Kolosi 4:3 - Ata New Testament

³ La ngapilixinexi noxou Mosinge kalumo mo so anu ukisinu vote'isixe la talanu vaikalasou Kalaisiti. Vaikala ne mutalume tatei la vaimomo 'o a mupala'a 'o. Ia leviani ixililiou laso maixene akalavususou 'o.

Kolosi 4:3 ပူးပေါင်းရင်းမြစ်များ

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Kolosi 1:26

Vaikala ne tatei la muxolu mutalumexa'a tatemanu lailaili mukalusi no lialia. Ia vaimomo 'o a muxolu mupala'a no ie'i tamitemaou Mosinge mu'isalili.

2 Kolini 2:12

Ioxe, no voxo loxo ene'e ne Toloasi so alanu vaikala laixesou Kalaisiti la Tatananenge mukisinu aitengasilo so exaxai ne.

2 Timoti 2:9

Alalanu la anenesi tava'u so tamitema ilosilo tu'utu'umaxu. Ilosilo tu'u­tu'uma­xusou mole mikalavusuleli aloxo eni alasikelisi. Ia mi vile uasi, xo imomomo so ikalavusunu vaika­laou Mosinge uasisi.

Pilipai 1:7

Ngingi ngaxolu no anu e'eleli 'o laso anu laixe so axavutalangengi axone. Xo Mosinge muiaiama noxilo so axolu akalavusu 'o xe so a'oxonu latolo mo avalaxu vaikala manina. La ngingi nge'una so ngava'isuleli no anu mukalusi.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

1 Kolini 16:9

Axolu se 'o xo Mosinge mu'oxonu vote'i so a'oxonu xaixai tatila no taine'i Ta'epesusi. Ia tamitema so xilili tavu'alo to!

1 Kolini 4:1

Ioxe, ngingi masi ngaxavuta­lanexi no anu vote'i aloxo 'o. Nexi tamitema so xaixai noxou Kalaisiti. Anu mupilixinu vaikalasou pileni noxou Mosinge ane mutalume tatei noxixe so tavu'ulinu.

1 Tesalonaika 5:25

O tavivixe, ngapilixinexi noxou Mosinge so usu'ulinexi.

Matiu 13:11

La anu muvika­lane'i aloxo 'o, “Vaikala so voxo ane Mosinge molu u'uli laxune'i tamitemaou no tualasou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a levianila uasi.

Vilemoni 1:22

Ia mi vile so alemolu aloxo 'ola. Lopala noxilo lexe Mosinge ulomuxu vaikalamengi so ngapilixileli noxou la u'italoleli alivu ane'e noxinge. Laso nalalaxinu ngiou vile no tasine so aai no anu.

Pilipai 1:19

Ia utotomu ngingi ngalingau su'ulisilo noxou Mosinge mo Ulenu Iesua Kalaisiti a usu'ulileli. Laso eni alavu manina lexe eni masi amauli mo ala no lakalavusu 'o.

2 Timoti 1:16

Ia loxo noxou Onesivolusi, la eni alinga noxou Tatananenge lexe anu u'oxonu alauna noxi'a oli'a tatemanu tasou. Xo alaxu tavu'alo anu Onesivolusi ne mune'e mu'oxonu taleli muai laixe mo anu umailamulileli so akalavusu 'o uasi.

Epesusi 3:1

Ioxe, mo eni 'o exixao no tuatuala so e'oxonu xaixai noxou Kalaisiti Iesua so evotongengi ngingi tamitema noale'ale. Evotongengi axone xe Taiuta la'iaxa'ailo laso maixene akalavususou 'o.

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

Epesusi 3:3

Mi ne Mosinge mulalaxinu oponu tatei lexe u'oxonu. Mulalaxinu ia mutalumeusi. Ia vaimomo 'o anu molu mupala'anixu noxilo a loxo ea'aloxu sevile mukalu 'oe.

Epesusi 3:4

Laso loxo nga'itisou vaikala ano'o la ngalavu lexe vaikala so xaixai noxou Kalaisiti e mutalume ne, a mupela'iloxu 'o.

Epesusi 3:9

Xo tatei Mosinge e mukoinu mimi mukalusi ne, mulalaxinu oponu so lexe u'oxonu mi vile ili'io. Mulalaxinu oponu axone ia mutalumeusi. Mutalumeu ia vaimomo 'o mulosilo xaixai so apala'anixu mi ne avile.

Kolosi 4:18

Eni Polu melo akaukavunu aso noxinge no avolo 'o. Ngingi tangengixo xo eni axolu no lakalavusu 'osio. Eni amasaxau lexe ngaxamulinu iaiama noxou Mosinge. Anu anesi.

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.