2 Pita 1:3 - Ata New Testament

³ No anu xaviou Kalaisiti so uxolu Mosinge la muitimenge mimi mukalusi so taxolu muamua'inenge no anu ili'ilixou Mosinge u'isalili. Mu'itimenge axova? A no anu vote'i e so molu mupala'anixu noxinge so talavusou. Mupala'a­nixu noxinge xe temaisou lexe anu xoluxoluxu iaxu mo lailaixe mu'u­li'uli, la anene vote'i so mu'ava­linge.

2 Pita 1:3 ပူးပေါင်းရင်းမြစ်များ

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

1 Kolini 1:9

Xo talavu lexe Mosinge uxiunu oponu uasi. Mo mi ne noxoumo, xo anu molu mu'avalinge so ta'una no anu xoluxolu noxou Olu Iesua Kalaisiti anu Tatananenge.

2 Kolini 12:9

Ia anu mukolileli lexe, “Iaiama noxilo umomomo noxine. Xo xavi noxilo uxali loloni avile noxou itema aneva upilixinu noxilo lexe pelesousi.” Muvika­laleli axone laso maixene eni a'osa so a'itinu mimi noxilo ane pelesilo no anu xo anene vote'i so xavi noxou Kalaisiti uxolu noxilo.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

Epesusi 4:4

Xo vasimolu Kalaisiti vilesisi mo Ulenu vilesisi mo ngalopalanu ngaxomaiou mi vilesisi kalumo. Mosinge molu mu'avalinge so ngalopalanu ngaxomaiou mi vilesisi e voxo lailaixe ili'io.

Pilipai 3:8

La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.

Pilipai 4:8

Ioxe tavivilo, vaikalaxeli telexu aloxo 'o. Utotomu xavutalamengi uxoxolu no anu mi ane kalavoi no anu uasi xe mi laixe so tataxanu xe mi ane ulapusi xe mi ane malemalenga xe mi ane so sexelasi xe mi ane tamitema ivikalasou laixesi. Ani, ngaxavutalanu mimi ane lailaixe u'uli'uli xe mimi ane temanu laixe so ta'itinu axonesi.

Kolosi 1:16

Xo noxou, la Mosinge mukoinu mimi mukalusi no tualasou xe no lialia 'o. Muxalixu mimi ane tasaxisou no ienge xe mimi ane tamomomo so tasaxisou no ienge uasi, aloxo ta'angelo so xavi xe ta'ulenu ane i'uli'uli xe tamimi ane xavine'i mo ualaualasi'a. Mimi mukalusi molu noxousi xe mimi mukalusi a noxoumo.

1 Tesalonaika 2:12

Tetatama noxinge lexe muamua'i noxinge la laixe mo ulovou ilixo noxou Mosinge. Xo anu molu mu'avalinge lexe no anu voxo so anu molu u'uli laxune'i tamitemaou la ngingi ngaxoxolu ne no anu iaxusi.

1 Tesalonaika 4:7

Mosinge mu'avalinge so tamulinu ili'ilixo nuni'u axone uasi. Mu'avalingexu xoluxolu malemalengasi.

2 Tesalonaika 2:14

Xo anu umasaxainge lexe ngingi ngaxali mo ngaxolu no anu iaxu Tatananenge Iesua Kalaisiti. Laso maixene anu mu'avalinge no anu vaikala laixe ane ngelomusou noxixe.

1 Timoti 4:8

Xo loxo ta'ekisasaisi so vasi­menge uno'u xavi la anu usu'ulinenge sevile. Ia loxo ta'isalilinoxu xolu­xolunenge no anu masaxa noxou Mosinge la nenge tano'u su'ulisou tatila. Su'uli anene so xoluxolu vaimomo 'o xe no anu ane ili'i kalumo.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Ipilu 1:3

Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

1 Pita 1:15

Xo Mosinge e mu'avalinge ne anu malemalengasi laso ngingi kalumo ngaxolu malemalenga no anu ilixomengi mukalusi.

1 Pita 1:5

Ngingi ngelopala laso Mosinge u'oxonu latolosinge no anu xaviousi xo mo upalasinoxu pamaulisinge avile no anu kaluxu­sou voxo.

1 Pita 2:21

Xo mi ane Mosinge mu'ava­lingexu ane. Anu Kalaisiti muta­vulenu navunavusinge xe mu'uli no anu vote'isinge mo so ngingi ngamulinu ngalanu tava'inge no anu xuaxua'u.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

1 Pita 3:9

Xe loxo tamitema isusunixinge la ngasu­sunixi'a so ngakoline'i uasi. Xe loxo ivikalasinge masua la ngakoline'i no anu vaikala masua uasi. Ngakoline'i aloxo 'o. Nga­lingau su'ulisou xoluxoluxa'a noxou Mosinge, xo mi e mu'ava­lingexu a so ulosinge xoluxolu laixe.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

2 Pita 1:10

Laso ane tavivilo, xavingengi avile so ngapala'anixu no anu ilixomengi lexe anu manina, anu mu'avalinge mo muiloungengi lexe ngingi tamitemaou. Xo loxo ngamaxa'u lexe mi ne maninasou, la vote'i so ngatulatulaki no anu lopala na'a ngingi uasi.

2 Pita 1:2

Ngingi a ngala­vulavu noxi'a Mosinge ilou Iesua anu Tatananenge laso eni alinga lexe lavulavu ne u'oxonu iaiama ilou xoluxolu lalavulusi uleme mo ulolutu no anu mauli noxinge.

2 Pita 1:5

Laso maixene noxinge, la xavingengi so ilixo laixe ukei ilou lopala noxinge mo lavulavu laixe ukei ilou ilixo laixe.

2 Pita 1:6

Xe no anu anene la ngapitapitanu no anu ano'o kalumo. Ngautululunu vasi­menge no anu masamasaxa masua mo ngatavulenu tu'umaxu aneva uxalisinge mo muamua'ingenge aloxo Mosingesi.

2 Pita 1:8

Loxo telemolu, ngingi ngexa­lisou lavulavu manina sou Tatananenge Iesua Kalaisiti. Laso loxo ili'ilixo laixe ano'o upita no anu lavulavu ne mo uleleme xe ulolutu noxinge la xoluxolungenge xalusou vitanisi uasi, anu uxalixu temanu laixe.

2 Pita 2:20

Xo tamitema imuline'i ne a mino'u lavulavu noxou Iesua Kalaisiti anu Tatananenge e mosou pamauli mo a mi'umene'i no anu ilixo nuni'u so lialia 'o. Ia loxo ilivuou mo i'amo no anu xe uua'ulixa'ae la xoluxoluxa'a uma­sua avile mole uua'ulixu ane tei loxo ixiunu ilixone'i uao.

2 Pita 3:18

Ngingi ngexalisou iaiama noxou Iesua Kalaisiti anu Tatananenge xe mosou pamaulisinge mo ngingi a ngelavusou, ia amasaxau lexe iaiama mo lavulavu ne uleme noxingesi. Nenge ta'itinu ualasou vaimomo 'o xe voxo ili'i ulai ulai kaluxu uasi. Vaikala ano'o mani­nasi. Anu anesi.