2 Kolini 9:2 - Ata New Testament

² Xo eni elavu lexe opongengi mulalaxi no anu mukalu. Mo alaxu tavu'alo ea'alo­ngenge so a'itinu ilixomengi noxi'a Tamasetonia lexe, “Ai, ane'i Ta'akaia ne milalaxi lumamo, a misoko'u no tau ie mulai 'oe!” Xe ane'i milomu lexe ngingi nge'osa so ngapitanu avonge axone la mu'avutinoxu opone'i tavu'alo noxi'a kalumo.

2 Kolini 9:2 ပူးပေါင်းရင်းမြစ်များ

Ta'aposeli 18:12

Ia mune'e mune'e la xamani vile ualasou lexe Xaliou mutulu mutiatila no Akaia polovinisi. No voxo loxo mutulu la ane'i Taiuta mipita mixililiou Polu. Mixililiou laso mino'u milaixu no lakoti so Xaliou utongonu.

Ta'aposeli 24:17

Polu mukolinu vaikala axone mukalu la mua'alo aloxo 'o, “Eni exolu tau ie se'i no tuatuala. Exolu xo xe mukalu la elivu ene'e no anu laili noxilo. Ene'e la ene'enu lamoli xe mimi se'i so usu'uline'i ane'i ane xoluxolu noxi'a masua. La exalixu mi se'i no tasou Mosinge so emulinu ilixo so navu.

Lomu 15:26

Xo se'i noxi'a ne la'ilalixa'a mo lamoli uasi. La Mosinge ta'olu ne Masetonia xe Akaia polovinisi 'o mi'oxo laixe so mipitanu lamoli sevile so ulai noxi'a olele.

1 Kolini 16:15

Tavivilo eni apelototo pakia'u noxinge aloxo 'o. Ngingi ngalavusi'a laili noxou Sitevanasi lexe ane'i tei noxinge no anu lopala ne Akaia polovinisi. Mo ngalavu lexe ane'i opone'i ututulu so isu'uline'i tamitemaou Mosinge u'isalili.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

2 Kolini 7:14

Tei la e'itinu ualasinge noxou Taitusi so ea'aloxu ilixomengi lexe laixesi. La amai­lamulinu vaikalaxeli ne uasi xo mi ma'ia telemolu noxou la molu mumaisou lexe maninasi. Vaikala ma'ia nexi telemolu noxinge la maninasi mo anu mupalasi lexe vaikala ane telemolu noxou la anu axonesi.

2 Kolini 7:4

La elavu manina lexe avikala noxinge aloxo 'o la ngingi ngalomuxu, laso atatalumeu mi vile no opoleli uasi. Eni a'osa so aa'alongenge noxi'a leviani. Manina, nexi tatavulenu tu'utu'u­maxu ia loxo axavutala­ngengi la opoleli uai se'isisi mo osa'ilasinge misevile.

2 Kolini 8:10

Ioxe, eni apala'anixu xavuta­laxeli noxinge no anu xaixai so ngapitanu avonge. Xo no anu tau ie mukalu 'o la ngesoko'u tei mo opongengi mu'osasou.

2 Kolini 8:11

Laso ngasivitanoxu avilesi. No anu vote'i so nge'osa mo ngesoko'u la anu axone so ngakalusou umo­momo avile no anu lasixelisou.

2 Kolini 8:19

Mo aloxo 'ola. Ane'i tatemanu pitapita miso­sovosou so noxi'a taxixao ta'oxonu xaixai so iaiama e nenge nenge'a tapitanu avonge no anu 'o. Nexi tasaxila'u xaixai anene so u'itinu ualasou Tatananenge xe umaxa'u oponexi lexe ututuluou su'ulisi.

2 Kolini 8:24

Laso loxo ixolu no taingengi ne la ngapala'anixu sexela noxinge noxi'a. Mo so loxo ilivu no anu pitapita la ipalasinoxu sexela noxinge lexe temanu mo ivalaxu vaikalamexi so tea'alo­ngenge laixe.

2 Kolini 8:8

Ia amulaxu lo noxinge no anu uasi. Epela'inge lexe ane'i leviani mi'osa so isu'uli axone mo so utovonu sexela noxinge. Mo so axova, ngingi kalumo nga'osa so ngasu'uli axone o uasi?

1 Tesalonaika 1:7

Ngeuanenexe laso maixene no anu xoluxolungenge la ngexali loxo pikisa laixe so talopala ne Masetonia xe Akaia polovinisi iuanengenge kalumo.

Ipilu 10:24

Xe takamulinu vote'i so ta'avuti­nixinge ngato'o so tasexela mo ta'oxonu ili'ilixo laixesi.