2 Pita 2:4 - Ata New Testament

⁴ Aloxo ngelavusou, tatei loxo ta'angelo mose'i misusu la Mosinge iou uvaxaou susu noxi'asi uasi. Anu mukusai'a musu'ane'i no anu navu so mamulo mo so ixolu ikalavusu no isivoxo la ixomaiou voxo so ixalisou lakolisou susu noxi'a.

2 Pita 2:4 ပူးပေါင်းရင်းမြစ်များ

Iuti 1:6

Xe loxo ta'angelo leviani la miua'ulixu lamakisou xavi noxi'a xe ixolu se'isisi no anu tanixa'a u'isalili uasi, mia'alasou. Laso Tatananenge muloilokisi'a no anu seni ane uxolu kaluxu uasi so ixolu ikalavusu no anu isivoxo xo mo voxo tatila so tilovo olele uxali.

Matiu 25:41

Ioxe mukalu la kingi uvikalane'i laili ane no avolu kaisi lexe, 'Ngingi ane so ngaxalisou mamulo, ngaxexe noxilo mo ngalai no navu so mamulo e u'ani'ani kaluxu uasi. Navu so mamulo anene mulalaxisi'a Uluaou oli'a ta'angelou.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Luku 10:18

La Iesua muvi­kalane'i lexe, “Eni emaisou Uluaou mulapau no tualasou Mosinge mupisikei mulu'e loxo lele'e mupau.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

2 Pita 2:11

Ane'i ta'angelo ne xavine'i uua'ulixa'a tamitema so oxopai ne avile ia ane'i ito'ome'a no anu vaikala no iou Tatananenge uasi.

2 Pita 2:5

Xe noxi'a tamitema so tatei kalumo. Ane'i mixililiou Mosinge la anu iou uvaxauou susu noxi'asi uasi. Anu mumamulone'i no anu anipa tatila e muxalixu so unononu lialia mukalusi. Ia Noa e itema so mulanu vaikala mulapusi oli'a tamitema 7-si Mosinge mu'u­tululune'i.

Luku 8:31

La ane'i milinga noxou Iesua pakia'u lexe upalusi'a ilai no taxa ane ulu'elai avile mamu.

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

Maki 5:7

Mutangatuluou la anu muvikala tatila noxou lexe, “Iesua, Mosinge anu Mu'uli'uli Olu, nini nene'e so na'oxo ma'ia noxilo? Eni alinga pakia'u noxine no anu ualasou Mosinge lexe namasualeli mamu.”

Matiu 8:29

La ilou mi'ava tatila lexe, “Nini Mosinge Olu, nene'e so na'oxo mi ma'ia noxixe 'o? E voxo a uao, ia nene'e kolo­kolo aloxo 'o so namasuanexi, ne?”

Iuti 1:13

Ane'i loxo xasi ane uxolaxola upaxelelesi. La ilixone'i ane laixe so imailamulinu ne upala'a no tani keakeasi aloxo livilivi upala'a no luaki. Ane'i loxo tataoto imulinu vote'isi'a u'isalili uasi, ixixao vitanisi. Laso maixene Mosinge mulalaxinu tanixa'a no anu isivoxo e tamokikisi so ixolu no anu kaluxu uasi.

2 Pita 2:9

Laso ane, anu upalasi lexe Tatananenge ulavusou vote'i so u'umene'i tamitemaou Mosinge no anu tovotovo loxo uxalisi'a. Xe anu ulavusou vote'i so ukolikolinu susu noxi'a tamitema so kilikalu xo mo uxali avile no anu voxo so Lakoti noxou.

Lomu 11:21

Ngamama'u xo ovu avo'avolu maninasou e Ta'isilaeli mi'itine'i laso muxe­xene'i. Ia ngingi avolu samele loxo ngingi nga'itingengi la uxexengengi uasi? Uxexengengi ane.