Iuti 1:3 - Ata New Testament

³ Ioxe tamaula, eni opoleli mutu­tulu lexe akaukavu ulai noxinge so usu'ulinu xavutalamengi no anu pamauli ane nenge nenge'a texa­lisou mukalu. Ia examulinu lexe eni masi akaukavunu vaikalasou ngiou vile aloxo 'o kalumo. Amasaxau a'avutinixinge so ngasoa pakia'u mo ngautululunu lopala na'a nenge. Vaikala so lopala anene Mosinge mupilixinu loloni noxinge tamite­maou mu'isalili mo ili'i la uxiunu o usolonu no latanu la uasisi.

Iuti 1:3 ပူးပေါင်းရင်းမြစ်များ

Ta'aposeli 17:3

Mupalapala­sinoxu lexe anu ane so Kalaisiti la vote'i vilela uasi, vote'i so upamau­linenge vilesisi ane so mutavulenu navunavu mo musoli xe mutulu no anu soli. La Polu muvikala lexe, “Iesua ane eni avotongengixu 'o, anu ane so Kalaisitisi.”

Ta'aposeli 18:28

Musu'uline'i xo anu pakia'u mo mukasi'a Taiuta no anu vaikala no taine'i tamitema latala. Mukasi'a mo mupalasinoxu lexe Iesua anu Itema so Pamauli ane lavukuou Mosinge a ulelemolu 'o.

Ta'aposeli 20:27

Xo eni avovoxo so apala'anixu Mosinge oponu loloni noxinge uasi, opoleli mututulu no anu mi nesi.

Ta'aposeli 28:28

Polu mulemolu vaikalaou polo­peti mukalu la musolonu aloxo 'o, “Laso ngingi ngalamana, vaikala laixe so pamauli noxou Mosinge anu mukalanu noxi'a tamitema noale'ale. Xe ane'i ilomusou la ilomuxu.”

Ta'aposeli 4:12

Tava'u pamauli vilela uasi. Nenge tamitema no lialia 'o Mosinge mulosinge uala vilesisi so tano'u mauli no anu. Uala e noxou Iesuasi.”

Ta'aposeli 6:7

Ioxe, laso vaikala noxou Mosinge musukusuku la navasi'a tamitema so lopala ne Ielusalemo mutiatila e mutiatila manina. Mo tapilisiti tapiena kalumo milomuxu Mosinge vaikalaou mo milopala.

Ta'aposeli 9:13

Ia Ananaiasi mukolinu lexe, “Tata­naleli, eni elomusi'a tamitema tavu'alo ipitanu anaxa'aou itema anene. Ia'aloxu ilixo masumasua anu u'oxonu noxi'a tamitemameni u'isalili ne Ielusalemo.

Ta'aposeli 9:22

Ia Tatananenge mulosou xavi, mo mulemolu vaikala tu'umaxu noxi'a Taiuta so tuala Tamasikusi ne. Mupala'anixu lexe Iesua anu ane so Kalaisiti. Mupala'anixu axone mo vaikalaou tu'umaxu laso ane'i imomomo so ikoli uasi.

1 Kolini 15:3

Ioxe, vaikala mutiatila manina ne mose'i mia'aloxeli tei mukalu laso eni epilixinu noxinge. Vaikala ne aloxo 'o. Kalasiti musoli so muka­lusou tina'unenge so susu aloxo Mosinge vaikalaou ulemolu.

Xalesia 2:5

Ia nexi ta'italonexi so ipamuxanexi sevile no anu uasisi. Nexi pakia'ixe manina axone mo so vaikala laixe anu temanu maninasi e ngeno'u ne la uxolu axonesi, uxiu uasi.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Xalesia 6:11

Ngamaisou vaikala pa'usou ano'o ne kaukavusou toxotoxoxu 'o, eni melo akaukavunu a.

Epesusi 1:1

Eni Polu a. No anu masaxa noxou Mosinge la anu mutulusilo so lexe eni a aposeliou Kalaisiti Iesua. Eni akaukavunu lapasi ano'o ulai noxinge tamitemaou Mosinge u'isalili ne Epesusi. Ngingi ne ngaxolu noxou Kalaisiti Iesua mo lopala noxinge ututulu noxousi.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Pilipai 1:27

Ioxe, mi e mutiatila aloxo 'o. Xoluxolungenge laixe umomomo no anu vaikala laixe so Kalaisiti. Laso loxo ane'e amaisinge o loxo alomusou a'alosingesi la alavu manina lexe ngingi ngaxolu tangengi pumuxu mo vilesisi. Xe masaxa noxinge upita ka ngasoa vilesisi so ngalapune'i tamitema ilopalanu vaikala laixe nesi.

Kolosi 1:2

Takaukavunu ulai noxinge tamitemaou Mosinge mu'isalili ne Kolosi ane lopala noxinge pumuxu noxou Kalaisiti. Amasaxau lexe ngaxamulinu iaiama ilou xoluxolu lalavulusi noxou Mosinge anu Maminge.

1 Tesalonaika 2:2

La ngelavu lexe texolu ne Pilipai mala'o mine taxali noxinge uao la ane'i milosixe tu'umaxu mo tetavulenu navunavusou. Tetavu­lenu navusou ia texali noxinge la Mosixe mu'oxo pakia'ixe mo ta'ume uasi. Xilili mu'oki ia pumunexe so telanu vaikala laixe noxou Mosinge.

1 Timoti 1:18

Ioxe, alixeli Timoti, eni apelo­totosine u'isalili no anu vaikala so pela'a milemolu tatei so ma'ia uxali no anu xoluxolu noxine. Natulu pakia'ine no anu oto so ulenenge mo nasoa so naua'ulixu mi ma'ia uxililiou lopala noxine.

1 Timoti 6:12

No anu sipoti la tamosou isoa so lexe ena'ei uuini. Ioxe no anu lopala noxine la xavineniou axone mo so mi vile uua'ulixene uasi. Xo mala'o nini nevikala laixe so nepala'anixu lopala noxine no ie'i tamitema latala. Laso natulu pumuxene no anu xoluxolu kaluxu uasi e Mosinge mu'avalinexu ne.

2 Timoti 1:13

Timoti, nini taneniou vaikala lailaixe ane nelomusou noxilo la navulunu noxi'a tamitema axonesi. Mo nalanu no anu lopala ilou sexela ane taxalisou noxou Kalaisiti Iesua.

Taitusi 1:4

Lapasi ano'o ulai noxine nini Taitusi. Lopala na'a nenge vilesisi mo nini na'alixeli no anu lopala ne. Eni amasaxau lexe nini naxamulinu iaiama mo xoluxolu lalavulusi noxou Mosinge anu Maminge ilou Kalaisiti Iesua anu Mosou Pamauli noxinge.

Ipilu 13:22

Ioxe, atama noxinge lexe ngalomuxu pelototo no anu lapasi ekaukavunu 'o xo alapunu veveni malaxo uasi.

Ipilu 6:9

Tamaula, nexi telemolu vaikala ialuxu ano'o la masi muto'omenge. Ia nexi talopala lexe mi axone uxali noxinge uasi, xo no oponexi taxamulinu lexe nene'axu pamauli manina uxali no anu xoluxo­lungenge ne.

1 Pita 5:12

Sailasi musu'ulileli no anu lapasi 'o xo eni elemolu vaikala kaio anu mukaukavunu. Eni emaisou vivinge 'o lexe usaxila'u laixe xaixai ma'ia tapilixinu noxou. No anu lapasi ataxu se 'o la emasaxau apelototosinge mo avikala lamana no anu iaiama maninasou noxou Mosinge. La emasaxau a'avutinixinge lexe ngatulu pumungenge no anusi.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

2 Pita 2:21

Anu masi laixe loxo ilavusou vote'i so taxali talapu no iou Mosinge uasi. Xo loxo 'o io ilavusou ia ixiunu tumali'aou votovoto malemalenga e milomusou ne.

Iuti 1:1

Eni Iuti a. Eni amitema so xaixai noxou Iesua Kalaisiti mo eni avimou Tiemisi a. Eni akaukavunu lapasi ano'o ulai noxinge tami­tema ane Mosinge molu mu'ava­linge. Ngingi ne Mosinge anu Maminge usexelangenge misevile xe Iesua Kalaisiti a u'oxo lato­losinge.

Iuti 1:17

Ia tamaula, loxo noxinge la tangengiou vaikala ane ta'apo­seliou Tatananenge Iesua Kalaisiti mile­molu lumamo so lexe mi ma'ia uxali.

Iuti 1:20

Ia tamaula, loxo noxinge la nga'italongengi mo so lopala laixe noxinge uxalixu lemengenge. Mo ngapilixingengi noxou Ulenu Laixe so upamuxangengi no anu vaikala e ngalemolu noxou Mosinge.

Mupala'a 12:11

Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.