Lomu 1:7 - Ata New Testament

⁷ Laso lapasi ano'o ulai noxinge ngingi Talomu ane Mosinge muse­xelangenge mo mukalipalangengi lexe noxou mu'isalili. Masaxa noxilo lexe ngingi ngaxa­mulinu iaiama mo mamatola noxou Mosinge anu Maminge xe Tatana­nenge Iesua Kalaisiti.

Lomu 1:7 ပူးပေါင်းရင်းမြစ်များ

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Tioni 20:17

Xe Iesua muvikalane lexe, “Nasavunixo uasi xo eni alai teitexi noxou Mamilo uao. Ia nini nalai noxi'a tavivilo mo navikalane'i lexe eni a so alai teitexi noxou anu e Maminge nenge'a xe Mosinge nenge'a.”

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Ta'aposeli 9:13

Ia Ananaiasi mukolinu lexe, “Tata­naleli, eni elomusi'a tamitema tavu'alo ipitanu anaxa'aou itema anene. Ia'aloxu ilixo masumasua anu u'oxonu noxi'a tamitemameni u'isalili ne Ielusalemo.

Lomu 1:6

Mo ngingi ne, ngingi pa'usou noxi'a ane'i ane tepitane'i lexe tamitemaou Iesua Kalaisiti.

Lomu 5:1

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.

Lomu 5:5

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Lomu 8:28

Ioxe, Mosinge molu mu'ava­linge so taxali ta'olu no anu masaxa noxousi laso nenge tase­xelaxu. La talavu aloxo 'o. Mi ma'ia uxalisinge la Mosinge uxa­lixu nene'axu laixe no anu xoluxolu noxinge.

Lomu 9:25

Xo polopeti Osea mukauka­vunu Mosinge vaikalaou aloxo 'o, “Ane'i tami­tema ane tamitemaxeli uasi, la a'avali'a ane. Xe ane'i ane asexelaxa'a tei uasi, la asexelaxa'a ane.

1 Kolini 1:24

Ia nenge tami­tema Taiuta xe Takiliki ane telo­muxu ava noxou Mosinge la talavu. Talavu lexe xaviou mo lavulavu noxou Mosinge a noxou Kalaisitisi.

1 Kolini 16:23

Iaiama noxou Tatananenge Iesua a uxoxolu noxinge.

2 Kolini 13:14

Eni amasaxau lexe ngingi mukalusi ngaxamulinu iaiama noxou Tatananenge Iesua Kalaisiti xe sexela noxou Mosinge. Mo amasaxau lexe Ulenu Laixe u'oxonu opongengi uxolu vilesisi. Anu anesi.

Xalesia 6:18

Tavivilo, amasaxau lexe ngaxa­mulinu iaiama noxou Tatananenge Iesua Kalaisiti no anu ulengengi. Vaikala ano'o maninasi. Anu anesi.

Epesusi 1:2

Eni emasaxau lexe Mosinge anu Maminge ilou Tatananenge Iesua Kalaisiti iiaiama noxinge so ilosinge xoluxolu lalavulusi.

Epesusi 6:23

Tavivilo, eni avikala noxi'a Mosinge anu Maminge ilou Tata­nanenge Iesua Kalaisiti so i'oxonu opongengi uai se'isisi. Mo so pakia'inge no anu lopala noxinge mo ngasexelangenge ngato'o.

Pilipai 1:2

Eni amasaxau lexe ngaxa­mulinu iaiama ilou xoluxolu lalavulusi noxi'a Mosinge anu Maminge xe Tatananenge Iesua Kalaisiti.

Pilipai 4:13

Xo noxou anu ane ulavusou ulosilo xavi, la amo­momo no anu mimi mukalusi.

Pilipai 4:20

Laso nenge ta'itinu ualasou Mosinge e anu Mosinge xe Maminge ulai ulai mole utalo uasisi.

Pilipai 4:23

La amasaxau lexe ngaxamulinu iaiama noxou Tatananenge Iesua Kalaisiti no anu ulengengi. Anu anesi.

Kolosi 1:2

Takaukavunu ulai noxinge tamitemaou Mosinge mu'isalili ne Kolosi ane lopala noxinge pumuxu noxou Kalaisiti. Amasaxau lexe ngaxamulinu iaiama ilou xoluxolu lalavulusi noxou Mosinge anu Maminge.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

Kolosi 3:15

Mo ngapilixingengi mo so xoluxolu lalavulusi noxou Kalaisiti upamu­xanu opongengi. Xo anene tava'u so Mosinge mu'avalinge ngepita no anu vasimolu Kalaisiti. Mo ngaxolu no anu osa'ilasi.

1 Tesalonaika 1:1

Eni Polu xe Sailasi xe Timoti a. Nexi takaukavunu lapasi ano'o ulai noxinge tatemanu pita ne Tesalonaika. Ngingi ne ngaxolu noxou Mosinge anu Maminge xe noxou Tatananenge Iesua Kalaisiti laso eni amasaxau lexe ngingi ngaxamulinu iaiama mo xoluxolu lalavulusi noxi'a.

1 Tesalonaika 1:3

Tavivi­kala noxou Mosinge anu Maminge la talemolu osa xo talavusou xoluxolu noxinge aloxo 'o. Ngelopalanu Mosinge laso muxa­lixu ili'ilixo laixe, xe ngasexelangenge ngato'o laso sasaienge no anu xaixai so su'uli xe ngalopalanu ngaxomaiou lailivu noxou Tatananenge Iesua Kalaisiti laso ngaxolu pumu­ngenge.

1 Tesalonaika 1:4

Xo tavivixe, nexi telavu lexe Mosinge usexelangenge mo musosovosinge lexe ngingi tanoxou mu'isalili.

1 Tesalonaika 4:7

Mosinge mu'avalinge so tamulinu ili'ilixo nuni'u axone uasi. Mu'avalingexu xoluxolu malemalengasi.

1 Tesalonaika 5:28

Iaiama noxou Tatananenge Iesua Kalaisiti a uxolu noxinge ne. Anu anesi.

2 Tesalonaika 1:2

Laso eni amasaxau lexe ngingi ngaxolu no anu iaiama mo xoluxolu lalavulusi noxi'a.

2 Tesalonaika 3:16

Tatananenge anu tava'u xolu­xolu lalavulusi molu usu'ulingengi mo so mi ma'ia uxali la opongengi uai se'isisi. Tatananenge ne a uxoxolu noxinge vilevilesi ne.

2 Tesalonaika 3:18

Iaiama noxou Tatananenge Iesua Kalaisiti a uxoxolu noxinge mukalusi. Anu anesi.

1 Timoti 1:2

Eni akaukavunu lapasi ano'o ulai noxine Timoti. Nini loxo alixeli manina no anu lopala xo eni melo evotoneni. Eni amasaxau lexe nini naxamulinu iaiama mo mamatola mo xoluxolu lalavulusi noxou Mosinge anu Maminge ilou Kalaisiti Iesua anu Tatananenge.

1 Timoti 6:2

Xe tamitema tasilevi ane tatanane'i Mosinge ta'olu kalumo la mamu so i'oxo lexe, “Ai, anene vivilo no anu lopalasi, laso eni alomuxu to uasi.” Ivikala axone uasi, ivikala aloxo 'o. “Eni masi xavileliou xaixai noxou vivilo 'o so asu'ulinu. Eni asexelaxu xo anu kalumo ulopala noxou Tatana­nenge ane.” Vaikala ano'o navotone'i Mosinge ta'olu mo napelototosi'a laixe no anu.

2 Timoti 1:2

Eni akaukavunu lapasi ano'o ulai noxine Timoti, nini na'alixeli ane asexelaxene misevile. Eni amasa­xau lexe nini naxamulinu iaiama mo mamatola mo xoluxolu lalavu­lusi noxou Mosinge anu Maminge ilou Kalaisiti Iesua anu Tatana­nenge.

2 Timoti 4:22

Tatananenge a uxolu no anu uleneni xe iaiama noxou usu'asinge ne mukalusi. Anu anesi.

Taitusi 1:4

Lapasi ano'o ulai noxine nini Taitusi. Lopala na'a nenge vilesisi mo nini na'alixeli no anu lopala ne. Eni amasaxau lexe nini naxamulinu iaiama mo xoluxolu lalavulusi noxou Mosinge anu Maminge ilou Kalaisiti Iesua anu Mosou Pamauli noxinge.

Vilemoni 1:25

Eni amasaxau lexe ngaxamu­linu iaiama noxou Tatananenge Iesua Kalaisiti no anu tangengi mukalusi ne. Anu anesi.

Vilemoni 1:3

Nexi tamasaxau lexe ngaxamulinu iaiama mo xoluxolu lalavulusi noxi'a Mosinge anu Maminge ilou Tatananenge Iesua Kalaisiti.

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

1 Pita 1:15

Xo Mosinge e mu'avalinge ne anu malemalengasi laso ngingi kalumo ngaxolu malemalenga no anu ilixomengi mukalusi.

1 Tioni 3:1

Ai ngamalei no anu sexela tatila toe Maminge musexelanenge no anu. Xo anu Mosinge ia mumo­xo'inge lexe nenge 'o a Mosinge ta'olusi. La mi ne manina misevile, xo nenge ta'olu a. Laso maixene tatemanu lialia tane'ililiinge mo ilavusinge uasi xo ilavusou Mosinge uasi.

2 Tioni 1:3

Nenge'a taxolu no anu vaikala anu temanu manina ne ilou sexela laso Mosinge anu Maminge ilou Iesua Kalaisiti e Maminge Olu ixalixu iaiama xe alauna xe xoluxolu lalavulusi no anu mauli na'a nenge.

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.

Mupala'a 2:12

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Pelexamumi. Eni ane laviso anaxu xalevile tamei ula no anaxo 'o. Akalanu vaikala ano'o ulai noxinge.

Mupala'a 2:18

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Taiataila. Eni Mosinge Olu a. Eni ane ieli kaxu a loxo navu mo tava'ilo loxo valasi ane mi'elaxu mo so axexaxu. Akalanu vaikala ano'o ulai noxinge.

Mupala'a 2:29

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pita­pita.”

Mupala'a 2:8

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Semelena. Eni ane tei xe eni kaluxu uasi a. Eni ane esoli ka emauli mo a axoxolu 'o. Akalanu vaikala ano'o ulai noxinge.

Mupala'a 22:21

La amasaxau lexe ngingi mukalusi ngaxamulinu iaiama noxou Tatana­nenge Iesua. Manina misevile. Anu anesi.

Mupala'a 3:14

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.

Mupala'a 3:22

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.