Iuti 1:1 - Ata New Testament

¹ Eni Iuti a. Eni amitema so xaixai noxou Iesua Kalaisiti mo eni avimou Tiemisi a. Eni akaukavunu lapasi ano'o ulai noxinge tami­tema ane Mosinge molu mu'ava­linge. Ngingi ne Mosinge anu Maminge usexelangenge misevile xe Iesua Kalaisiti a u'oxo lato­losinge.

Iuti 1:1 ပူးပေါင်းရင်းမြစ်များ

Matiu 10:3

Mo Pilipi xe Patolomiu xe Tomasi xe Matiu e itema so utaxusou taxisi xe Tiemisi e Alipiusi olu xe Tatiusi.

Matiu 13:55

Ano'o ne telavusou. Anu kapenita olusi to! Anu nenu ne Malia. Xe tavimo­vimou a Tiemisi xe Iosepu xe Saimoni xe Iutasi, ne?

Maki 3:18

Xe Anitilu xe Pilipi xe Patolomiu xe Matiu xe Tomasi xe Tiemisi e Alipiusu olu xe Tatiusi xe Saimoni anu so laili noxi'a Taseloti.

Maki 6:3

Ano'o ne telavusou. Anu kapenitasi to! Anu Malia ilie. Nenge telavusi'a tavimovimou e Tiemisi xe Iosepu xe Iutasi xe Saimoni. Xe tavimo­vimou tasema a nenge'a taxolu 'osi.” Ane'i mivikala axone la opone'i masuaou.

Luku 6:16

Xe Iutasi anu Tiemisi olu mo Iutasi Isikalioti e itema ane so upilixinu Iesua no avo'a tauluaou.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Tioni 14:22

Iesua muvikala axone la Iutasi vilemo, ane Isikalioti uasi, muta­li'isou lexe, “Tatananexi, axova so nini napala'anixene noxixe 'o io noxi'a tatemanu lialia la uasio?”

Tioni 15:16

Ngingi ngailouleli uasi, eni melo eiloungengi ane. Xe mukalu la esosovosinge so lexe ngingi ngalailai mo ngaxalixu nene'axu ane so uxolu avile. Laso loxo mi ma'ia ngalingau noxou Maminge no anu ualasilo la anu ulosingesi.

Tioni 17:15

A eni alinga lexe nini naxexene'i no anu lialia avile uasi, ia mi e alingausi'a ane so nalaxa'ine'i noxou mosou susu olele.

Tioni 17:17

Laso na'isalilinoxu vaikala anu temanu manina noxi'a mo so no anu vote'i anene la nakalipalane'i lexe tamitemameni mu'isalili. Vaikala anu temanu manina ne a vaikalamenisi ane.

Tioni 17:19

Eni ekalipalaleli mo so emulinu masaxa noxine u'isalili. E'oxo axone xo opoleli mutului'a lexe no anu vote'i e so vaikala anu temanu manina nesi la ane'i kalumo ikalipala ixali tamitemameni mu'isalili.

Tioni 6:39

La masaxa noxou anu ane mupalusilo ene'e ne aloxo 'o. Ane'i mukalusi ane mupilixine'i noxilo la a'italonu soxu vile ka ulusi uasi, atetelisi'a xo mo uxali no anu kaluxusou voxo olele, la atulusi'a imauli mukalusi.

Ta'aposeli 1:13

Ane'i mixali no tani la mitelai no anu ngiou tameisou teitexi ane mixoxolu no anu. La ualaualasi'a aloxo 'o. Pita xe Tiemisi xe Tioni xe Enitilu xe Pilipi xe Tomasi xe Patolomiu xe Matiu xe Tiemisi ane Alipiusi olu xe Saimoni ane so laili Seloti xe Iutasi Tiemisi olu.

Ta'aposeli 20:32

Ia vaimomo 'o apilixingengi no avolu Mosinge. Xo amasaxau so opongengi ututulu no anu vaika­lasou iaiama noxousi. Xo anenesi umomomo so u'oxo pakia'inge. Xe ili'i la Mosinge molu ulosinge mimi lailaixe. Anu ulosinge nenge ane musosovosinge lexe tamite­maou u'isalili.

Ta'aposeli 27:23

Eni amitemaou Mosinge mo eni alavusou a'itinu ualasou. Vaimomo 'o no olovoxo la angelou mutulu no pa'umelo mo muvikala lexe,

Lomu 1:1

Eni Polu a. Eni amitema so xaixai noxou Kalaisiti Iesua. Anu molu mutulusilo so axali aposeliou mo musosovosilo so alanu vaikala laixe noxou Mosinge.

Lomu 1:6

Mo ngingi ne, ngingi pa'usou noxi'a ane'i ane tepitane'i lexe tamitemaou Iesua Kalaisiti.

Lomu 16:18

Xo ane'i anene tamitema so xaixai noxou Tatananenge Kalaisiti uasi. Ane'i imulinu masamasaxa no anu vasime'asi. Mo ane'i ilavusou ivikala laixe mo ixilisine'i ane'i ane itilovo laixe uasi.

Lomu 6:22

Ia vaimomo 'o Mosinge mu'umengengi no anu xavinu susu mo muxalixinge tamitemaou. Vaimomo 'o anu molu upamuxangengi so nga'oxonu ili'i­lixo ane no anu masaxa noxou mu'isalili. Laso nene'axu axova? Aloxo 'o. Anu molu ulosinge mauli kaluxu uasi.

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

1 Kolini 1:2

Lapasi ano'o so ulai noxinge no anu pita noxou Mosinge no tuala ne Kolini. Ngingi ane mu'avalinge mo mupitangengi noxou Kalaisiti Iesua. Mupitangengi laso mukali­pala­ngengi lexe ngingi tanoxou mu'isa­lili. Ngingi ngoli'a tatemanu tuatuala aneva ilavusou i'itinu ualasou Tatananenge Iesua Kalaisiti. Anu Tatanane'i xe Tata­nanenge.

1 Kolini 6:11

Ai, tatei ngingi mose'i xoluxolungenge axone kalumo. Ia Mosinge molu mu'ulosinge mo mukalipalangengi lexe ngingi tamitemaou mu'isalili. Ulenu Mosinge muxaxaisinge mo ngingi a ngatavulenu ualasou Tata­nanenge Iesua. Laso maixene Mosinge umoxo'inge lexe ngingi tamalemalenga no iou.

Epesusi 5:26

Mo anu mukalipalanu lexe noxou mu'isalili. Mukalipalanu, ia tei la anu mu'uinenge nenge tatemanu no anu vaikalaou.

1 Tesalonaika 2:12

Tetatama noxinge lexe muamua'i noxinge la laixe mo ulovou ilixo noxou Mosinge. Xo anu molu mu'avalinge lexe no anu voxo so anu molu u'uli laxune'i tamitemaou la ngingi ngaxoxolu ne no anu iaxusi.

1 Tesalonaika 5:23

Xe nexi talinga noxou Mosinge e mosou xoluxolu lalavulusi aloxo 'o. Anu uxalixu xoluxolungenge malemalenga avile. Mo anu uutululunu ulengengi mo tangengi mo vasimenge so xoluxolu noxinge pumuxusi. Mo so no voxosou lailivuxu Tatananenge Iesua Kalaisiti la mi vile masua uxolu noxinge uasi.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

2 Timoti 4:18

La anu axonesi Tatananenge upamaulileli no anu mimi masumasua a so i'oxonu noxilo. Upamaulileli mo ulaxa'ileli laixe so u'unalaixilo axolu no anu ane so molu u'uli laxune'i tamitemaou. La nenge ta'itinu ualasou ulai ulai mole utalo uasisi. Vaikala ano'o maninasi.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

1 Pita 1:2

Tateimo Mosinge anu Maminge mula­vusinge lumamo kaio musoso­vosinge so Ulenu ukalipalangengi lexe ngingi tano­xou u'isalili. Mo so axone la ngalomuxu vaikalaou Iesua Kalaisiti xe sialuxu e munixi la mu'uingengi so ngexali tamale­malenga no iou Mosinge. Eni amasaxau lexe ngingi ngaxa­mulinu iaiama ilou xoluxolu lala­vulusi noxou avile.

1 Pita 1:5

Ngingi ngelopala laso Mosinge u'oxonu latolosinge no anu xaviousi xo mo upalasinoxu pamaulisinge avile no anu kaluxu­sou voxo.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

Iuti 1:21

Xe ngatulu pumungenge no anu sexela noxou Mosinge so ngaxomaiou voxo so Tatananenge Iesua Kalaisiti u'alaunasinge no anu mauli kaluxu uasi.

Iuti 1:3

Ioxe tamaula, eni opoleli mutu­tulu lexe akaukavu ulai noxinge so usu'ulinu xavutalamengi no anu pamauli ane nenge nenge'a texa­lisou mukalu. Ia examulinu lexe eni masi akaukavunu vaikalasou ngiou vile aloxo 'o kalumo. Amasaxau a'avutinixinge so ngasoa pakia'u mo ngautululunu lopala na'a nenge. Vaikala so lopala anene Mosinge mupilixinu loloni noxinge tamite­maou mu'isalili mo ili'i la uxiunu o usolonu no latanu la uasisi.