Lomu 1:9 - Ata New Testament

⁹ Eni asexelaxu Mosinge misevile mo xavileliou xaixai mulosilo. Xaixai anene so alanu vaikala laixe so Olu. Anu ulavusou opoleli lexe ututulu noxingesi.

Lomu 1:9 ပူးပေါင်းရင်းမြစ်များ

Maki 1:1

Ano'o soko'u no anu vaikala laixe so Iesua Kalaisiti anu Mosinge Olu.

Luku 18:1

Ioxe mune'e la Iesua mu'oxonu latilovo so upela'a lexe anu laixe so ivikala noxou Mosinge utotomu, itotosa no anu uasi.

Ta'aposeli 12:5

Laso Pita a muxoxolu no tasou lakalavusu mo ta'ami mixolu so ituluxu ia tatemanu pita opone'i mututulu so ipilipilixinu noxou Mosingesi.

Ta'aposeli 19:21

Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

Ta'aposeli 24:14

Xe aloxo 'o. Ane'i ivikala lexe eni vile noxi'a ane'i e i'itinu Mosinge ualasou no vote'i nexi mexe texalixu. Manina lexe a'itinu no anu Vote'i alavua, ia Vote'i ne, anu molu mulosinge. Eni alavusou a'itinu Mosinge e Mosi'a ta'ilusu­nexi. Eni opoleli vilesisi no anu lo noxou Mosinge mo vaikalai'a tapolopeti.

Ta'aposeli 27:23

Eni amitemaou Mosinge mo eni alavusou a'itinu ualasou. Vaimomo 'o no olovoxo la angelou mutulu no pa'umelo mo muvikala lexe,

Ta'aposeli 3:26

Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Lomu 9:1

Ioxe, eni axolu noxou Kalaisiti, mo avikala manina no anu mi 'o. Ngalomu laixe xo Ulenu Laixe mulavusou opoleli lexe akalavoi uasi.

2 Kolini 1:23

Ioxe, Mosinge molu so uvalaxu vaikalaxeli 'o lexe maninasi. Xo opoleli lexe ane'e palea noxinge ne Kolini a loxo elemolu ne, ia ane'e uasi xo amasaxau lexe alosinge tu'umaxu uasi.

2 Kolini 11:31

Mosinge anu Momu Tatana­nenge Iesua, ne ta'itinu ualasou kaluxu uasi. Anu molu mulavusou opoleli lexe akalavoi uasi.

Xalesia 1:20

La no anu vaikalaxeli e alemolu 'o avikala­ngengi no iou Mosinge lexe akala­voingengi uasi.

Epesusi 6:18

Xe mimi mukalusi e elemolu 'o ne ngapitanu no anu vaikalamengi ane ngalemolu noxou Mosinge. Ulenu usu'ulingengi so ngavikala mo ngalingau su'ulisinge noxou. Mo ngalaxa'i laixe, ngatalo uasi. Utotomu ngalingau su'uli noxou Mosinge si'a tamitemaou mu'isa­lili.

Pilipai 1:3

No anu mimi mukalusi axavu­talangengi no anu la avikalasinge laixe noxou Mosilo.

Pilipai 1:4

Laso loxo apilixingengi noxou la vaikala mukalusi alemolu no anu osasi.

Pilipai 2:22

Ia loxo noxou Timoti 'o la ngingi ngelavusou ilixo noxou. Anu upalasi lexe musu'ulileli so texaxaisou vaikala laixe aloxo itema olu usu'ulinu no anu xaixai noxou.

Pilipai 3:3

Ia uasi, sosovo manina noxou uxolu noxinge nenge'a ta'ei ane Ulenu upamuxanenge so ta'itinu Mosinge ualasou. Mo nenge ane tatoxu Kalaisiti Iesua xe talopalanu mi vile no anu vasimenge so usu'ulinenge uasisi.

1 Tesalonaika 1:2

Ioxe, nexi tavikalasinge laixe noxou Mosinge utotomu mo loxo tavikala axone la tamoxomo­xo'inge mukalusi noxou.

1 Tesalonaika 3:10

La kakau olovoxo tama no oponexi noxou Mosinge lexe tamaisou iengela. Mo so nenge'a taxolu xe loxo lopala noxinge no anu ngiou vile mamalaxu sevile la ta'oxonu pakia'inge no anu.

1 Tesalonaika 5:17

Mo opongengi utulu so ngavi­kala noxou Mosinge utotomu.

1 Timoti 2:7

Laso anene tava'u so musosovosilo so axali itema so alanu vaikalaou mo a aposeliou. Vaikala ano'o maninasi, akalavoi uasi. Anu mulosilo xaixai so avotone'i tamitema noale'ale no anu vaikala manina mo so ilopa­lanu.

2 Timoti 1:3

Eni alemolu laixe noxou Mosinge xo taleli uai laixe no iou so a'oxonu xaixai noxou aloxo ta'ilusuleli mi'oxonu tatei. Xe no anu vaivaikala ane alemolu noxou kakau olovoxo la utotomu axavuta­laneni so apilixineni kalumo.

Vilemoni 1:4

Eni loxo avikala noxou Mosinge la utotomu alavusou alemolu ualasine mo avikala laixesine noxou.