Lomu 10:3 - Ata New Testament

³ Ane'i ilamana avile no anu ilixo male­malenga noxou Mosinge uasi. Mo ilamana no anu vote'i so ixali tamalemalenga no iou uasi laso ane'i me'a itovonu no anu xavi noxi'asi. Me'a itovonu no anu xavi noxi'asi, laso maixene ipilixine'i noxou Mosingesi so uxalixi'a tamalemalenga uasi.

Lomu 10:3 ပူးပေါင်းရင်းမြစ်များ

Luku 10:29

Ia itema so lavulavu no anu lo umasaxau so umaxa'u lexe ilixo noxou ulapusi. Laso mutali'isou Iesua lexe, “Ia menexilo e lo ulemolu ne, ena'ei manina?”

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Lomu 1:17

Xo no anu vaikala laixesi Mosinge upela'ingexu vote'i so anu umoxo'inge lexe nenge tamale­malenga. Vote'i ne so talopala mo ta'italonengesi. Anu ane, vote'i anenesi. Xo no anu vaikalaou Mosinge uvikala lexe, “Loxo tamitema ipilixine'i mo ilopala no anu vaikalaou, la Mosinge umo­xo'a lexe ixoxolu tamalemalenga avile.”

Lomu 10:2

Eni alavusi'a mo avikala lamana lexe ane'i xavine'i so imulinu masaxa noxou Mosinge. Xavine'i, ia imomomo uasi xo ilamana no anu oponu uasi.

Lomu 10:20

Mo Aisaia muvi­kala lamana aloxo 'o, “Tamitema ane ikakamulileli uasi a mixalisilo mukalu. Eni apala'a noxi'a ane'i ane imasaxa'ilo uasi.”

Lomu 11:7

Ai, mi so tanengelili no anu. Xo mi ane Ta'isilaeli sasaie'iou so ino'u, ne ino'u to uasi. Ia ane'i anesi no taine'i loxo Mosinge muiloune'i, a mixalisou mi ne. Ia ane'i ane ino'u uasi ne, opone'i muxali pakia'usi.

Lomu 3:22

Vote'i anene aloxo 'o. Mosinge molu umoxo'inge tamalemalenga loxo talopala noxou Iesua Kalaisiti. Anene vote'isi'a tamitema latala, iou vilesisi.

Lomu 3:26

Ai manina mise­vile, ilixo noxou ulapusi. Xo ngamalei, loxo talopala noxou Iesua, la Mosinge uxalinenge talapu no iou.

Lomu 5:19

Itema vile ne mulomuanu vaikalaou Mosinge laso nenge latala texali tamitema so susu. Xe itema vile ne mulomuxu vaikalaou Mosinge laso nenge tamitema tapiena texali tamalemalenga no iou Mosinge.

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Pilipai 3:9

Eteteli axone la e'una mo a axolu avile noxou. Xo eni axavutala lexe axali alapu xo no anu vote'i so amulimulinu lo no anu ilixo noxilo uasi. Vote'isou exali alapu no iou Mosinge a so elopala noxou Kalaisitisisi. Xo no anu vote'i so lopalasi la Mosinge umoxo'inge lexe talapu no iou.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.