2 Kolini 8:9 - Ata New Testament

⁹ Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

2 Kolini 8:9 ပူးပေါင်းရင်းမြစ်များ

Matiu 17:27

Ia mi vile uasi, masi opone'i tu'umaxuinge ane. Laso na'oxo aloxo 'o. Nalai na'uku no kupa xe sinana ane u'ala tei la nano'u ka na'a'anixu anaxu. La nano'u lamoli a uai nonano no anaxu ne. Mukalu la nalai nalosi'a so ulotonu taxisi noxinge nengei.”

Matiu 20:28

Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”

Matiu 8:20

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”

Maki 6:3

Ano'o ne telavusou. Anu kapenitasi to! Anu Malia ilie. Nenge telavusi'a tavimovimou e Tiemisi xe Iosepu xe Iutasi xe Saimoni. Xe tavimo­vimou tasema a nenge'a taxolu 'osi.” Ane'i mivikala axone la opone'i masuaou.

Luku 16:11

Laso loxo ilopalangengi no anu lamoli nuni'u so lialia 'o xe ngasaxila'u laixe uasi la ena'ei so ulopalangengi no anu mimi lailaixe maninasou?

Luku 2:7

Laso no voxo anene mivo'onu ilie anu laposa­laxu. Mivo'onu mukalu la misu'a­sou no anu lavalava mo miaisou no anu lusou la'ilalixa'a takau. Ane'i a mixolu no anu ngiou noxi'a tami­soposi axone xo tasi'a tami­tema taasila a mua'anana, mole tanixa'a nonano uasisi.

Luku 8:3

Xe vile ane Tioana e Kusa semau. Anu Kusa ne anu itema tila vile no anu tasou Eloti. Xe vilela ualasie lexe Susana, mo tasema se'ila. Ane'i tasema ne milavusou ino'u mixamixa'a u'isalili so isu'uline'i Iesua oli'a tatisaipeliou.

Luku 9:58

Ia Iesua muvikalanu lexe, “Ta'a'a tavova taxataxasi'a no lia so ixolu no anu. Xe tangiala tasi'a kalumo. Ia Itema ane molu noxou Mosinge anu tanixu so uai uasi.”

Tioni 1:10

Ioxe, laso anu ane ualasou lexe Vaikala a muxolu 'o no lialia e muxali noxou ne, ia tatemanu lialia itongonu to uasi.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Tioni 1:17

Xo manina, no anu vote'i e noxou Mosisi la texalisou lo. Ia noxou Iesua Kalaisiti la texalisou iaiama ilou vaikala anu temanu manina.

Tioni 12:30

Xe Iesua muvikalane'i lexe, “Xoli e ngelomusou 'o anu so su'ulisilo uasi, anu so su'ulisinge ane.

Tioni 16:15

Mimi muka­lusi noxou Mamilo ne eni na'a xeli kalumo. Laso maixene evikala lexe anu Ulenu Laixe uno'u vaikala noxilo kaio upala'anixu noxinge.”

Tioni 17:19

Eni ekalipalaleli mo so emulinu masaxa noxine u'isalili. E'oxo axone xo opoleli mutului'a lexe no anu vote'i e so vaikala anu temanu manina nesi la ane'i kalumo ikalipala ixali tamitemameni mu'isalili.

Lomu 11:12

Laso talemolu aloxo 'o. No anu ilixo masua noxi'a Ta'isilaeli la anu muxalixu nene'axu laixe noxi'a tamitema noale'ale. Ioxe, loxo ili'i ane'i Ta'isilaeli ilopala xe ilivu noxou Mosingela, la nene'axu ulolutu musuku noxi'a tamitema no xale tuatuala.

Lomu 15:3

Nenge telavu lexe Kalaisiti kalumo xavutala noxou muxolu noxousi uasi. Xo tatei mikaukavunu vaikalaou mulemolu noxou Mosinge aloxo 'o, “Vaikala masua aneva tamitema misu'anu noxine la mulapau noxilo.”

Lomu 5:8

Anene ilixo noxinge, ia noxou Mosinge iou vilemo manina. Anu musexela­nenge misevile. Xo no voxo loxo oponenge mututulu no anu sususio, la anu mupalusou Kalaisiti musoli so mupamaulinenge.

Lomu 8:32

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

1 Kolini 1:4

Eni alavusou axavutalangengi mo avikala laixe noxou Mosinge utotomu. Avikala laixe so iaiama mulosinge no anu vote'i e noxou Kalaisiti Iesua.

1 Kolini 15:47

Itema ane tei ne anu so lialia xo Mosinge muxalixu no anu lialiasi. Ia anu itema tameisou anu molu no tualasou Mosingesi.

2 Kolini 13:14

Eni amasaxau lexe ngingi mukalusi ngaxamulinu iaiama noxou Tatananenge Iesua Kalaisiti xe sexela noxou Mosinge. Mo amasaxau lexe Ulenu Laixe u'oxonu opongengi uxolu vilesisi. Anu anesi.

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

Epesusi 2:7

Anu mu'oxo axone so no anu voxovoxo mo tautau ie ili'i la upalapa­lasinoxu iaiama noxou toxoxa'a to e mu'oxonu noxinge. Iaiama e mu'oxonu noxinge noxou Kalaisiti Iesuasi.

Epesusi 3:19

Amasaxau lexe ngano'u lavulavu no anu sexela noxou Kalaisiti axone ia umo­momo so ngaxali no anu teletelexu avile uasi. Xo mimi noxou Mosinge ne mulolutu e mulolutu laso anu ulosinge so ngaxolu no latanusi.

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

1 Timoti 6:18

Mo napelototosi'a lexe i'oxonu ili'ilixo laixe so isu'uline'i tamenexi'a. Mo voxo­voxo utotomu ipilipilixinu avo'a noxi'a ane'i ane mimi uasi. Mo loxo ivelevelunui'a la itukala uasi, avo'a temanusi so ilosi'a.

Ipilu 1:2

Ia vaimomo 'o no anu kaluxusou voxovoxo 'o, la Mosinge mupolonu vaikalaou noxou Olusi mo so uxali noxinge nenge'a. Olu ne musoso­vosou so upilixinu mimi mukalusi noxou. Mo noxou, la Mosinge muxalixu lialia mukalusi.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 21:7

Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Mupala'a 3:18

Laso apelototosinge aloxo 'o. Ngane'e noxilo so ngaxalisou koli e navu mu'elaxu so uxexenu mimi masua no anu. Ngaxalisou laso ane, ngaxolu no latanu mimi lailaixe ne. Xe ngaxalisou lavuluti kea so ngasu'asinge no anu mo so ngamailamulinu vasimenge vita­nisi ne uasi. Xe ngaxalisou lamalasini mo ngamulaxu no iengi so ngasaxisaxi.