Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 1:8 - Ata New Testament

8 Ioxe, tei la avikalangengi aloxo 'o. A'alo so lopala noxinge a muxali no xale xale tuatuala mukalusi. A'alo anene muxali noxilo laso a'itinu Mosinge no anu ualasou Iesua Kalaisiti.

အခန်းကိုကြည့်ပါ။ ကော်ပီ




Lomu 1:8
25 ပူးပေါင်းရင်းမြစ်များ  

Apelototo­singe axone xo alavu lexe opongengi ututuluou vaikalaou Mosingesi. Mo vaikalasinge muia­veiave no tuatuala. Laso eni a'osa no anu xoluxolu noxinge anene. Ia amasaxa lexe ngalavu lamana no anu mi ma'ia laixe. Ia no anu mi ma'ia masua la uxolu no xavuta­lamengi uasi.


Eni alavusou axavutalangengi mo avikala laixe noxou Mosinge utotomu. Avikala laixe so iaiama mulosinge no anu vote'i e noxou Kalaisiti Iesua.


Ia eni a'itinu Mosinge ualasou noxinge, xo tatei la ngingi ngexolu tamitemaou susu mo so mupamu­xangengi. Ia mune'e xe Mosinge mupala'anixu vaikalaou noxinge la ngingi opongengi mukasou lexe manina.


Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.


La ngingi kalumo aloxo lavolavo'o ane uma­mauli xe no anu xavi noxou Ulenu Laixe la Mosinge a ututulusou tasou noxinge ne. Mo no anu vote'i anene anu mukalipalangengi lexe ngingi laili pilisiti noxou u'isalili. Laso Ulenu upamuxangengi so ngane'enu mo ngapilixinu mimi lexe noxou Mosinge xe anu u'osasou xo noxou Iesua Kalaisitisi.


Laso utotomu no anu ualasou Iesua la ta'itinu Mosinge ualasou. Xo loxo tavikala laixesou Mosinge no anu ananenge axone la tapilixinu mi vile noxou ane u'osasou.


Loxo nexi tavikalasinge noxou Mosinge e Tatananenge Iesua Kalaisiti Momu la utotomu tale­molu laixesinge noxou.


No anu mimi mukalusi axavu­talangengi no anu la avikalasinge laixe noxou Mosilo.


Ioxe, eni elomusou a'alosou lopala noxinge noxou Tatananenge Iesuasi. Mo elomu lexe ngingi tamitemaou Mosinge mu'isalili ngasexelangenge ngato'o.


Xe ilixo ulapu ane molu noxou Iesua Kalaisiti uxalixu nene'axu mo uana'ana noxinge. Mo so tamitema imaisou la itoxu Mosinge mo i'itinu ualasou.


Mo utotomu ngavikala laixe so mimi mukalusi ulai noxou Mosinge anu Maminge. Ngavikala no anu ualasou Tatananenge Iesua Kalaisiti.


Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.


Avikala manina aloxo 'o. Laixe so nenge tatemanu pita noxou Kalaisiti Iesua ta'itinu ualasou Mosinge voxovoxo utotomu ulai utalo uasi.


Anu itema vile noxi'a ualasou lexe Axavusi mutulu mo muvikala no anu xavi noxou Ulenu Laixe. Muvikala mupela'a lexe vitolo toxoxu uxali ili'i no xale tuatuala mukalusi. Nene'axu vaikalaou muxali ili'i no voxo loxo kingi vile noxi'a Talomu ualasou lexe Kalautiusi muxolu.


No voxo ne la Sisa Oxasitusi mu'oxonu voto vile mo mukalanu mulai no tuatula ane mu'uli laxunu ne. Mu'oxo lexe i'oxonu senisisi mo ino'u ualaualasi'a tatemanu mukalusi.


Nexi tamasaxa lexe talomusou oponeni u'isalili. Xo nexi talavu lexe tamitema no tuatuala isu'anu anaxa'asou laili alavua e muxali no tainenge nenge Taiuta.”


Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”


Ia alemolu laixe noxou Mosinge xo anu upamuxanexi aloxo 'o. Kalaisiti muua'uli no anu oto ka anu u'uli laxunexi 'o. Xe nexi taxixao taa'aloxu laso lavu­lavusou anu loxo mi tuma'u lailaixe ane sivo utavulenu uxalixu no tuatuala mukalusi.


Laso utotomu eni avikala laixe noxou Mosinge so vaikalasinge ne elomusou. Xe loxo avikala noxou Mosinge la alavusou alingau su'ulisinge.


Ioxe, nexi tavikalasinge laixe noxou Mosinge utotomu mo loxo tavikala axone la tamoxomo­xo'inge mukalusi noxou.


Ioxe, laso utotomu nexi tavikala laixe noxou Mosinge aloxo 'ola. Ngingi ngelomusou Mosinge vaikalaou noxixe la ngeno'u loxo tamitema vaikalai'a uasi. Ngela­mana no anu lexe anene vaikalaou Mosinge u'isalili ane. Xe ngelo­palanu laso maixene vaikala anene muxaxaisinge.


Ioxe tavivixe, utotomu nexi tavi­kala laixesinge noxou Mosinge. Laixe so ta'oxo axone xo telavu lexe lopala noxinge a uleleme mo sexela noxinge ngato'o mulo­lutusi.


Eni alemolu laixe noxou Mosinge xo taleli uai laixe no iou so a'oxonu xaixai noxou aloxo ta'ilusuleli mi'oxonu tatei. Xe no anu vaivaikala ane alemolu noxou kakau olovoxo la utotomu axavuta­laneni so apilixineni kalumo.


Eni loxo avikala noxou Mosinge la utotomu alavusou alemolu ualasine mo avikala laixesine noxou.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ