2 Pita 2:3 - Ata New Testament

³ Mo ane'i tamitema ne iisuxu mimimengi laso ito'omolu kusingengi mole itaxusousi. Ia tatei la Mosinge mulalaxinu mamulo so ukolinu susu noxi'a mo anu a uloloxa'a, anu uai uasi.

2 Pita 2:3 ပူးပေါင်းရင်းမြစ်များ

Matiu 23:14

Anu masua noxinge tamitema so lavulavu xe ngingi Tapalisi. Vaikalamengi ilou ilixomengi vilesisi uasi. Ngingi ngalavusou nga'oxo loloxa'a tasema ane tamului'a misoisoli so ipilixinu tasi'a no avonge. Mo ngakalavoi so ngakilaka veveni musuku. Laso maixene no anu voxo so Mosinge ukotingengi la ngatavulenu tu'uma­xusou tatila.

Luku 18:8

Avikalangengi lexe ulomuxa'a alaxu vilesisi. Ia loxova, loxo Itema ane molu noxou Mosinge uxali no lialia la umaisou lopala noxi'a tatemanu uxolu o uasi?

Luku 20:20

Ioxe, ane'i tatiatila mituluxu Iesua laixe mo so loxo upolo va'axu no anu vaikalaou vile la itetelisou ka ipilixinu no avolu tila no anu xamani so ukotixu. Laso mipalusi'a tamitema se'i ane mikalavoi lexe ilolomu laixe noxou ia loxo manina la mine'e so milakokongoxusi.

Luku 22:47

Ioxe, Iesua uvikalane'isio la tamitema latala a mine'e. La itema e ilemolu Iutasi, anu vile noxi'a tatisaipeli 12 a mu'uli so ulo­soie'ixu vote'i. Anu mune'e muxali noxou Iesua sila mu'oxo so lexe umaxa'u sexela noxou.

Tioni 2:16

Xe noxi'a tamitema e misali­mune'i tangiala la muvikalane'i lexe, “Ngataxusi'a tangiala mo ngalailai. Mamu so nga'oxonu tasou Mamilo uxali tasou maketi.”

Lomu 16:18

Xo ane'i anene tamitema so xaixai noxou Tatananenge Kalaisiti uasi. Ane'i imulinu masamasaxa no anu vasime'asi. Mo ane'i ilavusou ivikala laixe mo ixilisine'i ane'i ane itilovo laixe uasi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

1 Tesalonaika 2:5

Utilovosou oponexi laso anu molu uvalanexe a loxo ngingi menge ngalavusou. Texali noxinge la taxilisingengi uasi xe mi vile noxinge so ta'isuxu uasi.

1 Tesalonaika 5:3

No voxo anene la tamitema i'oxo lexe, “Ai nenge taxolu lalavulusi 'o, ta'umolu mi ma'ia?” Ixolu ivikala axone sila alaxu vilesisi mamulo uxalisi'a ane. Uxali alaxu vilesisi a loxo navunavu uxalisie sema mi ne ilie u'oxone so ivo'o. Mamulo uxalisi'a axone la vote'i so ipisikei i'ume uasisi.

1 Timoti 3:3

Mo aloxo 'o kalumo. Anu itema so usipaki uasi. Xe anu itema so la'iaxu palea uasi, uxolu oponu lexa noxi'a tamenexu mo uxalixu tu'utu'umaxu uasi. Xe anu itema so oponu ututulu no anu lamoli uasi.

1 Timoti 3:8

Mo axone kalumo noxi'a tami­tema so su'uli. Xo itema so su'uli ne anu uxolaxola uasi, anu oponu utulu no anu xaixai noxousi. Anu itema so uxiuxiunu vaikalaou uasi. Xe anu itema so usipaki uasi mo uisuisuxu lamoli uasi.

1 Timoti 6:5

Mo voxovoxo utotomu ikusukusu'a no anu vaikalasi xo xavutalai'a vuluvulusi mo mi vile manina no anu uasi. Mo ikalavoi lexe loxo i'una no anu xaixai noxou Mosinge la anene vote'i so ixalisou lamoli xe mimi.

Taitusi 1:11

Ane'i ilavusou ixixaoxao mo ilanu vaikala masumasua so ima­suanu lopala noxi'a tatemanu tanitani. I'oxo loloxa'a axone xo ikamulinu vote'i so ixalisou lamoli o mimi so vasime'a. Laso pakia'ine so na'api­xa'a no anu vaikali'a ne lexe ixolu tasiausi.

Taitusi 1:7

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

1 Pita 2:8

Xe muvikalasou aloxo 'ola, “Anu loxo lavo'o e mitulatulaki no anu mole opone'i tu'umaxuou manina.” Ani, ane'i itulatulaki noxou xo ilomuxu vaikalaou to uasi. Laso maixene ixalisou mamulo e Mosinge mule­molu si'axu lumamo.

1 Pita 5:2

Ngingi ngalaxa'ine'i tamite­maou Mosinge laixe xo ane'i loxo tasipisipiou ane mupilixine'i no avonge ne. Laso loxo ngaxaxai so ngasaxila'a la nga'oxonu loxo evile usoungengi no anu uasi. Nga'oxonu xo ngingi menge ngamasaxau xaixai anene mo ngalavu lexe anene masaxa noxou Mosinge. Mo tava'u nga'oxonu so ngano'u lapesou uasi, nga'oxonu no anu osa maninasou no opongengisi.

2 Pita 1:16

No voxo loxo tepela'inge lexe Tatananenge Iesua Kalaisiti une'e no anu xaviou tatila la tamulinu a'alo ane tamitema me'a ixalixu no anu lavulavu noxi'a to uasi. Xo nexi texolu mo temaisou xavinu lamanaxu so uxolu Mosinge no iexi lavo'onu 'osi.

2 Pita 2:1

Tatei la tapolopeti kalavoi se'i mi'avuti no taine'i Ta'isilaeli. La anu axonesi, xo tatisa kalavoi se'i masi ixali no taingengi ka ipakisinoxu votovoto kalavoi u'una so umamulonu lopala noxinge. Tamitema anene Tatananenge mupilixinu lapesi'a kalumo ia ane'i ixililiousi mole me'a ixalixu mamulosi'a paleasi.

2 Pita 2:9

Laso ane, anu upalasi lexe Tatananenge ulavusou vote'i so u'umene'i tamitemaou Mosinge no anu tovotovo loxo uxalisi'a. Xe anu ulavusou vote'i so ukolikolinu susu noxi'a tamitema so kilikalu xo mo uxali avile no anu voxo so Lakoti noxou.

Iuti 1:11

Anu uxali masua manina noxi'a. Xo mipolo no anu vote'i e noxou Kaini. Xe xavutali'a no anu lapesi laso mivaxasi mipita no anu susu noxou Valamu. Xe mi'oxo pai noxou Mosinge aloxo Kola mu'oxonu laso ixalisou mamulo­sou iou vilesisi loxo anusi.

Iuti 1:15

Mine'e so anu utilovosi'a tamitema muka­lusi kaio ulemolu mamulosi'a tami­tema ane mixililiou ilixo noxou Mosinge mo milai no anu vote'i ane u'osasou uasi. Xe so ukolinu vaikala masumasua tamitema so susu ne milemolu so ixililiou Mosinge.”

Iuti 1:16

Ane'i to ne tamosou kalapu xe mi ma'ia uxalisi'a la imunumunuxa'a tamenexi'a no anu. Mo masaxa masua no anu vasime'a loxo uxali la imulinusi. Ane'i ivikala vuluvulusi so i'itine'i xe loxo imasaxau mi ma'ia noxi'a tamitema la ilavusou ito'omolu kusine'ixu tosi.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.

Iuti 1:7

Mo aloxo tatemanu taoni ne Sotomu xe Xomola xe taotaoni no pa'ume'a. Ilixone'i iou vilesisi loxo ta'angelo to ne xo milaixu vasime'a no anu susu ane nuni'u mo iou vilemo manina. Laso Mosinge mumamulone'i no anu navu ane uxolu kaluxu uasi mo so ulosoie'i tamitema mukalusi lexe anene lakolisou ilixo axone.