Kolosi 2:3 - Ata New Testament

³ Xo vaikala mo lavulavu mu'asi'asi mukalusi uta'olu noxou Kalaisiti aloxo itema mimiou lailaixe mo lamoliou uai utalume no anu kesisou.

Kolosi 2:3 ပူးပေါင်းရင်းမြစ်များ

Matiu 10:26

Mo muvikala aloxo 'ola, “Mamu so nga'ume'a tamitema ane ilo­singe tu'umaxu. Xo mimi ma'ia tamitema isilavunu la anu ulama­nasi, xe mimi ma'ia italumeu la anu upala'asi.

Luku 11:49

Laso lavulavu u'asi'asi noxou Mosinge muvikala aloxo 'o, “Eni apalusi'a tapolopeti oli'a ta'aposeli ilai noxi'a. Ilai ia tamitema i'oxonu masua noxi'a se'i mo se'i la ive'a isoisoli.

Lomu 11:33

Ai takuluke manina. Lavula­vuou Mosinge mulolutu mo mu'asi'asi musuku. Nenge taxa­lisou tava'u axova? Tamulinu tamulinu la anu loxo lautu misevile, taxalisou laxu avile uasi.

1 Kolini 1:24

Ia nenge tami­tema Taiuta xe Takiliki ane telo­muxu ava noxou Mosinge la talavu. Talavu lexe xaviou mo lavulavu noxou Mosinge a noxou Kalaisitisi.

1 Kolini 1:30

Xo Mosinge molu mumulangenge noxou Kalaisiti Iesua. Mo anu anusisi vote'isinge so texalisou lavulavusou Mosinge ane u'asi'asi. Mo noxou Kalaisitisi Mosinge muxalinenge tamalema­lenga mo ukalipalanenge lexe nenge tanoxou mu'isalili. Xo no anu xaixai noxou Kalaisitisi la anu mulotonenge mo mu'ume­nenge no anu mi e mukalavusunenge tei.

Epesusi 1:8

Mosinge muxotatao­nenge no anu iaiama noxou. Anu lavulavuou mo xavutalaou mise­vile.

Kolosi 1:19

Xo Momu mu'osa manina so temanu xoluxoluxu loloni uxolu uana'ana noxou Olu ne.

Kolosi 1:28

Laso nexi talanu vaikalasou Kalaisiti noxi'a tamitema vilevilesi mukalusi. Xe tapelototosi'a mo tavotone'i no anu vaikala mu'asi'asi loloni. Mo so loxo tatulusi'a no iou Mosinge la xoluxoluxa'a noxou Kalaisiti ulomotelesi.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

Kolosi 3:16

Xe nga'ita­longengi so vaikalaou Kalaisiti uxolu upalava no tangengi. La ngingi vilevilesi ngavotongengi mo ngapelototo­singe ngato'o no anu vaikala mu'asi'asi. Xe ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe ane Ulenu u'avutinoxu no opongengi so ngavikala laixe noxou Mosinge.

Kolosi 3:3

Xo ngingi ne ngesoli ane, laso mauli noxinge a uxolu utalume nonano noxou Kalaisiti mo a ngapita noxou Mosinge.

2 Pita 1:5

Laso maixene noxinge, la xavingengi so ilixo laixe ukei ilou lopala noxinge mo lavulavu laixe ukei ilou ilixo laixe.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”