Lomu 1:3 - Ata New Testament

³ Vaikala laixe ne, so upala'anixu Olu. Anu Olu ne, anu itema manina xo anu ilusunu Teviti.

Lomu 1:3 ပူးပေါင်းရင်းမြစ်များ

Matiu 1:1

Ioxe, ano'o nanasou Iesua Kalaisiti. Iesua anu ilusunu Teviti xe Teviti anu ilusunu Apala'amu.

Matiu 1:16

La Iakovo muxalixu Iosepu e Malia mulue. Ioxe, Malia ne mivo'onu ilie Iesua. Iesua ne tamitema ilemolu lexe Kalaisiti xo anu Itema so pamauli e Mosinge musoso­vosou.

Matiu 1:6

Iesi muxalixu kingi Teviti. Teviti muxalixu Solomoni. Solomoni nenu e mitaula'i tei noxou Iulaia.

Matiu 12:23

Sila tamitema latala mikulukemolu mo tane'ilili lexe, “Itema ano'o masi Teviti Ilusunu, ne?”

Matiu 15:22

La sema vile so laili noale'ale e ne Kenani ane mila­vusou ixoxolu ne mine'e noxou. Mine'e la mi'ava'ava lexe, “Tatilao, nini Ilusunu Tevitio, naiaima noxilo. Xo angelo masua mukasie alixeli mo i'oxone masua manina.”

Matiu 26:63

Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”

Matiu 27:43

Xo mulopala noxou Mosinge la mu'oxo lexe anu Mosinge Olu. Ioxe loxo Mosinge u'osasou la upamaulinu ane.

Matiu 3:17

Sila xoli vile molu no loxotolo mulu'e lexe, “Ano'o eni alixeli asexelaxu ane. Eni a'osasou misevile.”

Matiu 9:27

Ioxe, ili'i la Iesua mulutu mo mumuamua'i mulai. La tamitema tamei ie'i mutomu mimulinu xe mi'ava noxou lexe, “Nini ilusunu Tevitio, naiaiama noxixe.”

Luku 1:35

La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Luku 1:69

No anu laili noxou itemaou Teviti anu mutulusou itema xavinu so upa­mau­linenge.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Tioni 1:34

Xe eni melo emasiou mo a alalanu vaikala so apala'anixu lexe anu ano'o Mosinge Olu.”

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 10:30

La nexi noxou Maminge a vilesisi.”

Tioni 10:36

Ia eni 'o, la Maminge molu mukalipalaleli no anu xaixai e mupalusiloxu ene'e no lialia 'o. Laso loxo eni avikala lexe eni Mosinge Olu a, la axova so nga'oxo lexe eni avila'isou Mosinge ualasou?

Tioni 20:28

Sila Tomasi muvikalanu lexe, “O, nini Tata­naleli mo nini Mosilosi.”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 5:25

Eni avikalangengi manina e manina aloxo 'ola. Voxo a unene'e mo a muxali 'oe so tamitema ane ixoxolu no anu solisi la ilomusou xolinu Mosinge Olu. Ilomusou xe ta'ei noxi'a ilomuxu la imaulisi.

Tioni 7:42

Xo vaikala no anu lavukou Mosinge muvikala lexe anu ane so Kalaisiti loxo uxali la anu ilusunu Teviti mo anu itema so tuala Peteliemu e nunisou Teviti.”

Ta'aposeli 2:30

Ia anu Teviti ne anu polopeti, mo mulavu lexe Mosinge mulemolu vavalima tu'umaxu noxou lexe ili'i la anu utulusou ilusunu vile no anu tanixu kingi.

Ta'aposeli 3:13

Ngalo­mu. Mosinge e Mosi'a Apala'amu xe Aisaki xe Iakovo xe ta'ilusu­nenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau.

Ta'aposeli 8:36

La ane'i a ilalai no vote'i xe mixali no lexa la itema tila ne muvikalanu Pilipi lexe, “Namalei, lexa ano'o. Mi vile u'apinenge so na'oxonu ilixo so kelele noxilo uasi, ne?”

Ta'aposeli 9:20

Ia no voxo ane Ananaiasi muxali noxou la Sauli musoko'u so uvotovoto no anu tatasou lavuloto. Anu muvotovoto lexe Iesua anu Mosinge Olu.

Lomu 1:9

Eni asexelaxu Mosinge misevile mo xavileliou xaixai mulosilo. Xaixai anene so alanu vaikala laixe so Olu. Anu ulavusou opoleli lexe ututulu noxingesi.

Lomu 4:1

Ilusunenge Apala'amu ne, anu itema loxo nenge 'o. Laso nenge tavikala axova noxou?

Lomu 9:3

Ata­tamasi'a tavivilo ane no anu vasimexe. Xo aloxo 'o, loxo vote'i, la amasaxa lexe ane'i ino'u tanixo noxou Kalaisiti mo eni axalisou kalipala no navu. Ia uasi, vote'i vile so akalipala noxou Kalaisiti uasi.

Lomu 9:5

Muvavalima tei noxi'a ta'ilusu­ne'i Apala'amuena. La Kalaisiti muxali itema xo nenu mivo'onu no anu laili anene. Mivo'onu la Kalaisiti ne anu Mosinge ane Mu'uli'uli Avile, laso ta'itinu ualasou ulai utalo uasi.

1 Kolini 1:9

Xo talavu lexe Mosinge uxiunu oponu uasi. Mo mi ne noxoumo, xo anu molu mu'avalinge so ta'una no anu xoluxolu noxou Olu Iesua Kalaisiti anu Tatananenge.

1 Kolini 10:18

Mo aloxo 'o kalumo. Ngaxavu­talane'i Ta'isilaeli. Ane'i mi'ani no anu misoposi ane mi'elaxu no tanixu navu so ulai noxou Mosinge. Mi'ani axone la no anu vote'i anene mipita vilesisi noxou Mosinge.

Xalesia 4:4

Ia loxo voxo e Mosinge musosovosou u'isalili muxalii laso ane, mupalusou Olu. La sema vile mivo'onu kaio muxolu no laxu lo.

1 Tesalonaika 1:10

Mo ngaxolu ngaxomaiou lailivu noxou Olu. Olu Iesua e musoli ka Mosinge mutulusou mupamaulinu mo a uxoxolu no tualasou. Ngaxo­maiou lailivu noxou xo anu so u'umenenge no anu la'ia noxou Mosinge e upala'a ili'io.

1 Timoti 2:5

Xo manina, Mosinge vilesisi. Mo itema vilesisi so utulu mo ukalusou la'ia no tainenge nenge tamitema xe Mosinge. Itema vilesisi ne a Kalaisiti Iesuasi.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

2 Timoti 2:8

Ioxe, utotomu taneniou ilusunu Teviti e Iesua Kalaisiti anu ane musoli ka mutulu mumauli, aloxo eni alavusou alemolu no anu vaikala laixe e alalanu.

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

1 Tioni 3:23

Xo voto noxou aloxo 'o. Nenge talopala noxou Olu Iesua Kalaisiti mo tasexelanenge ngato'osi no anu vote'i e muvotonengexu.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

1 Tioni 4:15

Laso loxo itema upala'anixu oponu lexe Iesua anu Mosinge Olu, la anu upalasi lexe Mosinge uxolu utalupexa nonano noxou mo anu uxolu utalupexa nonano noxou Mosinge ane.

1 Tioni 5:1

Ioxe, tamitema ane ilopala lexe Iesua anu ane Mosinge musoso­vosou lexe Kalaisiti, la ane'i Mosinge ta'olu ane. Xe aloxo 'o, loxo evile usexelaxu itema vile la anu usexelaxa'a ta'olu kalumo.

1 Tioni 5:20

Mo telavu aloxo 'ola. Mosinge Olu mune'e mukalu kaio mulama­naninenge so talavusou Mosinge maninasou. La nenge a taxolu nonano noxou Mosinge xe noxou Olu Iesua Kalaisiti. Anu ne Mosinge maninasou xe tava'u mauli kaluxu uasi.

1 Tioni 5:5

Ani, ena'eisi ane so uua'ulixu xavi no anu lialia? A itema e ulopala manina lexe Iesua anu Mosinge Olusi.

2 Tioni 1:7

Ngalomu, tamitema so i'oxo lolo tavu'alo to a ixixaoxao no xale tuatuala mukalusi. Xo Iesua Kalaisiti mune'e no lialia no anu vasimolu ia tamitema ane xo ne vaikalai'a upala'anixu mi ne uasi. Itema axone anu itema so u'oxo lolo xe anu xililiou Kalaisiti ane.

Mupala'a 2:18

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Taiataila. Eni Mosinge Olu a. Eni ane ieli kaxu a loxo navu mo tava'ilo loxo valasi ane mi'elaxu mo so axexaxu. Akalanu vaikala ano'o ulai noxinge.