Lomu 10:9 - Ata New Testament

⁹ Vaikala aloxo 'o. Loxo itema vile uvikala lamana lexe Iesua anu Tatana­nenge mo ulopala no oponu lexe Mosinge mutulusou no anu soli, la itema ne uxalisou pamauli ane.

Lomu 10:9 ပူးပေါင်းရင်းမြစ်များ

Luku 12:8

Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni Itema ane melo noxou Mosinge avikala lamana no ie'i ta'angelou Mosinge lexe itema anene eni na'a xelimo.

Tioni 9:22

Momu olie nenu mivikalane'i axone xo mi'ume'a tatiatila noxi'a Taiuta ne. Mi'ume'a xo tatiatila opone'i vilesisi mukalu lexe loxo itema vile ulanu vaikala lexe Iesua anu ane so Kalaisiti, la ikusaou itema ne so u'una no anu tasou lavulotola uasi.

Ta'aposeli 16:31

La ane'i mikolinu lexe, “Nini nalopala noxou Tatananenge Iesuasi, laso Mosinge upamaulineni. Xe axone, la tatemanu tasine vote'isi'a kalumo.”

Ta'aposeli 2:24

Ia Mosinge mutulu­sou mu'umenu no anu soli mo no anu navunavu so soli. Xo soli umomomo so utetelisou itema anene uasi.

Ta'aposeli 2:32

Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Ta'aposeli 8:36

La ane'i a ilalai no vote'i xe mixali no lexa la itema tila ne muvikalanu Pilipi lexe, “Namalei, lexa ano'o. Mi vile u'apinenge so na'oxonu ilixo so kelele noxilo uasi, ne?”

Lomu 10:10

Xo loxo itema vile ulopalanu Mosinge vaikalaou la anu uvikala lexe, “Ai, vaikala ano'o maninasi.” Loxo u'oxo axone la Mosinge ulemolu lexe anu malemalenga. Xe loxo u'oxo lexe, “Anu ane, eni alopala noxou Iesuasi.” La Mosinge upamaulinu itema anene.

Lomu 14:11

Xo loxo Mosinge vaikalaou mulemolu lexe, “Eni Tatanangengi a. Eni maulixo telexu uasi. Eni avikala manina e maninasi. Ili'i la tami­tema mukalusi ixolasou tava'a mo itangatuluilo. La no voxo anene ane'i ipitanu anaxa'a so i'itinu ualasilo lexe a Mosi'a a.”

Lomu 14:9

Taxolu no avolu xo Mosinge musosovosou Kalaisiti so usoli mo umaulila. Musoli mo mumaulila so anu uxolu Tatanane'i tamitema ane isoisoli xe ane'i ane imamaulisio.

Lomu 4:24

Vaikala anene so singe kalumo. Xo nenge telopala noxou Mosinge lexe anu mupa­maulinu Iesua anu Tatananenge no anu soli. Laso Mosinge ukalusou tina'unenge so susu mo umo­xo'inge lexe tamalemalenga no iou.

Lomu 8:34

Laso ena'ei uto'omenge lexe tina'unenge so susu uxolusio? Uasi manina. Xo Kalaisiti Iesua musoli mo mutulu ne. Mo vaimomo 'o a utalupexa no anu Mosinge avolu tema so uvalanenge noxou lexe mukolinu tina'u so susu noxinge mukalu.

1 Kolini 12:3

Xolu­xolu noxinge tei axone ia vaimomo 'o avikala lamana noxinge aloxo 'o. Loxo Mosinge anu Ulenu uxolu noxou itema vile la anu umomomo so ulemolu vaikala so mamulo sou Iesua uasisi. Xe itema ane Ulenu Laixe uxoxolu noxou axonesi umomomo so uvikala lexe, “Iesua anu Tatanaleli.”

Pilipai 2:11

Mo vaikala lexe Iesua Kalaisiti anu Tatananu mimi mukalusi ula no anaxa'a tami ne mukalusi. La no anu vote'i anene la ualasou Mosinge utilasi.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

1 Tioni 4:15

Laso loxo itema upala'anixu oponu lexe Iesua anu Mosinge Olu, la anu upalasi lexe Mosinge uxolu utalupexa nonano noxou mo anu uxolu utalupexa nonano noxou Mosinge ane.

2 Tioni 1:7

Ngalomu, tamitema so i'oxo lolo tavu'alo to a ixixaoxao no xale tuatuala mukalusi. Xo Iesua Kalaisiti mune'e no lialia no anu vasimolu ia tamitema ane xo ne vaikalai'a upala'anixu mi ne uasi. Itema axone anu itema so u'oxo lolo xe anu xililiou Kalaisiti ane.