no anu iaiama noxou Olusi. Mutu­lusixe so tapitane'i tamitema noale'ale no anu ualasou Iesua, mo so ilopala noxou mo imulinu vaikalaou.

Lomu 11:20

Ani manina, Mosinge muxe­xene'i, ia tava'u ma'ia? Xo ane'i ilopala uasi. Xe tava'u so ngingi ngaxolu no anu ovu vaimomo, xo ngelopalasi. Laso nga'itingengi uasi, ngamama'u.

Lomu 11:25

Ioxe tavivilo, eni amasaxau apala'anixu mi vile masi utalume­ngengi. Alemolu so ngingi nga'iti­ngengi no anu lavulavu noxinge uasi. Vaikala anene aloxo 'o. Vaimomo 'o Ta'isilaeli tata'eisi ilopala noxou Tatananenge. Ia tavu'alo noxi'a ne opone'i pakia'u mo ilopala noxou uasi. Ane'i ixolu axone xo ano'o voxosinge tami­tema noale'ale so ngalopala. Ulai ulai xe loxo navasinge umomo­moe, laso anu ane. No voxo anene ane'i Ta'isilaili tapiena ilivu mo ilopala noxou Tatananenge.

Lomu 12:16

Ilixo noxinge iou vilesisi noxi'a tamitema mukalusi. Nga'itingengi so ngaxi­xao noxi'a tamitema tatiatilasi uasi. Ngalu'engengi mo ngaxixaosi'a tamitema vitanisi kalumo. Mamu so nga'itingengi mo nga'oxo lexe, “Ai, eni amosou lavulavu a.” Nga'oxo axone uasi.

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

1 Kolini 3:10

Ioxe, atilovo aloxo 'o. No anu iaiama noxou Mosinge la mulosilo lavulavu so aloxo kapenita laixe. La eni elovonixu tani tanixu ka eta'olunu lavolavo'o so tani tava'u. Ia vaimomo 'o la se'ila a ixaxai so isivitanoxu tani e esoko'u ne. Laso avikala aloxo 'o. Tamitema ta'ei ixaxai no tani e esoko'u tava'u ne, la ilaxa'i laixe.

1 Kolini 7:17

Ioxe, eni apelototosinge no anu vaikala iou vilesisi loxo alemolu no anu pitapita mukalusi. Aloxo 'o. Mosinge uvelununenge tamitema xoluxolu iouiou no anu masaxa noxou. Laso ngexolu no anu xoluxolu aneva no voxo Tatana­nenge mu'avalinge, la ngaxolu se'isisi no anu.

2 Kolini 10:13

Xe mamu so ta'itinexi mo taua'ulixu lamaki noxixe ane Mosinge molu muso­sovosou. Ia lamaki na'a nexi e musosovosou ne anu uxali avile noxinge ne.

2 Kolini 12:13

Xe no anu mimi ma'ia laixe e'oxonu no anu pitapita mukalusi la anu iou vilesisi axone noxingesi. E uasi, no anu mi vile alosinge uasi. Ane so alosinge tu'umaxu so ngasaxila'ilo no anu mimi so vasimelo uasi. O sole manina, masi ngalu'enu opo­ngengi no anu susu noxilo ne.

2 Kolini 12:7

Ioxe, mimi ane Mosinge muma­xa'uieli ne lailaixe manina misevile xe mane la a'itileli no anui. Laso Mosinge mu'italonu tu'umaxu vile so uxalisilo la loxo mi anaxu uxolu no vasimelo mo uto'otomolu. Mi ne molu noxou Uluaou ka mu'otu'otuleli mole vote'i so a'itileli uasi.

Xalesia 6:3

Xo loxo itema vile uxavutalanu lexe anu mi lailaixe ia loxo manina anu mi vitanisi, la anu molu mukakalavoinu moe!

Epesusi 3:2

Masi ngelavu mukalu lexe Mosinge musosovosilo no anu xaixai vile. Xaixai anene so apala'anixu iaiama noxou noxinge mo so ngaxalisou iaiama ne kalumo.

Epesusi 3:4

Laso loxo nga'itisou vaikala ano'o la ngalavu lexe vaikala so xaixai noxou Kalaisiti e mutalume ne, a mupela'iloxu 'o.

Epesusi 4:16

Mo no anu latilovo ne asolonu aloxo 'ola. Anu kisinge Kalaisiti u'oxonu vasimolu e nenge tatoxo laixe. Nenge tapiena ia anu upitanenge noxou laso nenge taxali loxo vasimolu vilesisi loloni. Xe nenge vasimolu pa'upa'usou loxo tase­xelanenge ngato'o, la taleme pakia'inge mo nenge vilevilesi ta'oxonu xaixai noxou.

Pilipai 2:13

Xo anu ane so uxaxai nonano noxinge, a Mosingesi. Anu a uxaxai so u'avutinoxu osa no opongengi so ngamulinu masaxa noxou u'isalili ka ulosinge xavi so nga'oxonu.

Kolosi 1:29

Laso maixene asoa mo sasaieliou xaixai ne, xe xavisou ano'u noxou Kalaisitisi xo anenesi uauavutunixilo 'o.

Kolosi 2:13

La tei ngexolu no anu solisi xo no anu susu ilou susu tava'u no vasimenge ane mupamu­xangengi nesio. Ia Mosinge mutulusinge ngemauli xo mupita­ngengi noxou Kalaisiti loxo mutulusou. Anu mukalusou tina'u­nenge so susu mukalusi.

1 Timoti 1:14

Tatananenge ukolinu ilixo noxilo ne uasi mo iaiama noxou noxilo mulolutu e mulolutu. Xo Kalaisiti Iesua ne anusisi tava'u lopala mo sexela la anu mu'avu­tinoxu no opoleli.

1 Timoti 2:15

Laso anu tava'u so tasema itavulenu navunavu no anu lavulo'o. Ia ane'i ixalisou pamauli loxo ilopala. Mo axone la ixoxolu no anu sexela mo ilixo malemalenga mo ixolu no anu xolaxola uasi, ixolu se'isisi.

1 Timoti 2:9

Xe vile aloxo 'ola. Eni amasaxau lexe tasema opone'i ututuluou lavuluti lailaixe so itokolomonu vasime'a no anu malaxo uasi. Xe mamu so ixolaxola mo itokolo­monu laxusi'a xe ivaxanu mimi so vasime'a koli o xapoxapo xe lavuluti ane lamolisou tatila musuku. Laixe so imulaxu mimi ane utanuxu vasime'a laixe mo ane so ulapunu ie'i tamitema uasi.

Taitusi 2:12

Xe iaiama noxou Mosinge ne ulosoiengixu vote'i so tapilixinu ili'ilixo ane uxilililiou Mosinge oponu. Mo so masama­saxa so mimi so lialia xe no anu vasimenge upamuxanenge uasi. Nenge taxolu no taitaine'i tamitema so lialia 'o ia iaiama noxou ne mulosoiengixu xoluxolu ane mula­pusi mo u'isalili no anu masaxa noxou.

Taitusi 2:2

Laso noxi'a tamulu tatiatila la napelototosi'a aloxo 'o. Masama­saxa noxi'a upalusi'a uasi. Xe no anu vaikalai'a la isu'asu'anu vuluvulusi uasi mo so axone la tamitema itaxane'i. Mo lopala xe sexela noxi'a ututulu pumuxusi, uxiuxiu uasi.

Taitusi 2:4

Mo so axone la tasema tatiatila isu'uline'i tasema so isexela'a tamului'a xe ta'ili'a.

Taitusi 2:6

Xe noxi'a tamaulu kalumo. Napelototosi'a lexe xoluxoluxa'a vuluvulusi uasi.

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”

1 Pita 1:13

Laso ngaxolu xavutalamengi ulalaxi aloxo itema ulalaxi so umuamua'i, xe ngalaxa'inu opo­ngengi laixe so uxovulaulau uasi. La ngatulu pumungenge avile so ngalopalanu ngaxomaiou iaiama ane ngaxalisou no voxo loxo Iesua Kalaisiti upala'a.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

1 Pita 4:7

Ioxe, kaluxusou mimi mukalusi a so uxali 'oe. Laso ngatilovo laixe mo ngapamuxanu ilixomengi laixe mo so axone la ngaxolu se'isisi so ngavivikala noxou Mosinge.

1 Pita 5:5

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

3 Tioni 1:9

Ioxe, mala'o ekaukavu vaikala se'i mulai noxi'a tatemanu pita lai ne. Ia Tiotelepesi e oponu u'oxoxu tanixu so u'uli'uli noxi'a ne, anu ulomuxu vaikalamexi to uasi.